Luˇkaꞈ 12:20 - Akha

²⁰ Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, Miqyaer, aqyawf-anr aernaeq-eu, ‘Aqdzawq argan-or! Nymrcif nae ngar, nawq-euq saflar yurkhof ma. Tox-aer mar-iq, nawq nae povuiq taq-euq deuq, aqsur ghaq-euq pyeuf-ir-eu jeq la?’

Luˇkaꞈ 12:20 ပူးပေါင်းရင်းမြစ်များ

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Yawˇbaˆ 27:8

Aˬ yawꞈ maꞈ-euˬ saꞈ laˇ-ahˇ Miˬyehˇ yuˇ kʼoꞈ ngeh, Miˬyehˇ maˬ baw-eu tsawˇ haˬ deuˬ aˬ gaˇ noeˬ tmˬ kʼaˇ paˇ za ta.

Jaceuq 39:6

naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.

Jaceuq 49:10

Aˬ dzawˬ aˇ gah deuˬ ziˇ dehꞈ jiˇ-eu loꞈ-ehˇ, tsawˇ gahˇ ahˇ-eu deuˬ kʼawꞈ ziˇ jiˇ luꞈ gaˇ, yawˬ gʼaˬ na luꞈ ya mawˇ luꞈ meh. Yawˬ gʼaˬ na luꞈ yawˬ ha-eu pyuˇ shuiˇ myawˬ gahˬ-ahˇ, nahˬ zaˬ laꞈ-ahˇ ya taˬ nehˬ yaꞈ-eu meh.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Jaceuq 78:30

Ehˇ kʼawꞈ, aˬ yawꞈ maꞈ kʼaˇ noeˬ-euˬ loꞈ-ehˇ nui kʼahˇ tiˬ shiˇ maˬ ya dzaˬ dehˆ mi naˆ-ehˇ,

Dawqdaq 10:2

Maˬ tsaˬ maˬ dawˇ-eu laꞈ kʼoeˇ laˆ za-euˬ pyuˇ shuiˇ gaˇ dahˇ maˬ tsoeˬ-a. Ehˇ kʼawꞈ, yaw tsaˬ yaw dawˇ jeˬ-aˬ, shiˇ gaˇ ka kʼoꞈ nya-eu meh.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Dawqdaq 13:7

Smˇ muiˬ geuꞈ-eu iˇ shaˬ deuˬ jawˇ-eu loꞈ-ehˇ, iˇ shaˬ geuꞈ-eu smˇ muiˬ deuˬ jawˇ-eu meh.

Dawqdaq 27:1

Ni shawˬ gʼaˇ duˬ kʼahˬ sehˇ taˬ jehˆ. Heu yaw kaˬ-ahˇ aˬ jeˬ pyeuꞈ laˇ-eu nawˇ maˬ ehˇ tsehˆ nya-a.

Dawqdaq 28:8

Nawˇ aˬ cawˬ-ahˇ jiˇ jeuˬ sawˇ-awˇ, yawˬ ha-ahˇ taꞈ-eu jeˬ tehꞈ-ehˇ shaˇ noeˬ-eu miˇ neh, smˇ muiˬ smˇ baw pyeuꞈ laˇ-eu meh. Ehˇ kʼawꞈ ni, nawˇ kʼoeˇ loꞈ-ehˇ mˇ naˇ, nawˬ-euˬ pyuˇ shuiˇ myawˬ gahˬ kʼoeˇ deuˬ, shaˬ zaˬ zahˬ zaˬ-ahˇ gʼawˬ shaˬ gaˬ nya-eu tsawˇ haˬ tiˬ gʼaˬ-euˬ laꞈ-ahˇ ahˇ leˇ jiˇ tehꞈ-a.

Iˇsaˬyaˇ 56:12

Aˬ yawꞈ maꞈ heu loꞈ-ehˇ ehˇ-eu meh. ‘Aˬ dui jiˇ baˬ kʼaˇ uiˬ taˬ-awˇ, kʼaˇ dawˇ coeˇ-eu dawˇ haw kaˇ-euˇ. Iˬ nah maˬ tseˇ ni shawˬ dehꞈ byawˬ dzehˬ ma’ ”

Yeˬlaˬmiˇ 17:11

Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Aˬmoˆ 6:13

Loˇdeˬbaˬ‘Loˇdeˬbaˬ’ lehˇ ehˇ-eu dawˬ tsuiꞈ-aˬ, ‘Jaˬ myawꞈ’ lehˇ ehˇ mawꞈ-eu meh.* meuˬ-ahˇ deuˆ gʼaˬ ma lehˇ naw maꞈ kʼahˬ sehˇ jehˆ-eu meh. Kaˬneˬ‘Kaˬneˬ’ lehˇ ehˇ-eu-aˬ, ‘uˬ coeˇ’-ahˇ ehˇ-eu meh. Dawˬ tsuiꞈ-aˬ, ‘gʼaˬ kʼaˆ-eu’ lehˇ ehˇ mawꞈ-euˬ meh.* meuˬ-ahˇ deuˆ gʼaˬ nya ni nga maꞈ gʼaˬ kʼaˆ luꞈ ma lehˇ naw maꞈ lmˬ-eu meh.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Luˇkaꞈ 11:40

Aˬ dzawˬ aˇ gah deuˬ-oˇ, laꞈ nyiˇ hawˇ-eu laꞈ kʼoeˇ nyiˬ paw luꞈ aˬ yawꞈ tiˬ gʼaˬ neh beh-euˬ maˬ ngeuˇ-a loˇ.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

1 Tiˆmoˇseˬ 6:7

Aˬ dui miˇ tsaˬ kʼoeˇ taˆ dehꞈ le ngeh tiˬ jeˬ-iˬ maˬ yuˇ leꞈ-ehˇ, shiˇ ngeh kʼawꞈ tiˬ jeˬ-iˬ maˬ yuˇ gʼeh nya-a.

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.