Luˇkaꞈ 14:12 - Akha

¹² Aˬ yawꞈ-ahˇ kuˇ-awˇ hawˬ byawˇ lawˇ-euˬ nymˇ sahˇ gʼaˬ-ahˇ kʼawꞈ, Yeˬsuˇ heu loꞈ-ehˇ ehˇ nehˬ-euˬ meh. “Nawˇ hawˬ byawˇ lawˇ ngeh, nawˬ-euˬ cawˬ deuˬ, nawˬ-euˬ mehˇ nmˇ deuˬ, nawˬ-euˬ aˬ yuiꞈ aˬ nyiˇ deuˬ hawˇ-eu, nawˬ-euˬ dawˬ peh jawˇ-eu smˇ muiˬ smˇ baw deuˬ-ahˇ taˬ kuˇ. Aˬ yawꞈ maꞈ-ahˇ kuˇ naˇ, aˬ yawꞈ maꞈ kʼawꞈ nawˬ-ahˇ paˇ kuˇ poˆ-awˇ, nawˬ neh jahˇ nehˬ-euˬ loꞈ-ehˇ , nawˬ-ahˇ guiˬ lahˬ paˇ jahˇ kʼoꞈ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Yeqsur, aqyawf-anr kur-euq ghaq-anr khawf heulof-aer aernaeq-euq mae, “Nawr, aqcawq-anr kur-awr, ghanrhawq maqngeur nar-aq cifhawq bidzaq ngae, nawq-euq cawqdeuq, nawq-euq maernmr deuq, nawq-euq aqyuif aqnyir deuq hawr-eu nawq-euq dawqpae jawr-eu smrmuiq smrbaw deuq-anr taqkur. Khoerdeuq-anr kur nar-aq, aqyawfmaf khawf nawq-anr kur-awr, guiqlanq janrkhof naeqlaf taef-a.

Luˇkaꞈ 14:12 ပူးပေါင်းရင်းမြစ်များ

Dawqdaq 14:20

Iˇ shaˬ zaˬ-ahˇ aˬ yuiꞈ aˬ nyiˇ maˬ haw nahˇ-ehˇ, smˇ muiˬ zaˬ cawˬ maˬ cawˬ jiˇ coeˇ-a.

Dawqdaq 22:16

Smˇ muiˬ-ahˇ laꞈ sawˬ biꞈ-awˇ, yaw shaˬ zaˬ deuˬ-euˬ uˬ duˬ-ahˇ dzaˬ naˇ, nawˇ shaˬ le tehꞈ-a.

Maꞈtehˬ 5:46

Naw maꞈ-ahˇ gaˬ-eu tsawˇ haˬ deuˬ-ahˇ tehꞈ-ehˇ naw maꞈ gaˬ naˇ, naw maꞈ aˬ jeˬ aˇ poeˬ paˇ baw ta. Kawˬ taꞈ-eu tsawˇ haˬ deuˬ kʼawꞈ kʼoeˇ loꞈ-ehˇ gaˬ-eu maˬ ngeuˇ-a loˇ.

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Luˇkaꞈ 1:58

Aˬ yawꞈ-euˬ dawˬ peh jawˇ-eu tsawˇ haˬ deuˬ hawˇ-eu, aˬ yawꞈ-euˬ aˬ yuiꞈ aˬ nyiˇ deuˬ, SahˬpaˬMiˬyehˇ neh aˬ yawꞈ-ahˇ gʼawˬ shaˬ gaˬ dui dui neh-euˬ gaˇ kawˆ ya gaˬ ngeh, aˬ yawꞈ nehˬ-ehˇ laˬ kʼaˬ caw cehˇ-euˬ meh.

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Luˇkaꞈ 14:13

Ehˇ kʼawꞈ, nawˇ hawˬ byawˇ lawˇ ngeh, shaˬ-euˬ zahˬ-eu tsawˇ haˬ deuˬ, kuiˇ kuˆ laꞈ kuˆ kuˆ-eu tsawˇ haˬ deuˬ, kuiˇ shiˇ laꞈ shiˇ shiˇ-eu tsawˇ haˬ deuˬ hawˇ-eu, myaˆ behꞈ behꞈ-eu tsawˇ haˬ deuˬ-ahˇ kuˇ-awˬ.

2 Gawˇliˬtu 6:13

Naw maꞈ-ahˇ ngaˬ-euˬ zaˬ loꞈ-ehˇ sawˇ-awˇ ngehˬ cawˬ luꞈ-eu ma. Naw maꞈ kʼoeˇ taˆ nga maꞈ nui ma taˬ-eu loꞈ-ehˇ, nga maꞈ kʼoeˇ taˆ naw maꞈ nui ma taˬ nehˬ laꞈ-awˬ. Naw maꞈ-euˬ nui ma jeˇ lo ni pah nehˬ laꞈ-awˬ.