Luˇkaꞈ 11:50 - Akha

⁵⁰ Kʼoeˇ miˇ neh, mˬ dawˬ pehˬ miˇ duˬ puˇ seu le ngeh neh bi sehꞈ ka leꞈ-euˬ Miˬyehˇ gʼaˇ duˬ ngehˬ dah-eu deuˬ-euˬ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁰ Khoermirnae, mirtsaq bae ngae nan-anr nae, Miqyaer gharduq ngaeqdan-eu tsawrhaq dawqtawv luf-anr saef-euq shiq-euq arpoeq-aq, heuzir-euq tsawrhaq-euq khoertav keuvle taef-a.

Luˇkaꞈ 11:50 ပူးပေါင်းရင်းမြစ်များ

Aˇ dahˬ 4:2

Kʼoeˇ naˇ, Aˬbeˬlaˆ lehˇ myahˇ-euˬ aˬ li tiˬ li paˇ ciˬ-euˬ meh. Aˬbeˬlaˆ gʼaˬ yawˇ cu-eu tsawˇ haˬ pyeuꞈ laˇ-awˇ, Gaˬiˇnaˆ gʼaˬ yaˇ mˇ dzaˬ-eu tsawˇ haˬ pyeuꞈ laˇ-euˬ meh.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Yeˬlaˬmiˇ 51:56

Baˬbuˇloˬ meuˬ aˬ yawꞈ maꞈ laˆ cawˆ le-euˬ meh. Baˬbuˇloˬ yehˇ bi nyehꞈ jiˇ-awˇ, aˬ yawꞈ maꞈ-euˬ kaˆ kʼehꞈ-iˇ jiˇ-euˬ meh. Ngaˇ-aˬ yaw haiˬ jeˬ-ahˇ kʼehˬ-eu Miˬyehˇ pyeuꞈ-awˇ, Baˬbuˇloˬ meuˬ-ahˇ geuˇ-eu loꞈ-ehˇ kʼehˬ nehˬ ma.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Bawˇtsahˬ 35:33

Kʼoeˇ loꞈ-ehˇ jahˇ naˇ, naw maꞈ jawˇ luꞈ-eu miˇ kʼahˬ-ahˇ naw maꞈ laˆ jawꞈ-eu meh. Tsawˇ haˬ-ahˇ sehꞈ-euˬ jeˬ-aˬ, miˇ kʼahˬ-ahˇ laˆ jawꞈ-eu jeˬ pyeuꞈ-awˇ, aˬ cawˬ-ahˇ sehꞈ-euˬ gʼaˬ maˬ shiˇ kʼoeˇ keuˆ ni, tsawˇ haˬ sehꞈ-euˬ miˇ kʼahˬ kʼoeˇ kʼahˬ-ahˇ tiˬ jeˬ gʼeh-awˇ neh-iˬ maˬ laˆ muiˬ maˬ laˆ shawˇ nya-a.

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.