Luˇkaꞈ 10:37 - Akha

³⁷ Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ ehˇ-eu, “Aˬ yawꞈ-ahˇ gʼawˬ shaˬ gaˬ nehˬ-euˬ kʼoeˇ gʼaˬ-ahˇ kuˇ-eu tsaˬ tehꞈ-a.” Yeˬsuˇ aˬ yawꞈ-ahˇ ehˇ nehˬ-eu, “Nawˇ gʼeh kʼoeˇ loꞈ-ehˇ mˇ-iˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Aqyawf aer-eu, “Aqyawf-anr ghawqshaq gaqnaeq-euq khoerghaq mir-a.” Khoerngae, Yeqsur aer-eu, “Nawr khawf ir-awr khoerlof-aer mr-ir-awq.”

Luˇkaꞈ 10:37 ပူးပေါင်းရင်းမြစ်များ

Dawqdaq 14:21

Yawˬ ha-ahˇ taꞈ-eu deuˬ-ahˇ maˬ haw nahˇ-eu tsawˇ haˬ iˬ baˇ mˇ gaˇ duˇ-awˇ, iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ guiˬ lahˬ huiˬ-eu meh.

Hawˇseˬ 6:6

Lawˇ-eu shehˇ-eu jeˬ ngaˇ maˬ mawꞈ. Ngaˬ-ahˇ aˬ myah luꞈ gaˬ-eu jeˬ, ngaˇ mawꞈ dui dui-eu tiˬ jeˬ ma. Miˬ dzaˬ dzah-awˇ lawˇ gaˇ maˬ mawꞈ. naw maꞈ ngaˬ-ahˇ siˬ nya-eu jeˬ, ngaˇ mawꞈ dui dui-eu tiˬ jeˬ ma.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 23:23

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, deh ma yaˇ sawˇ, jaˬ gu lu myahˬ, yaˇ sawˇ, heu deuˬ-ahˇ keuˆ ni Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, Zahˇ dawˬ kʼoꞈ dawˬ laꞈ kʼoeˇ mehˬ taˬ-euˬ huiˬ dui dui-eu dawˬ deuˬ pyeuꞈ-eu, yaw tsaˬ yaw dawˇ jeˬ, gʼawˬ shaˬ gaˬ-eu jeˬ, yaw sui yaw dawˇ jeˬ, heu deuˬ-ahˇ naw maꞈ maˬ caw teh-a. Zahˇ dawˬ kʼoꞈ dawˬ kʼoeˇ deuˬ-ahˇ naw maꞈ naˇ haˬ geuꞈ-eu uˬ taꞈ, nui deuˬ-ahˇ kʼawꞈ maˬ ngehˇ ni caw teh paˬ-ehˇ gʼeh-eu meh.

Luˇkaꞈ 10:36

“Tsawˇ haˬ kʼoeˇ smˇ gʼaˬ laꞈ kʼoeˇ, tahˇ joe bi joe-euˬ gʼaˬ-euˬ dawˬ peh jawˇ-eu tsawˇ haˬ lehˇ, aˬ geu gʼaˬ-ahˇ nawˇ kuˇ nmˇ.”

Luˇkaꞈ 10:38

Yeˬsuˇ hawˇ-eu aˬ yawꞈ-euˬ zaˬ lahˇ deuˬ mehˬ hu paw le luꞈ ngeh, pu tiˬ pu-ahˇ uˇ leˇ-awˇ, Maˬta lehˇ myahˇ-euˬ zaˬ miˬ zaˬ tiˬ gʼaˬ Yeˬsuˇ-ahˇ aˬ yawꞈ-euˬ nymˇ laꞈ kʼoeˇ ha ahˇ-euˬ meh.

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

1 Beˬtuˆluˆ 2:21

Naw maꞈ kʼoeˇ loꞈ-ehˇ dehꞈ-eu gʼaˇ duˬ Miˬyehˇ naw maꞈ-ahˇ kuˇ-euˬ meh. Aˬ jeˬ miˇ neh ehˇ naˇ, naw maꞈ Ka li-euˬ pehˬ zaˇ-ahˇ caw teh nya ni, aˬ yawꞈ-ahˇ bi dzaw geuꞈ-eu lehˇ, naw maꞈ gʼaˇ duˬ aˬ yawꞈ daˬ dzeuˇ yaꞈ-euˬ meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.