Luˇkaꞈ 12:6 - Akha

⁶ “Jaˇ tseuˆ ngaˬ mawˇ-euˬ pehˆ saˬ nyiˬ pehˆ tehꞈ-ehˇ ahˬ-eu maˬ ngeuˇ-a loˇ. Ehˇ kʼawꞈ, jaˇ tseuˆ tiˬ mawˇ-ahˇ keuˆ ni Miˬyehˇ maˬ ngehˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Jartseuv ngaq mawr paevsaq nyiq paev-anr nae anq-eu maqngeur-a lor? Aerkhawf, Miqyaer-aq, khoerdeuq tiqmawr-anr-iq maqngaer-a.

Luˇkaꞈ 12:6 ပူးပေါင်းရင်းမြစ်များ

Jaceuq 147:9

Jeˬ zaˬ deuˬ-ahˇ aˬ yawꞈ bi dzaˬ bi dawˇ-awˇ, jeˬ shiˇ kʼaˬ dzeˇ-euˬ zaˬ deuˬ dzaˇ mehꞈ-awˇ mahˇ ngeh, aˬ yawꞈ bi dzaˬ bi dawˇ-eu meh.

Maꞈtehˬ 10:29

Jaˆ tseuˆ nyiˬ mawˇ-euˬ pehˆ saˬ tiˬ pehˆ taꞈ-ehˇ maˬ poeˬ kʼawꞈ, naw maꞈ-euˬ Aˬda pyeuꞈ-eu Miˬyehˇ nui ma maˬ tsaˬ naˇ, jaˇ tseuˆ kʼoeˇ tiˬ mawˇ-iˬ miˇ tsa ga le-awˇ shiˇ gaˇ maˬ keuˆ-a.

Maˬkuˆ 12:42

Kʼoeˇ naˇ, shaˬ dui dui-eu miˬ coeˬ miˬ ma tiˬ gʼaˬ laˇ-awˇ, tiˬ pehˆ poeˬ-eu guiˬ shuiˇ mehˇ byaˆ nyiˬ byaˆ damˬ-euˬ meh.

Luˇkaꞈ 12:24

Awꞈ-aꞈ gaˇ kawˆ shaˇ noeˬ haw sheˇ. Aˬ yawꞈ maꞈ cehˇ maˬ ka-a. Cehˇ maˬ yehˬ-a. Cehˇ jiˇ maˬ baw-a. Kʼaˬ dahˇ maˬ jaˆ-a. Ehˇ kʼawꞈ, aˬ yawꞈ maˬ-ahˇ Miˬyehˇ bi dzaˬ bi dawˇ-eu meh. Naw maꞈ aˇ jiˇ kʼoeˇ deuˬ naˆ maˬ tseˇ poeˬ dzehˬ-eu meh.

Luˇkaꞈ 12:27

Bawˇ tsahˬ-ahˇ dehꞈ-eu aˇ yehˆ gaˇ kawˆ shaˇ noeˬ haw sheˇ. Aˇ yehˆ kʼoeˇ deuˬ saˬ laˬ maˬ gʼawˇ, saˬ nmˇ maˬ zaꞈ-a. Ehˇ kawꞈ, ngaˇ naw maꞈ-ahˇ ehˇ nehˬ nyaˇ. Yaw shehꞈ kʼahˬ sehˇ huiˬ dui dui-eu sahˬ paˬ Sawˇlaˬmoˬ neh dm-euˬ poeˬ dui dui-eu dm gʼaˬ dm lmˇ-aˬ, aˇ yehˆ kʼoeˇ tiˬ yehˆ naˆ ni kʼawꞈ maˬ haw muiˬ-a.