Luˇkaꞈ 13:14 - Akha

¹⁴ Uˬ duˬ tahˬ nymˇ kʼoeˇ nymˇ-ahˇ uˆ lahˇ-eu aˬ yuiꞈ geuꞈ-eu gʼaˬ, Yeˬsuˇ Jawˇ nah ngeh nah naˇ gawˇ laˆ taˬ nehˬ-euˬ gaˇ nui ma pehˇ-awˇ ehˇ-eu, “Gaˇ mˇ nya-eu aˇ nah koꞈ nah jaˆ meh. Kʼoeˇ koꞈ nah laꞈ kʼoeˇ laˇ-awˇ naˇ gawˇ bi laˆ saˆ laˇ-awˬ. Jawˇ nah-ahˇ teu loꞈ-ehˇ taˬ jahˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Landaw jawrnan ngae nan, Yeqsur nargawr lavtaq naeq-euq mirnae, zanrdawq khawqnymr-euq aqyuif ghaq nuima paer duidui lar-awr, tsawrhaq armaf mafma-anr aernaeq-eu, “Gar mrnya-eu kof nan jav-eu mae. Khoer kof nan-euq lafkhoer nargawr bi lavtaq lar-awq. Aerkhawf, landaw jawrnan ngae nan mardir-aq taqlar.”

Luˇkaꞈ 13:14 ပူးပေါင်းရင်းမြစ်များ

Doˆ-iˇ 20:9

Nawˬ-euˬ gaˇ mˇ-eu gʼaˇ duˬ aˇ yamˬ koꞈ nah jaˆ-eu meh.

Doˆ-iˇ 23:12

“Tiˬ jaw laꞈ kʼoeˇ, koꞈ nah gaˇ mˇ-awˬ. Ehˇ kʼawꞈ, nawˬ-euˬ zaˬ kʼaˆ deuˬ hawˇ-eu, nawˬ-ahˇ gʼaˬ mahˇ mahˇ dzaˬ-eu boeˇ miˬ siˬ kʼaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, gʼaˬ naˬ ya naˬ ni, shiꞈ nah tiˬ nah-ahˇ nawˇ gaˇ maˬ ya mˇ-a.

Yeˬsaˬgeˬlaˇ 20:12

Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ bi muiˬ bi shawˇ laˇ-euˬ gaˇ kawˆ, ngaˇ hawˇ-eu aˬ yawꞈ maꞈ yaw kaˬ-ahˇ saˇ kiˇ pyeuꞈ ni, jawˇ nah tawˬ-awˇ bi lah bi daw-euˬ ma.

Yeˬsaˬgeˬlaˇ 34:21

Naˇ luꞈ-eu deuˬ-ahˇ yawˇ yawˇ maꞈ-ahˇ maˬ bi uˇ ni naw maꞈ tahˬ dzeh-eu meh.

Uˬ duˬ 23:3

Naw maꞈ gʼaˇ duˬ, yawˬ ha-euˬ gaˇ mˇ-eu aˇ nah koꞈ nah jaˆ-eu meh. Ehˇ kʼawꞈ, jawˇ nah pyeuꞈ-eu shiꞈ nah tiˬ nah-aˬ, gʼaˬ naˬ naˬ-eu aˇ nah pyeuꞈ-eu meh lehˇ, naw maꞈ ya noeˬ taˬ meh.

Maꞈtehˬ 12:2

Paˬliˬsehˇ deuˬ kʼoeˇ gaˇ mawˇ ngeh, Yeˬsuˇ-ahˇ heu loꞈ-ehˇ ehˇ nehˬ-euˬ meh. “Haw sheˇ. Nawˬ-euˬ zaˬ lahˇ deuˬ Jawˇ nah-ahˇ maˬ mˇ kʼmˬ-eu jeˬ mˇ luꞈ ngaˇ.”

Maˬkuˆ 5:22

Uˬ duˬ tahˬ nymˇ laꞈ kʼoeˇ aˬ yuiꞈ aˬ tsu geuꞈ luꞈ-eu Yaˬiˇluˆ lehˇ myahˇ-euˬ tsawˇ haˬ tiˬ gʼaˬ oe-awˇ, Yeˬsuˇ-ahˇ ya mawˇ ngeh, Yeˬsuˇ-euˬ aˬ kuiˇ dawˬ pah aˬ yawꞈ awˆ byaˆ-euˬ meh.

Luˇkaꞈ 6:11

Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Luˇkaꞈ 6:7

Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ yaw lehˬ poˆ mawꞈ-eu miˇ neh, Jawˇ nah ngeh nah aˬ yawꞈ naˇ gawˇ laˆ taˬ nehˬ nga loˇ lehˇ haw luꞈ-eu meh.

Luˇkaꞈ 8:41

Kʼoeˇ ngeh, Yaˬiˇluˆ lehˇ myahˇ-euˬ tsawˇ haˬ tiˬ gʼaˬ oe keuˆ-euˬ meh. Aˬ yawꞈ-aˬ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ uˆ lahˇ-eu aˬ yuiꞈ aˬ tsu tiˬ gʼaˬ pyeuꞈ-eu meh. Yeˬsuˇ-euˬ aˬ kuiˇ dawˬ peh awˆ byaˆ-awˇ, aˬ yawꞈ-euˬ iˇ kahˇ-ahˇ oe nehˬ laꞈ lehˇ shaˇ-eu meh.

Gʼaˬkʼehˇ 13:15

Moˇseˬ-euˬ Zahˇ dawˬ kʼoꞈ dawˬ sahˬ boꞈ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ-ahˇ gui gʼaˬ ngeh, uˬ duˬ tahˬ nymˇ-ahˇ aˬ yuiꞈ geuꞈ-eu deuˬ aˬ yawꞈ nyaꞈ-ahˇ heu loꞈ-ehˇ bi tsaꞈ gaˬ-iˇ-euˬ meh. “Tsawˇ haˬ heu deuˬ-ahˇ gʼaˬ biꞈ mawꞈ-eu jeˬ jaˆ naˇ, naw nyaꞈ-ahˇ dawˬ ngehˬ-eu aˇ yamˬ biꞈ mawꞈ miˇ-a.”

Gʼaˬkʼehˇ 18:17

Kʼoeˇ ngeh, aˬ yawꞈ maꞈ ga uiˬ-awˇ uˬ duˬ tahˬ nymˇ-ahˇ aˬ yuiꞈ geuꞈ luꞈ-eu Suˇdeˬ-ahˇ nyehꞈ-awˇ, yaˇ kʼaˬ daˇ-eu nymˇ-euˬ mehˬ shi diˬ-euˬ meh. Ehˇ kʼawꞈ, Gaˬliˬoˬ-aˬ, gaˇ kawˆ kʼoeˇ aˬ yawꞈ-ahˇ tiˬ jeˬ-iˬ maˬ taꞈ-eu loꞈ-ehˇ jawˇ-euˬ meh.

Gʼaˬkʼehˇ 18:8

Gaˬliˇpuˆ lehˇ myahˇ-euˬ uˬ duˬ tahˬ nymˇ-ahˇ aˬ yuiꞈ geuꞈ-eu gʼaˬ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ Sahˬpaˬ Yeˬsuˇ-ahˇ jah-euˬ meh. Gawˇliˬtu meuˬ-ahˇ jawˇ-eu tsawˇ haˬ gʼawˬ mya ni Miˬyehˇ dawˬ kawˬ ya gaˬ-awˇ, jah-eu laꞈ kʼoeˇ iˇ cuꞈ shawˇ-euˬ meh.

Lormav 10:2

Aˬ yawꞈ maꞈ Miˬyehˇ nui ma tsaˬ ni mˇ mawꞈ dui dui meh. Ehˇ kʼawꞈ, aˬ yawꞈ maꞈ mˇ-eu kʼoeˇ gaˇ ma maˬ tsaˬ-a.

Dawˬmehˬ 5:13

Nawˬ-euˬ gaˇ mˇ-eu gʼaˇ duˬ aˇ yamˬ koꞈ nah jaˆ meh.