Luˇkaꞈ 12:31 - Akha

³¹ Kʼoeˇ jeˬ-ahˇ maˬ poˆ ni, Miˬyehˇ-euˬ miˇ kʼahˬ-ahˇ poˆ-awˬ. Miˬyehˇ naw maꞈ-ahˇ kʼoeˇ jeˬ kʼawꞈ biꞈ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aerkhawf, nawmaf-aq, Miqyaer uvlanr-eu jeq-anr pov-awq, khoerdeuq dawqtawvluf nawmaf-anr biflanq naeqlaf taef-a.

Luˇkaꞈ 12:31 ပူးပေါင်းရင်းမြစ်များ

Jaceuq 34:9

Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇ zeu baw-awˬ. Yawꞈ-ahˇkʼaˇzeu-eu tsawˇhaˬdeuˬ, kʼaˇloˬ-eu jeˬ byah kʼaˇtehꞈ-a.

Jaceuq 37:19

Haiˬ-eu aˇnah aˇyamˬ keuˆkʼawꞈ, aˬyawꞈmaꞈ maˬya shaꞈdawˇ-ehˇ, mehꞈ-eu shuꞈ-eu aˇnah oe kʼawꞈ, maˬdzaˬjiˇcoeˇni jaˆtehꞈ-a.

Jaceuq 37:25

Ngaˬ-euˬtiˬziˇdehꞈmawˬlaꞈ-euˬ, tsawˇmuiˬ-ahˇSahˬpaˬMiˬyehˇneh, byehˇdzeh nehˬ-euˬmaˬya mawˇ-ehˇ, aˬyawꞈmaꞈ-euˬzaˬdeuˬuˆdeuˬ, hawˬshaˇshaˇ-eu maˬmawˇhaw-aˬ.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Luˇkaꞈ 12:30

Aˬ jeˬ miˇ neh ehˇ naˇ, lawˇ ciꞈ zaˬ dawˬ tawˆ luꞈ kʼoeˇ jeˬ-ahˇ poˆ luꞈ meh. Naw maꞈ kʼoeˇ jeˬ loˬ meh lehˇ, naw maꞈ-euˬ Aˬda siˬ nya meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.