Luˇkaꞈ 12:48 - Akha

⁴⁸ Ehˇ kʼawꞈ, baw leˬ-euˬ nui kʼahˇ maˬ siˬ nya-eu miˇ neh bi diˬ paˬ-ehˇ gʼeh-eu jeˬ mˇ bahˬ-euˬ zaˬ kʼaˆ-aˬ, yaw kʼaˆ kʼaˆ-ehˇ diˬ gaˇ maˬ ya daˬ-aˇ. Gʼawˬ mya ni za-euˬ tsawˇ haˬ yawˬ gʼaˬ na luꞈ, gʼawˬ mya ni ya biꞈ tehꞈ-a. Kʼoeˇ myaˆ maˬ tseˇ biꞈ taˬ-euˬ tsawˇ haˬ-ahˇ, kʼoeˇ myaˆ maˬ tseˇ paˇ shaˇ kʼoꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Aerkhawf, ghawqmya laf bidiq paq-aer geux-eu, maq siqnya-aer mrbanq-euq kuirlaf zaqkhav-aq, ghawqmya laf maqya bidiq-ar. Aqjeq mirnae aernar-aq, ghawqmya’ni za-euq tsawrhaq yawqghaq navluf, ghawqmya’ni ya bifkhof-awr, ghawqmya’ni hageuf-euq tsawrhaq-aq, aqcawq myavmaqtser yabi sharkhof taef-a.

Luˇkaꞈ 12:48 ပူးပေါင်းရင်းမြစ်များ

Uˬ duˬ 5:17

Tsawˇ haˬ tiˬ gʼaˬ na, maˬ noeˬ maˬ duˇ-ehˇ, Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ na-ahˇ puiˬ-eu laꞈ kʼoeˇ iˬ baˇ mˇ naˇ, iˬ baˇ aˇ poeˬ aˬ yawꞈ ya biꞈ tsoeˬ meh.

Bawˇtsahˬ 15:27

Tsawˇ haˬ tiˬ gʼaˬ na maˬ noeˬ maˬ duˇ-ehˇ iˬ baˇ mˇ naˇ, tiˬ myaˇ byah laˇ-euˬ ciꞈ myehꞈ ciꞈ buˬ zaˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ ya lawˇ meh.

Maꞈtehˬ 13:12

Jaˆ-eu tsawˇ haˬ deuˬ bi jaˆ dzehˬ laˇ ni paˇ biꞈ lahˬ nehˬ tehꞈ-a. Ehˇ kʼawꞈ, maˬ jaˆ-eu tsawˇ haˬ deuˬ-ahˇ-aˬ, kʼaˇ jaˆ-eu dawˬ tawˆ luꞈ yuˇ jiˇ nehˬ tehꞈ-a.

Luˇkaꞈ 12:41

Beˬtuˆluˆ ehˇ-eu, “Sahˬpaˬ-oˇ, yaw jeˬ ma jeˬ heu hmˬ nga maꞈ-ahˇ tehꞈ-ehˇ ehˇ nehˬ laꞈ te loˇ. Maˬ ngeuˇ naˇ, dawˬ tawˆ luꞈ-ahˇ ehˇ nehˬ te loˇ.”

Luˇkaꞈ 12:49

“Miˇ tsaˬ-ahˇ miˬ dzaˬ keuˬ doꞈ-eu lehˇ ngaˇ oe-euˬ ma. Nymˬ-mˇ mi naˆ-ehˇ kʼawꞈ, miˬ dzaˬ bi puiˆ mawꞈ miˇ-a.

Luˇkaꞈ 16:2

Kʼoeˇ miˇ neh, myawˬ jeˬ hmˬ-eu kʼoeˇ gʼaˬ-ahˇ aˬ yawꞈ kuˇ-awˇ ehˇ nehˬ-eu, ‘Nawˬ-euˬ gaˇ kawˆ ngaˇ ya gaˬ-euˬ maˬ muiˬ nya. Nawˬ neh ngaˬ-euˬ myawˬ jeˬ hmˬ-euˬ jaˇ laˇ dawˬ tawˆ luꞈ ngaˇ jawˇ gaˇ yuˇ laꞈ sheˇ. Nawˬ-ahˇ ngaˬ-euˬ myawˬ jeˬ hmˬ-eu gʼaˬ maˬ paˇ gi geuꞈ nya ngaˇ.’

Yoˇhaˬ 15:22

Ngaˇ oe-awˇ aˬ yawꞈ maꞈ-ahˇ maˬ ehˇ mehˬ le law nmˇ-aˬ, aˬ yawꞈ maꞈ iˬ baˇ maˬ ahˇ lehˇ ehˇ nya tehꞈ-a. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ neh mˇ-euˬ jeˬ iˬ baˇ ahˇ tehꞈ-a lehˇ aˬ yawꞈ maꞈ maˬ duˇ-aˬ lehˇ maˬ paˇ pyehˇ nya meh.

Gʼaˬkʼehˇ 17:30

Aˇ hu tsawˇ haˬ deuˬ aˬ yawꞈ-ahˇ maˬ siˬ nya ngeh mˇ dzeuˇ shaˇ dzeuˇ yaꞈ-euˬ jeˬ-ahˇ Miˬyehˇ iˬ baˇ maˬ taˬ-a. Ehˇ kʼawꞈ, nymˬ-mˇ poˆ jawˇ-aˬ, yawˬ gaˇ na luꞈ jawˇ-eu tsawˇ haˬ dawˬ tawˆ luꞈ iˬ baˇ noeˬ poˆ-eu gʼaˇ duˬ Miˬyehˇ neh dawˬ biꞈ taˬ-euˬ meh.

Dawˬmehˬ 25:2

Iˬ baˇ ahˇ-eu kʼoeˇ gʼaˬ-ahˇ ya diˬ meh lehˇ daˇ tsehˆ nehˬ-euˬ ngeuˇ naˇ, yaˇ kʼaˬ daˇ-eu gʼaˬ tsawˇ haˬ kʼoeˇ gʼaˬ-ahˇ moꞈ tsahˬ-ehˇ bi yuꞈ-awˇ, aˬ yawꞈ-euˬ mehˬ shi ya bi diˬ meh. Aˬ yawꞈ neh mˇ lehˬ-euˬ iˬ baˇ-ahˇ haw-awˇ, aˇ myaˆ laꞈ ya diˬ-euˬ ya daˇ tsehˆ nehˬ meh.

1 Tiˆmoˇseˬ 1:11

Tsaˬ-eu dawˇ-eu jah-eu jeˬ kʼoeˇ-aˬ, ngaˬ neh bi ja mehˬ-eu gʼaˇ duˬ a nehˬ laꞈ-euˬ guiˬ lahˬ dawˬ pyeuꞈ-eu meh. Kʼoeˇ-aˬ, yaw shehꞈ kʼahˬ sehˇ hawˇ-eu guiˬ lahˬ huiˬ-eu Miˬyehˇ neh biꞈ nehˬ laꞈ-euˬ Laˬ kʼaˬ cehˇ-eu Guiˬlahˬ dawˬ laꞈ kʼoeˇ ahˇ-eu meh.

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

Tiˇtuˆ 1:3

Kʼoeˇ naˇ, aˇ yamˬ aˇ law tsaˬ laˇ ngeh, aˬ yawꞈ-euˬ guiˬ lahˬ dawˬ laꞈ kʼoeˇ dehꞈ-eu jeˬ kʼoeˇ pah mehˬ nehˬ laꞈ-euˬ meh. Gaˇ kawˆ kʼoeˇ ja mehˬ-eu gʼaˇ duˬ ngaˬ-ahˇ a nehˬ laꞈ taˬ-euˬ loꞈ-ehˇ, aˬ dui-euˬ Ka kʼoꞈ-eu gʼaˬ pyeuꞈ-eu Miˬyehˇ neh dawˬ kʼaˇ biꞈ laꞈ-euˬ loꞈ-ehˇ ngaˇ mehˬ luꞈ-eu meh.

Yaˬkoˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ mehˬ-eu tsoˆ-eu saˬ laˬ gʼawˬ mya gʼaˬ geuꞈ-eu maˬ tsaˬ-a. Naw maꞈ siˬ nya-eu loꞈ-ehˇ, mehˬ-eu tsoˆ-eu saˬ laˬ deuˬ-aˬ, aˬ cawˬ naˆ maˬ tseˇ bi pyehˆ tseˇ-awˇ yaˇ kʼaˬ daˇ nehˬ gaˇ ya daˬ tehꞈ-a.