Luˇkaꞈ 12:22 - Akha

²² Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Kʼoeˇ miˇ neh, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ yaw dehꞈ dehꞈ nya ni ya dzaˬ ya dawˇ-eu gʼaˇ duˬ hawˇ-eu, naw maꞈ-euˬ gʼawˇ mawˇ ya dm ya gʼaˬ-eu gʼaˇ duˬ kʼahˬ taˬ lahˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Yeqsur, aqyawf-euq zaqlanr deuq-anr heulof-aer par aernaeq-eu mae: “Khoermirnae, ngar, nawmaf-anr aernaeq nyar, nawmaf yawdaef daef-eu gharduq, aqjeq dzaq-awr, mawrdo-euq gharduq, aqjeq dm-awr ghaq-eu laer khawf khanq taqlanr.

Luˇkaꞈ 12:22 ပူးပေါင်းရင်းမြစ်များ

Luˇkaꞈ 12:11

“Naw maꞈ-ahˇ yaˇ kʼaˬ bi daˇ-eu lehˇ, uˬ duˬ tahˬ nymˇ-ahˇ maˬ ehˇ, miˇ kʼahˬ sahˬ paˬ sahˬ ma jawˇ gaˇ maˬ ehˇ, a cawˬ naw maꞈ-ahˇ sheuˬ gʼeh ngeh, aˬ joˆ-ehˇ ya ehˇ kʼoꞈ nehˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ kʼahˬ taˬ lahˇ.

Luˇkaꞈ 12:23

Aˬ jeˬ miˇ neh ehˇ naˇ, yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu meh.

Luˇkaꞈ 12:29

“Kʼoeˇ miˇ neh, dzaˬ dzaˬ dawˇ dawˇ gaˇ kawˆ tehꞈ-ehˇ shaˇ noeˬ shaˇ noeˬ-ehˇ nui maˬ shaˬ zahˬ taˬ mˇ.

1 Gawˇliˬtu 7:32

Naw maꞈ-euˬ nui ma laꞈ kʼoeˇ kʼahˬ lahˇ-eu jeˬ maˬ bi ahˇ mawꞈ nya. Miˬ zaˬ maˬ baw-eu tsawˇ haˬ-aˬ, Sahˬpaˬ Miˬyehˇ-euˬ gaˇ-ahˇ kʼahˇ kʼoꞈ-eu nui ma ahˇ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ nui kʼahˇ shiˇ-eu jeˬ-ahˇ aˬ yawꞈ mˇ mawꞈ-eu meh.

Piˇliˇpiˆ 4:6

Tiˬ jeˬ-ahˇ-iˬ kʼahˬ taˬ lahˇ. Ehˇ kʼawꞈ, naw maꞈ guiˬ lahˬ kʼaˇ shaˇ ngeh, naw maꞈ loˬ-eu jeˬ Miˬyehˇ-ahˇ shaˇ-awˬ. Aˬ myah luꞈ aˬ yawꞈ-ahˇ guiˬ lahˬ huiˬ-eu nui ma ahˇ-eu laꞈ kʼoeˇ shaˇ-awˬ.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.