Luˇkaꞈ 13:19 - Akha

¹⁹ Kʼoeˇ-aˬ, tsawˇ haˬ tiˬ gʼaˬ neh yawˬ ha-euˬ yaˇ kmˇ-ahˇ sehˬ-euˬ gʼawˬ paꞈ aˇ nuiˆ -ahˇ duˇ-eu meh. Gʼawˬ paꞈ aˇ nuiˆ kʼoeˇ dehꞈ laˇ-awˇ aˇ bawˬ bawˬ ma ma laˇ ngeh, kʼoeˇ taˆ zaw-eu aˇ jiˇ deuˬ uˬ laꞈ-ahˇ bahˬ bahˬ le-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Miqyaer uvlanr-eu jeq-aq, tsawrhaq tiq ghaq, ghawqpaf arnuiv yur-awr aqyawf-euq yarkmr-anr saeq-euq gar dur-eu mae. Arnuiv khoer daeflar-awr, arbawq bawqma malar ngae, mqtav zaw-eu arjir deuq uqpyaq-anr banq banqle-eu mae.”

Luˇkaꞈ 13:19 ပူးပေါင်းရင်းမြစ်များ

Dawˬ caˇ 4:12

Ngaˇ gaˬ-eu ngaˬ-euˬ zaˬ kʼaˬ-aˬ, ciˬ cuˇ ni jaˆ-eu yaˇ kmˇ-ahˇ duˇ nya. Yaw muiˬ paˬ-ehˇ mˇ gʼoeˬ taˬ-awˇ iˇ cuꞈ lah jaˆ-eu yaˇ kmˇ-ahˇ duˇ nya.

Dawˬ caˇ 4:16

Laꞈ taˆ paw pyawˬ-ahˇ-euˬ jaˬ lehˇ-oˇ, noeˬ laˇ-awˬ. Laꞈ oˆ paw pyawˬ-ahˇ-euˬ jaˬ lehˇ ngaˬ-euˬ yaˇ kmˇ-ahˇ baw gʼeh laꞈ-awˇ, yaw saw jeˬ jaˬ lehˇ laꞈ kʼoeˇ hehˇ byah gʼeh-awˬ. Ngaˇ gaˬ-eu gʼaˬ aˬ yawꞈ-euˬ yaˇ kmˇ-ahˇ oe-awˇ, kuiˇ dui dui-eu aˇ siˬ deuˬ bi dzaˬ le-awˬ.

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Dawˬ caˇ 8:13

Ngaˇ gaˬ-eu gʼaˬ-oˇ, yaˇ kmˇ-ahˇ nawˬ-euˬ teˇ saˇ bi gaˬ le sheˇ. Ngaˬ-euˬ cawˬ deuˬ nawˇ dawˬ ngehˬ gaˇ gaˬ mawꞈ-eu loꞈ luꞈ meh.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬsaˬgeˬlaˇ 31:6

Aˬ yawꞈ-euˬ uˬ laꞈ deuˬ kʼoeˇ taˆ, aˇ jiˇ kʼaˇ ngeuˇ-eu bahˬ bahˬ-awˇ, bawˇ tsahˬ jeˬ zaˬ huiˬ huiˬ nyiˇ nyiˇ, aˇ bawˇ uˬ moˆ zaˬ puˬ-eu meh. Miˇ kʼahˬ tsawˇ jeuˬ tsawˇ ca dawˬ tawˆ, aˇ bawˇ naˇ shmˇ awˆ le-eu meh.

Daˬyeˬlaˇ 4:12

Aˇ bawˇ kʼoeˇ bawˇ-euˬ aˇ paꞈ haw muiˬ dui dui-eu uˬ taꞈ, aˇ siˬ siˬ dui dui-awˇ, miˇ tsaˬ zaˬ dawˬ tawˆ luꞈ dzaˬ loꞈ-eu meh. Bawˇ tsahˬ jeˬ zaˬ deuˬ aˇ bawˇ naˇ shmˇ uˬ moˆ gʼaˬ naˬ naˬ-awˇ, aˇ jiˇ deuˬ uˬ pyaˬ uˬ laꞈ doe ni bahˬ bahˬ-eu uˬ taꞈ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˇ bawˇ kʼoeˇ-euˬ aˇ siˬ dzaˬ-eu meh.

Daˬyeˬlaˇ 4:21

Aˇ bawˇ kʼoeˇ aˇ paꞈ sahˇ dui dui-awˇ, miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ dzaˬ loꞈ ni aˇ siˬ siˬ-eu meh. Bawˇ tsahˬ jeˬ zaˬ deuˬ aˇ bawˇ naˇ shmˇ uˬ moˆ gʼaˬ naˬ naˬ-awˇ, aˇ jiˇ deuˬ uˬ pyaˬ uˬ laꞈ kʼoeˇ taˆ bahˬ bahˬ-eu meh.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maˬkuˆ 4:30

Yeˬsuˇ ehˇ-eu, “Miˬyehˇ Miˇkʼahˬ aˬ jeˬ-ahˇ shaˇ cehˆ haw paˬ nga. Yaw jeˬ ma jeˬ aˬ geu hmˬ-ahˇ gʼoe-awˇ jaˬ mehˬ paˬ nga.

Luˇkaꞈ 17:6

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 21:20

Aˬ yawꞈ kʼoeˇ loꞈ-ehˇ dzawˇ nehˬ gaˇ ya gaˬ ngeh, aˬ yawꞈ maꞈ dawˬ tawˆ luꞈ Miˬyehˇ-ahˇ ja ceuˬ-euˬ meh. Kʼoeˇ naˇ, Pawˇluˆ-ahˇ aˬ yawꞈ maꞈ heu loꞈ-ehˇ ehˇ nehˬ-euˬ meh. “Aˬ nyiˇ Pawˇluˆ-oˇ, jah-eu tsawˇ haˬ pyeuꞈ laˇ-euˬ Yuˇdaˆ tsawˆ haˬ aˇ myaˆ ni jawˇ-eu hawˇ-eu, aˬ yawꞈ maꞈ Zahˇ dawˬ kʼoꞈ dawˬ-ahˇ aˇ naˆ ni nui ma keuˆ luꞈ-eu nawˇ mawˇ luꞈ meh.

Gʼaˬkʼehˇ 4:4

Ehˇ kʼawꞈ, dawˬ mehˬ mehˬ gaˇ ya gaˬ-euˬ tsawˇ haˬ gʼawˬ mya ni jah laˇ-awˇ, jah-eu tsawˇ haˬ ngaˬ heˇ gʼaˬ byah laˇ-euˬ meh.

Lormav 15:19

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”