Luˇkaꞈ 10:32 - Akha

³² Kʼoeˇ loꞈ-ehˇ duˇ ni, Leˬbiˇ tsawˇ haˬ tiˬ gʼaˬ paˇ oe-awˇ, tsawˇ haˬ kʼoeˇ gʼaˬ ga gaˇ ya mawˇ ngeh, gaˇ jaw jaw-awˇ iˇ dzeuˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Khoerlof-aer durni, Leqbir tsawrhaq tiq ghaq khawf khoergar irkeuv ngae, lepae-awr haw-euq nar-aq, garjaw jaw-awr irdzeur ghae-euq mae.

Luˇkaꞈ 10:32 ပူးပေါင်းရင်းမြစ်များ

Jaceuq 109:25

Aˬ cawˬ ngaˬ-ahˇ mawˇ ngeh uiˇ-awˇ, uˬ duˬ dzuiꞈ-awˇ cehꞈ lehꞈ ka haw-eu meh.

Dawqdaq 27:10

Nawˬ-euˬ cawˬ deuˬ hawˇ-eu nawˬ da-euˬ cawˬ deuˬ-ahˇ taˬ ngehˇ. Shaˬ-eu zahˬ-eu jeˬ keuˆ le ngeh, nawˬ-euˬ mehˇ nmˇ-ahˇ laꞈ jeuˬ taˬ shaˇ. Gaˇ mahˇ kaˬ gaˇ jawˇ-eu nawˬ-euˬ mehˇ nmˇ naˆ maˬ tseˇ, nawˬ-euˬ dawˬ peh jawˇ-eu cawˬ deuˬ nawˬ-ahˇ caw ba nehˬ nya-eu meh.

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Luˇkaꞈ 10:31

Piˇ ma tiˬ gʼaˬ gaˇ ma kʼoeˇ kahˇ-ahˇ iˇ zaˬ-euˬ meh. Ehˇ kʼawꞈ, tsawˇ haˬ kʼoeˇ gʼaˬ ga gaˇ aˬ yawꞈ ya mawˇ ngeh, gaˇ jaw jaw-awˇ iˇ dzeuˇ gʼeh-euˬ meh.

Luˇkaꞈ 10:33

Ehˇ kʼawꞈ, Saˬmaˬliˆ tsawˇ haˬ tiˬ gʼaˬ gaˇ ma kʼoeˇ kahˇ oe-awˇ, kʼoeˇ tsahˇ-ahˇ oe keuˆ ngeh, tsawˇ haˬ kʼoeˇ gʼaˬ ga gaˇ ya mawˇ-awˇ, gʼawˬ shaˬ haw gaˬ-euˬ meh.

Gʼaˬkʼehˇ 16:28

Ehˇ kʼawꞈ, Pawˇluˆ yaw kʼaˆ-ehˇ guˇ-awˇ ehˇ nehˬ-eu, “Nawˬ-euˬ gʼawˇ mawˇ-ahˇ tiˬ jeˬ-iˬ taˬ jahˇ. Nga maꞈ dawˬ tawˆ luꞈ heu gaˇ jawˇ jiˇ ma.”

Gʼaˬkʼehˇ 18:17

Kʼoeˇ ngeh, aˬ yawꞈ maꞈ ga uiˬ-awˇ uˬ duˬ tahˬ nymˇ-ahˇ aˬ yuiꞈ geuꞈ luꞈ-eu Suˇdeˬ-ahˇ nyehꞈ-awˇ, yaˇ kʼaˬ daˇ-eu nymˇ-euˬ mehˬ shi diˬ-euˬ meh. Ehˇ kʼawꞈ, Gaˬliˬoˬ-aˬ, gaˇ kawˆ kʼoeˇ aˬ yawꞈ-ahˇ tiˬ jeˬ-iˬ maˬ taꞈ-eu loꞈ-ehˇ jawˇ-euˬ meh.

2 Tiˆmoˇseˬ 3:2

Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,