Luˇkaꞈ 10:33 - Akha

³³ Ehˇ kʼawꞈ, Saˬmaˬliˆ tsawˇ haˬ tiˬ gʼaˬ gaˇ ma kʼoeˇ kahˇ oe-awˇ, kʼoeˇ tsahˇ-ahˇ oe keuˆ ngeh, tsawˇ haˬ kʼoeˇ gʼaˬ ga gaˇ ya mawˇ-awˇ, gʼawˬ shaˬ haw gaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aerkhawf, Saqmaqliv tsawrhaq tiq ghaq garma khoerkanr-anr canluf ngae, tsawrhaq khoerghaq ga-eu gar irkeuv-awr aqyawf-anr ya’mawr ngae, aqyawf-anr ghawqshaqgaq duidui-eu mae.

Luˇkaꞈ 10:33 ပူးပေါင်းရင်းမြစ်များ

1 Sahˬpaˬ 8:50

Aˬ yawꞈ maꞈ neh mˇ lehˬ-euˬ iˬ baˇ hawˇ-eu nawˬ-ahˇ puiˬ-euˬ iˬ baˇ dawˬ tawˆ luꞈ-ahˇ nawˇ pyehˬ nehˬ-awˇ, muiˇ-eu deuˬ aˬ yawꞈ maꞈ-ahˇ gʼawˬ shaˬ gaˬ nehˬ nya ni caw ba nehˬ-awˬ.

Doˆ-iˇ 2:6

Sahˬ paˬ zaˬ miˬ kʼoeˇ gʼaˬ pawˬ tuˇ kʼoeˇ siˬ pah haw ngeh, aˬ li zaˬ nahˬ tiˬ gʼaˬ-ahˇ ya mawˇ-euˬ meh. Aˬ li kʼoeˇ li ngoeˇ luꞈ-eu meh. Aˬ li kʼoeˇ li-ahˇ aˬ yawꞈ gʼawˬ shaˬ gaˬ-awˇ, “Aˬ li heu li-aˬ, Heˬbyehˇ tsawˇ haˬ-euˬ zaˬ pyeuꞈ-eu nga” lehˇ ehˇ-eu meh.

Dawqdaq 27:10

Nawˬ-euˬ cawˬ deuˬ hawˇ-eu nawˬ da-euˬ cawˬ deuˬ-ahˇ taˬ ngehˇ. Shaˬ-eu zahˬ-eu jeˬ keuˆ le ngeh, nawˬ-euˬ mehˇ nmˇ-ahˇ laꞈ jeuˬ taˬ shaˇ. Gaˇ mahˇ kaˬ gaˇ jawˇ-eu nawˬ-euˬ mehˇ nmˇ naˆ maˬ tseˇ, nawˬ-euˬ dawˬ peh jawˇ-eu cawˬ deuˬ nawˬ-ahˇ caw ba nehˬ nya-eu meh.

Maꞈtehˬ 10:5

Gʼaˬ kʼehˇ tseˇ nyiꞈ gʼaˬ-ahˇ Yeˬsuˇ heu loꞈ-ehˇ dawˬ biꞈ-awˇ kʼehˇ gʼeh-euˬ meh. “Yuˇdaˆ tsawˇ jeuˬ maˬ ngeuˇ-eu aˬ cawˬ tsawˇ jeuˬ deuˬ jawˇ gaˇ naw maꞈ taˬ iˇ. Saˬmaˬliˆ tsawˇ haˬ-euˬ meuˬ deuˬ-ahˇ kʼawꞈ taˬ iˇ.

Maꞈtehˬ 18:33

Ngaˬ neh nawˬ-ahˇ gʼawˬ shaˬ gaˬ nehˬ-euˬ loꞈ-ehˇ, nawˬ-euˬ cawˬ zaˬ kʼaˆ kʼoeˇ gʼaˬ-ahˇ nawˇ gʼawˬ shaˬ gaˬ nehˬ-eu maˬ tsaˬ-a loˇ.’

Luˇkaꞈ 10:32

Kʼoeˇ loꞈ-ehˇ duˇ ni, Leˬbiˇ tsawˇ haˬ tiˬ gʼaˬ paˇ oe-awˇ, tsawˇ haˬ kʼoeˇ gʼaˬ ga gaˇ ya mawˇ ngeh, gaˇ jaw jaw-awˇ iˇ dzeuˇ gʼeh-euˬ meh.

Luˇkaꞈ 10:34

Tsawˇ haˬ kʼoeˇ gʼaˬ ga gaˇ aˬ yawꞈ iˇ-awˇ, diˬ leuꞈ diˬ kʼaw taˬ-euˬ maˇ kʼehˬ maˇ naˇ-ahˇ aˬ gaꞈ dzaˇ uiˇ hawˇ-eu tsiˇ shehˆ lehꞈ nehˬ-awˇ, saˬ paˇ neh lahˇ cuꞈ nehˬ-euˬ meh. Kʼoeˇ naˇ, aˬ yawꞈ neh dziˬ leꞈ-euˬ mahˬ tahˬ laˆ kʼoeˇ taˆ ciˬ dziˬ-awˇ, daˬ yah yaꞈ duˬ nymˇ laꞈ kʼoeˇ ciˬ ahˇ-awˇ, yaw muiˬ paˬ-ehˇ bo saˆ nehˬ-euˬ meh.

Luˇkaꞈ 7:13

Miˬ coeˬ miˬ ma kʼoeˇ gʼaˬ-ahˇ Sahˬpaˬ Yeˬsuˇ ya mawˇ ngeh, gʼawˬ shaˬ haw gaˬ-awˇ, “Taˬ ngoeˇ” lehˇ ehˇ nehˬ-euˬ meh.

Yoˇhaˬ 4:9

Zaˬ miˬ zaˬ kʼoeˇ gʼaˬ ehˇ-eu, “Nawˇ-aˬ, Yuˇdaˆ tsawˇ haˬ meh. Ngaˇ-aˬ, Saˬmaˬliˆ tsawˇ haˬ ma. Nawˇ ngaˬ-ahˇ aˬ joˆ-ehˇ iˇ cuꞈ shaˇ dawˇ kʼmˬ-eu nya.” (Yuˇdaˆ tsawˇ haˬ deuˬ-aˬ, Saˬmaˬliˆ tsawˇ haˬ deuˬ-ahˇ nui daˆ daˆ-awˇ, kʼmˬ maˬ hawˇ-eu ni tseuˆ tiˬ gaˇ maˬ taꞈ nahˇ-a.)

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”