Luˇkaꞈ 12:24 - Akha

²⁴ Awꞈ-aꞈ gaˇ kawˆ shaˇ noeˬ haw sheˇ. Aˬ yawꞈ maꞈ cehˇ maˬ ka-a. Cehˇ maˬ yehˬ-a. Cehˇ jiˇ maˬ baw-a. Kʼaˬ dahˇ maˬ jaˆ-a. Ehˇ kʼawꞈ, aˬ yawꞈ maˬ-ahˇ Miˬyehˇ bi dzaˬ bi dawˇ-eu meh. Naw maꞈ aˇ jiˇ kʼoeˇ deuˬ naˆ maˬ tseˇ poeˬ dzehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Nawr, awf-af-anr sharnoeqhaw sher-eq. Aqyawfmaf, caer maqka, caer maqyaeq-a. Caerjir maqjav-aer, myawq taqnymr khawf maqbaw-a. Aerkhawf, Miqyaer, awf-af-anr bidzaq bidawr-eu mae. Nawmaf, arjir navmaqtser arnavni poeqdzaeq-eu nga.

Luˇkaꞈ 12:24 ပူးပေါင်းရင်းမြစ်များ

Yawˇbaˆ 35:11

Jeˬ zaˬ hawˇ-eu aˇ jiˇ deuˬ naˆ maˬ tseˇ aˬ dui tsawˇ gahˇ ahˇ ni, aˬ dui-ahˇ zaˬ siˬ tsawˇ gahˇ biꞈ laꞈ-euˬ Miˬyehˇ-ahˇ, aˬ yawꞈ maꞈ maˬ tahˬ shaˇ leˇ-a.

Yawˇbaˆ 38:41

Awꞈ-aꞈ deuˬ dzaˇ mehꞈ mehꞈ-ehˇ zaw-awˇ, aˬ yawꞈ maꞈ-euˬ zaˬ deuˬ dzaˇ bi dzaˬ laꞈ lehˇ ngaˬ-ahˇ shaˇ ngeh, awꞈ-aꞈ kʼoeˇ deuˬ-ahˇ aˬ suˇ gʼaˬ dzaˇ biꞈ nehˬ ta.

Jaceuq 147:9

Jeˬ zaˬ deuˬ-ahˇ aˬ yawꞈ bi dzaˬ bi dawˇ-awˇ, jeˬ shiˇ kʼaˬ dzeˇ-euˬ zaˬ deuˬ dzaˇ mehꞈ-awˇ mahˇ ngeh, aˬ yawꞈ bi dzaˬ bi dawˇ-eu meh.

Maꞈtehˬ 10:31

Kʼoeˇ miˇ neh, naw maꞈ taˬ guˆ. Myaˬ dui dui-eu jaˇ tseuˆ baˬ maꞈ naˆ maˬ tseˇ, Miˬyehˇ mehˬ shi naw maꞈ poeˬ dzehˬ-eu meh.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Maꞈtehˬ 6:26

Kʼoeˇ taˆ paw zaw luꞈ-eu aˇ jiˇ deuˬ-ahˇ haw sheˇ. Aˇ jiˇ kʼoeˇ deuˬ cehˇ maˬ ka-a. Cehˇ maˬ yehˬ-a. Cehˇ jiˇ-ahˇ cehˇ maˬ pi ahˇ-a. Ehˇ kʼawꞈ, mˬ kʼoeˇ taˆ jawˇ-eu naw maꞈ-euˬ Aˬda, aˇ jiˇ kʼoeˇ deuˬ-ahˇ bi dzaˬ bi dawˇ-eu meh. Aˇ jiˇ kʼoeˇ deuˬ naˆ maˬ tseˇ naw maꞈ poeˬ dzehˬ-eu maˬ ngeuˇ te loˇ.

Maˬkuˆ 6:26

Dawˬ kʼoeˇ dawˬ baˬ da neh sahˬ paˬ Heˬloˆ noeˬ shaˬ dui dui-eu meh. Ehˇ kʼawꞈ, daˬ yah kʼoeˇ myaˆ ni gʼeh-eu mehˬ shi aˬ yawꞈ kamˬ tsehˆ gʼaˬ-euˬ miˇ neh, aˬ buˇ kʼoeˇ buˇ kʼaˇ ehˇ-eu loꞈ-ehˇ maˬ jahˇ nehˬ-ehˇ maˬ gʼeh nya-a.

Luˇkaꞈ 12:18

Kʼoeˇ naˇ, aˬ yawꞈ ehˇ-eu, ‘Ngaˇ heu loꞈ-ehˇ jahˇ ma. Ngaˬ-euˬ cehˇ jiˇ dawˬ tawˆ luꞈ pyaˆ dzeh jiˇ-awˇ paˇ tsoˆ huiˬ ma. Ngaˬ-euˬ cehˇ dawˬ tawˆ luꞈ hawˇ-eu myawˬ gahˬ dawˬ tawˆ luꞈ, kʼoeˇ gaˇ dawˆ ahˇ-awˇ jeˬ hmˬ taˬ ma.

Luˇkaꞈ 12:23

Aˬ jeˬ miˇ neh ehˇ naˇ, yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu meh.

Luˇkaꞈ 12:7

Naw maꞈ-euˬ uˬ duˬ tsehˇ kahˇ-ahˇ keuˆ ni aˬ yawꞈ gui duˬ taˬ jiˇ-euˬ meh. Kʼoeˇ miˇ neh naw maꞈ taˬ guˆ. Myaˬ dui dui-eu jaˇ tseuˆ baˬ maꞈ naˆ maˬ tseˇ, Miˬyehˇ mehˬ shi naw maꞈ poeˬ dzehˬ-eu meh.