Luˇkaꞈ 11:42 - Akha

⁴² “Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, dzaˇ muiˇ dzaˇ sawˇ hawˇ-eu ka gʼawˬ ka dzaˇ deuˬ Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, yaw tsaˬ yaw dawˇ jeˬ hawˇ-eu Miˬyehˇ-ahˇ gaˬ-eu jeˬ-ahˇ naw maꞈ byehˇ taˬ-euˬ meh. Naw maꞈ heu deuˬ-ahˇ mˇ byah-eu uˬ taꞈ, nui deuˬ-ahˇ kʼawꞈ maˬ byehˇ ni mˇ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² “Nawmaf Paqliqsaer deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, arjir pafdaw, manqsawr hawr-eu kaghawq kadzar yawqjeq navluf tserbymr tiqbymr damqnaeq-eu mae. Aerkhawf, Miqyaer-anr gaq-eu jeq hawr-eu tsaq-awr dawr-eu jeq-anr nawmaf byaerdzae taq-euq mae. Nawmaf heudeuq mr paq-aer ghae-awr, nuideuq-anr khawf byaerdzae paq-aer maqghae-a.

Luˇkaꞈ 11:42 ပူးပေါင်းရင်းမြစ်များ

Neˬhaˬmiˇ 10:37

Aˬ yawꞈ kʼoꞈ yawꞈ keuˆ beh beh le-euˬ cehˇ shuiꞈ mˇ-awˇ teˇ-euˬ hawˬ tahˬ maˬ ehˇ, aˬ gaꞈ dzaˇ uiˇ, saˬ loˬ tsiˇ hawˇ-eu aˇ siˬ aˇ lu yawˬ jeˬ na luꞈ damˬ-eu jeˬ maˬ ehˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ nga maꞈ yuˇ gʼeh nehˬ ma. Nga maꞈ-euˬ deh yaˇ-ahˇ doˆ-eu dzaˬ la gʼo cehˇ tseˇ bymˇ tiˬ bymˇ-ahˇ, nga maꞈ-euˬ pu-ahˇ jawˇ-awˇ tseˇ bymˇ tiˬ bymˇ taꞈ uiˬ luꞈ-eu Leˬbiˇ tsawˇ haˬ deuˬ-ahˇ nga maꞈ biꞈ nehˬ ma.

Dawqdaq 21:3

Yaw tsaˬ yaw dawˇ jeˬ-ahˇ mˇ-awˬ. Lawˇ-eu shehˇ-eu jeˬ naˆ maˬ tseˇ, kʼoeˇ jeˬ-ahˇ Sahˬpaˬ Miˬyehˇ nui kʼahˇ shiˇ meh.

Dawˬ tsoˆ 7:18

Mehˆ lawˆ nyiˬ dzaˬ maˬ iˇ dzeuˇ ni yahˇ-awˬ. Miˬyehˇ-ahˇ guˆ-eu nui ma ahˇ naˇ, nawˬ neh noeˬ-euˬ jeˬ mˇ pyeuꞈ nya tehꞈ-a.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maˬlaˬkiˇ 1:6

Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.

Maˬlaˬkiˇ 3:8

Ngaˇ naw maꞈ-ahˇ naˇ haˬ nyaˇ. Tsawˇ haˬ tiˬ gʼaˬ Miˬyehˇ-ahˇ mehˇ shuiˇ shuiˇ-eu tsaˬ tehꞈ-a loˇ. Maˬ tsaˬ-a. Ehˇ kʼawꞈ, naw maꞈ ngaˬ-ahˇ mehˇ shuiˇ shuiˇ luꞈ meh. ‘Aˬ joˆ-ehˇ shuiˇ taˬ’ lehˇ naw maꞈ ehˇ mawꞈ tehꞈ-a. Tseˇ bymˇ tiˬ bymˇ biꞈ-eu laꞈ kʼoeˇ maˬ ehˇ, ngaˬ-ahˇ damˬ-eu jeˬ laꞈ kʼoeˇ maˬ ehˇ, naw maꞈ ngaˬ-ahˇ mehˇ shuiˇ shuiˇ-euˬ meh.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maꞈtehˬ 23:23

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, deh ma yaˇ sawˇ, jaˬ gu lu myahˬ, yaˇ sawˇ, heu deuˬ-ahˇ keuˆ ni Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, Zahˇ dawˬ kʼoꞈ dawˬ laꞈ kʼoeˇ mehˬ taˬ-euˬ huiˬ dui dui-eu dawˬ deuˬ pyeuꞈ-eu, yaw tsaˬ yaw dawˇ jeˬ, gʼawˬ shaˬ gaˬ-eu jeˬ, yaw sui yaw dawˇ jeˬ, heu deuˬ-ahˇ naw maꞈ maˬ caw teh-a. Zahˇ dawˬ kʼoꞈ dawˬ kʼoeˇ deuˬ-ahˇ naw maꞈ naˇ haˬ geuꞈ-eu uˬ taꞈ, nui deuˬ-ahˇ kʼawꞈ maˬ ngehˇ ni caw teh paˬ-ehˇ gʼeh-eu meh.

Maꞈtehˬ 23:27

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, laꞈ nyiˇ paw haw muiˬ-awˇ, laꞈ kʼoeˇ paw shaˬ yoeˬ hawˇ-eu yaw buꞈ tehꞈ-ehˇ ahˇ-eu lu boe lehꞈ pyuˇ taˬ-euˬ lmˬ bymˇ-ahˇ duˇ-eu meh.

Luˇkaꞈ 18:12

Ngaˇ-aˬ, tiˬ jaw laꞈ kʼoeˇ nyiˬ nah maˬ dzaˬ-eu zahˇ tawˬ luꞈ-awˇ, ngaˇ kʼaˇ za-euˬ yawˬ jeˬ na luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ damˬ luꞈ ma’ lehˇ shaˇ-euˬ meh.

Yoˇhaˬ 5:42

Ehˇ kʼawꞈ, naw maꞈ aˬ joˆ-ehˇ gʼeh-eu tsawˇ haˬ pyeuꞈ-eu ngaˇ siˬ nya-awˇ, naw maꞈ-euˬ nui ma laꞈ kʼoeˇ Miˬyehˇ-ahˇ gaˬ-eu nui ma maˬ ahˇ-eu ngaˇ siˬ nya ma.

1 Yoˇhaˬ 4:20

Tsawˇ haˬ tiˬ gʼaˬ Miˬyehˇ-ahˇ gaˬ ma lehˇ ehˇ kʼawꞈ, Ka li zaˬ cawˬ cawˬ maˬ gaˬ naˇ, jaˬ myawꞈ myawꞈ-eu tsawˇ haˬ meh. Aˬ jeˬ miˇ neh ehˇ naˇ, yawˬ ha ya mawˇ luꞈ-eu Ka li zaˬ cawˬ cawˬ maˬ gaˬ naˇ, maˬ ya mawˇ-eu Miˬyehˇ-ahˇ aˬ joˆ-ehˇ gaˬ nmˇ.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.