Luˇkaꞈ 12:57 - Akha

⁵⁷ “Naw maꞈ aˬ jeˬ miˇ neh yaw tsaˬ jeˬ-ahˇ yawˬ haˇ yawˬ ha maˬ shaˇ sawˇ geuꞈ te.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁷ “Aqjeq mirnae nawmaf, yawqha yawqha tsaq-eu jeq-anr maq tserpav nya-eu nya?

Luˇkaꞈ 12:57 ပူးပေါင်းရင်းမြစ်များ

Maꞈtehˬ 21:21

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu nui ma ahˇ-awˇ, poˆ poˆ laˆ laˆ-ehˇ maˬ noeˬ naˇ, ngaˬ neh siˬ guˬ aˇ bawˇ heu bawˇ-ahˇ jahˇ nehˬ-euˬ loꞈ-ehˇ, naw maꞈ kʼawꞈ jahˇ nya tehꞈ-a. Kʼoeˇ naˆ tehꞈ-ehˇ maˬ ngeuˇ-a siˬ. Gawˬ jawˬ heu jawˬ-ahˇ ‘Teuˆ diˇ laˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ naw maꞈ ehˇ nehˬ ngeh, gawˬ jawˬ heu jawˬ iˬ ma laˆ shaˆ-ahˇ ga puꞈ-iˇ tehꞈ-a.

Maꞈtehˬ 21:32

Aˬ jeˬ miˇ neh ehˇ naˇ, Yoˇhaˬ naw maꞈ jawˇ gaˇ oe-awˇ, yaw tsaˬ yaw dawˇ gaˇ ma mehˬ nehˬ le-euˬ kʼawꞈ, naw maꞈ aˬ yawꞈ-ahˇ maˬ jah-a. Ehˇ kʼawꞈ, kawˬ taꞈ-eu tsawˇ haˬ deuˬ hawˇ-eu meh maˬ laˇ deuˬ, aˬ yawꞈ-ahˇ jah-euˬ meh. Aˬ yawꞈ maꞈ kʼoeˇ loꞈ-ehˇ jah gaˇ naw maꞈ ya mawˇ kʼawꞈ, naw maꞈ nui ma maˬ paˇ-ehˇ, aˬ yawꞈ-ahˇ maˬ jah-a.

Luˇkaꞈ 21:30

Aˇ bawˇ baw nmˬ nmˬ laˇ gaˇ naw maꞈ ya mawˇ ngeh, jawˇ la doˆ le shaw-iˬ meh lehˇ naw maꞈ siˬ nya meh.

Yoˇhaˬ 7:24

Kʼoeˇ taˆ paw tehꞈ-ehˇ haw-awˇ daˇ-eu jeˬ-ahˇ byehˇ-awˇ, maˇ maˇ ni kʼaˇ ngeuˇ-eu loꞈ-ehˇ daˇ-awˬ.”

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

1 Gawˇliˬtu 11:13

Zaˬ miˬ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ luꞈ gaˇ guiˬ lahˬ shaˇ-awˇ sheuˬ gʼeh ngeh, uˬ boeˬ maˬ boeˬ-ehˇ sheuˬ gʼeh-eu jeˬ tsaˬ-eu maˬ tsaˬ-eu naw maꞈ tseˇ paˆ geuꞈ-awˬ.

1 Gawˇliˬtu 11:14

Kʼaˬ dzeˇ zaˬ uˬ duˬ tsehˇ kahˇ gʼawˬ mahˇ ni taˬ naˇ, shaꞈ dawˇ paˬ-ehˇ gʼeh-eu jeˬ pyeuꞈ-eu gaˇ kawˆ, tsawˇ haˬ-euˬ zahˇ sahˇ kʼoꞈ-ahˇ naw maꞈ siˬ nya luꞈ meh.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.