Luˇkaꞈ 12:16 - Akha

¹⁶ Kʼoeˇ naˇ, Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ nehˬ-euˬ meh. “Tiˬ poˆ-aˬ, cehˇ za dui dui le-eu deh yaˇ tiˬ kawˬ jaˆ-eu smˇ muiˬ aˬ da tiˬ gʼaˬ jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoernar-aq, Yeqsur, aqyawf maf-anr yawjeq majeq dawq-anr nae heulof-aer aernaeq-euq mae: “Smrmuiq smrbaw tiq ghaq daeyar daecaer ghawqmya’ni za-euq mae.

Luˇkaꞈ 12:16 ပူးပေါင်းရင်းမြစ်များ

Yawˇbaˆ 12:6

Ehˇ kʼawꞈ, smˇ kʼoeˬ tahˇ joe deuˬ hawˇ-eu miˬ yehˇ maˬ baw-eu deuˬ-aˬ, yawˬ ha-euˬ gʼaˬ-ahˇ yawˬ ha-euˬ miˬ yehˇ loꞈ-ehˇ gʼoe kʼawꞈ, saˇ lehˆ ni ya dehꞈ luꞈ meh.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Jaceuq 73:12

Haiˬ-eu tsawˇ haˬ deuˬ kʼoeˇ loꞈ-ehˇ dehꞈ-eu meh. Aˬ yawꞈ maꞈ jaˆ-eu uˬ taꞈ jaˆ le tehˇ tehˬ-eu meh.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Maꞈtehˬ 13:8

Ehˇ kʼawꞈ, siˬ yoeˬ tiˬ paˆ na deuˬ-aˬ, miˇ tsaˬ miˇ muiˬ muiˬ gaˇ ga-iˇ-awˇ, siˬ le loˆ le-euˬ meh. Tiˬ paˆ na deuˬ tiˬ yaˇ bymˇ, tiˬ paˆ na deuˬ koꞈ tseˇ bymˇ, tiˬ paˆ na deuˬ smˬ tseˇ bymˇ za le-euˬ meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Luˇkaꞈ 12:17

‘Ngaˬ-euˬ cehˇ pi ahˇ kʼaˇ maˬ za-ehˇ pyeuꞈ laˇ taˬ-euˬ miˇ neh, aˬ joˆ-ehˇ jahˇ paˬ maˬ siˬ miˇ-a’ lehˇ, aˬ yawˇ yawꞈ shaˇ noeˬ luꞈ-eu meh.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”