Luˇkaꞈ 11:19 - Akha

¹⁹ Beˬlaˇzeˬbuˇlaˆ-euˬ baoˬ-ahˇ gʼoe-awˇ ngaˇ nehꞈ teh doˆ-eu ngeuˇ naˇ, naw maꞈ-euˬ zaˬ lahˇ deuˬ aˬ suˇ gʼaˬ-euˬ baoˬ-ahˇ gʼoe-awˇ nehꞈ teh doˆ ta. Naw maꞈ neh ehˇ-euˬ maˬ tsaˬ-eu gaˇ kawˆ, naw maꞈ-euˬ zaˬ lahˇ deuˬ neh mˇ-euˬ gaˇ deuˬ saˇ kiˇ kamˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Ngar, Beqsaqburlar-anr ghoeghoe-aer naef-anr taedov-eu ngeur nar-aq, nawmaf-euq zaqdeuq lawr nae, aqsur ghaq-anr ghoeghoe-aer naef-anr taedov-eu la? Khoermirnae, aqyawfmaf, nawmaf-anr yarkhaq dar-eu deuq pyeuf taef-a.

Luˇkaꞈ 11:19 ပူးပေါင်းရင်းမြစ်များ

Yawˇbaˆ 15:6

Nawˬ-euˬ iˬ baˇ-ahˇ ngaˇ ja doeˇ-eu maˬ loˬ-a. Nawˬ neh kʼaˇ ngehˬ-euˬ dawˬ yawˬ dawˬ na luꞈ nawˬ-ahˇ ja doeˇ luꞈ meh.

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Luˇkaꞈ 19:22

“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ.

Luˇkaꞈ 9:49

Yoˇhaˬ ehˇ-eu, “Saˬlaˬ-oˇ, tsawˇ haˬ tiˬ gʼaˬ nawˬ-euˬ tsawˇ myahˇ uˬ moˆ nehꞈ teh doˆ luꞈ gaˇ nga maꞈ ya mawˇ-awˇ, kʼoeˇ loꞈ-ehˇ maˬ bi jahˇ ni laˆ tsoeˬ nehˬ-euˬ ma. Aˬ jeˬ miˇ neh ehˇ naˇ, aˬ yawꞈ-aˬ, aˬ dui aˇ muˇ mehˬ nah caw teh-eu tsawˇ haˬ maˬ ngeuˇ-a.”

Gʼaˬkʼehˇ 19:13

Doe doe-ehˇ nehꞈ teh doˆ teh doˆ-ehˇ cah-eu Yuˇdaˆ tsawˇ haˬ tiˬ paˆ na deuˬ kʼawꞈ, Sahˬpaˬ Yeˬsuˇ-euˬ tsawˇ myahˇ-ahˇ gʼoe-awˇ teh doˆ-eu meh. “Pawˇluˆ dawˬ mehˬ mehˬ-eu Yeˬsuˇ kʼoeˇ gʼaˬ-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ, nehꞈ yaw haiˬ deuˬ-ahˇ aˬ yawꞈ maꞈ ehˇ nehˬ-eu meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.