Luˇkaꞈ 12:14 - Akha

¹⁴ Yeˬsuˇ aˬ yawꞈ-ahˇ ehˇ nehˬ-eu, “Cawˬ-oˇ, naw nyaꞈ nmˇ-ahˇ yaˇ kʼaˬ daˇ-eu gʼaˇ duˬ maˬ ehˇ, jeˬ biˇ paˆ nehˬ-eu gʼaˇ duˬ maˬ ehˇ, aˬ suˇ gʼaˬ neh ngaˬ-ahˇ aˇ yaˬ biꞈ taˬ ta.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yeqsur, aqyawf-anr aernaeq-eu, “Cawq-or! Nawq-anr darnaeq-eu ghaq hawr-eu jeqbir birnaeq-eu ghaq geufni, aqsur ghaq nae ngaq-anr khaertaq-euq la?”

Luˇkaꞈ 12:14 ပူးပေါင်းရင်းမြစ်များ

Doˆ-iˇ 2:14

Tsawˇ haˬ kʼoeˇ gʼaˬ ehˇ-eu, “Nga maꞈ kʼoeˇ taˆ aˬ yuiꞈ aˬ tsu geuꞈ-awˇ, yaˇ kʼaˬ bi daˇ-eu gʼaˇ duˬ, aˬ suˇ gʼaˬ nawˬ-ahˇ tseˇ doˆ taˬ ta. Iˇjiˇtuˆ tsawˇ haˬ kʼoeˇ gʼaˬ-ahˇ sehꞈ-euˬ loꞈ-ehˇ, ngaˬ-ahˇ nawˇ paˇ sehꞈ-eu gʼeh te loˇ.” Kʼoeˇ ngeh, Moˇseˬ guˆ laˇ-awˇ, “Ngaˬ neh mˇ-euˬ jeˬ aˬ cawˬ siˬ nya jiˇ-euˬ ngaˇ” lehˇ yawˬ haˇ yawˬ ha ehˇ-euˬ meh.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Luˇkaꞈ 12:13

Tsawˇ haˬ aˇ maꞈ laꞈ kʼoeˇ, tsawˇ haˬ tiˬ gʼaˬ Yeˬsuˇ-ahˇ ehˇ-eu, “Saˬlaˬ-oˇ, ngaˬ da neh bi jaˆ yaꞈ-euˬ jeˬ biˇ ngaˬ-ahˇ paˆ nehˬ-awˬ lehˇ, ngaˬ-euˬ aˇ doˆ-ahˇ tiˬ poˆ ehˇ-iˬ sheˇ.”

Luˇkaꞈ 22:58

Tiˬ kʼehˬ paˇ keuˆ laˇ ngeh, tsawˇ haˬ tiˬ gʼaˬ aˬ yawꞈ-ahˇ paˇ haw siˬ-awˇ ehˇ-eu, “Nawˇ gʼeh aˬ yawꞈ maꞈ-euˬ aˇ muˇ-ahˇ uˇ-eu tsawˇ haˬ meh.” Ehˇ kʼawꞈ, Beˬtuˆluˆ paˇ pyehˇ-eu, “Mawˬ cawˬ-oˇ, ngaˇ maˬ ngeuˇ.”

Luˇkaꞈ 5:20

Aˬ yawꞈ maꞈ kʼoeˇ naˆ naˆ-ehˇ jah gaˇ Yeˬsuˇ ya mawˇ ngeh, naˇ-eu tsawˇ haˬ kʼoeˇ gʼaˬ-ahˇ ehˇ nehˬ-eu, “Cawˬ-oˇ, nawˬ-euˬ iˬ baˇ pyehˬ nehˬ gʼaˬ-euˬ ma.”

Yoˇhaˬ 6:15

Aˬ yawꞈ maꞈ aˬ yawꞈ-ahˇ nyehꞈ-awˇ, sahˬ paˬ maˬ geuꞈ-ehˇ maˬ juˬ ni jahˇ tehꞈ-a lehˇ Yeˬsuˇ siˬ duˬ taˬ-euˬ miˇ neh, gawˬ duˇ paw paˇ le daˆ leꞈ-euˬ meh.

Yoˇhaˬ 8:11

Aˬ yawꞈ ehˇ-eu, “Sahˬpaˬ-oˇ, tiˬ gʼaˬ-iˬ maˬ paˇ jawˇ meh.” Yeˬsuˇ ehˇ-eu, “Ngaˇ jiˇ nawˬ-ahˇ iˬ baˇ maˬ poˆ. Gʼoꞈ-iˇ-awˬ. Ehˇ kʼawꞈ, iˬ baˇ taˬ paˇ mˇ de.”

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

Lormav 2:3

Ehˇ kʼawꞈ, aˬ cawˬ mˇ-euˬ yaw lehˬ nga lehˇ nawˇ noeˬ-eu jeˬ-ahˇ yawˬ ha paˇ mˇ luꞈ-eu meh. Miˬyehˇ yaˇ kʼaˬ daˇ-eu jeˬ-ahˇ buˬ-iˇ nya ma lehˇ duˇ te loˇ.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.