Luˇkaꞈ 11:29 - Akha

²⁹ Yeˬsuˇ dawˬ peh uiˬ laˇ luꞈ-eu tsawˇ haˬ aˇ maꞈ myaˬ laˇ tehˇ tehˬ luꞈ ngeh, Yeˬsuˇ heu loꞈ-ehˇ ehˇ-eu meh. “Heu ziˇ-ahˇ dehꞈ luꞈ-eu tsawˇ haˬ heu deuˬ aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ laꞈ lehˇ aˬ yawꞈ maꞈ ehˇ-eu meh. Yawˇnaˆ gaˇ kawˆ kʼaˆ jeˬ-ehˇ gʼeh-eu kʼoeˇ maˬ ngeuˇ naˇ, nui jeˬ maˬ mehˬ nehˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Tsawrhaq armaf mafma myaqlar duiduiluf ngae, Yeqsur danqbae-awr heulof-aer aer-eu mae: “Heuzir-aq, doer duidui-eu zir mae. Aqyawfmaf bisiq bimawr-eu jeq sharpov-eu mae. Miqyaer gharduq ngaeqdan-eu Yornav-euq bisiq bimawr-eu jeq maqngeur nar-aq, aqyawf maf-anr bisiq bimawr-eu yawqjeqyawq maqbi mawr.

Luˇkaꞈ 11:29 ပူးပေါင်းရင်းမြစ်များ

Yeˬsaˬgeˬlaˇ 24:24

Naw maꞈ gʼaˇ duˬ bi siˬ bi mawˇ-eu jeˬ pyeuꞈ-eu ma. Ngaˬ neh kʼaˇ jahˇ-euˬ loꞈ-ehˇ naw maꞈ ya jahˇ tehꞈ-a. Kʼoeˇ loꞈ-ehˇ pyeuꞈ laˇ ngeh jawˇ, aˬ yawꞈ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a lehˇ, Sahˬpaˬ Miˬyehˇ ehˇ-eu meh.”

Yawˇnaˆ 1:1

Aˬmiˇtehˇ-euˬ aˬ li Yawˇnaˆ jawˇ gaˇ, Sahˬpaˬ Miˬyehˇ-euˬ dawˬ heu loꞈ-ehˇ keuˆ le-euˬ meh.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Maˬkuˆ 8:38

Bahˬ dui muˆ dui dui-awˇ iˬ baˇ myaˬ dui dui-eu ziˇ heu ziˇ laꞈ kʼoeˇ, tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬ maˇ kʼawꞈ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.”

Luˇkaꞈ 11:16

Tiˬ paˆ na deuˬ-aˬ, aˬ yawꞈ-ahˇ lawˬ haw-eu laꞈ kʼoeˇ, “Mˬ taˆ-euˬ zahˬ leˇ paˬ-ehˇ gʼeh-eu jeˬ jahˇ mehˬ nehˬ laꞈ sheˇ” lehˇ ehˇ-eu meh.

Luˇkaꞈ 11:50

Kʼoeˇ miˇ neh, mˬ dawˬ pehˬ miˇ duˬ puˇ seu le ngeh neh bi sehꞈ ka leꞈ-euˬ Miˬyehˇ gʼaˇ duˬ ngehˬ dah-eu deuˬ-euˬ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a.

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 9:41

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni paˇ ya jawˇ ta. Naw maꞈ-ahˇ ngaˇ aˇ myah keuˆ ni paˇ ya oˇ ta. Nawˬ li-ahˇ heu gaˇ sheuˬ laꞈ-awˬ.”

Yoˇhaˬ 2:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ ehˇ-eu, “Nawˇ teu loꞈ-ehˇ jahˇ nya-eu a kawˬ-aˬ jaˆ-eu nga maꞈ ya siˬ duˬ ni, kʼaˆ jeˬ-ehˇ gʼeh-eu bi siˬ bi mawˇ-eu aˬ geu jeˬ nga maꞈ-ahˇ jahˇ mehˬ-eu gʼeh te.”

Yoˇhaˬ 6:30

Aˬ yawꞈ maꞈ ehˇ-eu, “Nga maꞈ nawˬ-ahˇ jah laˇ ni nawˇ zahˬ leˇ paˬ-ehˇ gʼeh-eu aˬ geu jeˬ mˇ mehˬ nmˇ. Nawˇ aˬ geu jeˬ mˇ mehˬ-eu gʼeh te.

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

1 Gawˇliˬtu 1:22

Yuˇdaˆ tsawˇ ha deuˬ-aˬ, yawˬ ha jah-eu gʼaˇ duˬ zahˬ leˇ paˬ-ehˇ gʼeh-eu jeˬ-ahˇ mawˇ mawꞈ-awˇ, Heˬlaˬsaˇ tsawˇ haˬ deuˬ-aˬ, za siˬ tsawˇ gahˇ-ahˇ poˆ-eu meh.