Luˇkaꞈ 10:29 - Akha

²⁹ Ehˇ kʼawꞈ, Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ, yawˬ ha yaw tsaˬ geuꞈ mawꞈ-eu miˇ neh, heu loꞈ-ehˇ ehˇ-eu meh. “Yawˬ ha dawˬ peh jawˇ-eu tsawˇ haˬ lehˇ ehˇ-eu aˬ suˇ gʼaˬ-ahˇ ehˇ ta.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aerkhawf, heughaq, yawqha-aq tsaq-awr dawr-eu ma laer geufmawf-eu mirnae Yeqsur-anr narhaq-eu, “Ngaq-euq dawqpae jawr-eu tsawrhaq aqsur ghaq la?”

Luˇkaꞈ 10:29 ပူးပေါင်းရင်းမြစ်များ

Yawˇbaˆ 32:2

Ehˇ kʼawˬ, Yawˇbaˆ yawˬ haˇ yawˬ ha tsaˬ ma lehˇ ehˇ-awˇ, Miˬyehˇ-ahˇ iˬ baˇ taˬ-eu miˇ neh, gaˇ dzeˇ paw yawꞈ-awˇ haw luꞈ-eu Eˇliˇhuˆ lehˇ myahˇ-euˬ tiˬ gʼaˬ nui ma pehˇ laˇ-awˇ, aˬ yawꞈ-euˬ nui ma-ahˇ maˬ nyehꞈ tehˬ coeˇ ni pyeuꞈ laˇ taˬ-euˬ meh. Eˇliˇhuˆ-aˬ, Lam aˇ jeuˬ Buˇzaˆ-euˬ aˬ li Baˬlaˬkeˬlaˇ-euˬ zaˬ pyeuꞈ-eu meh.

Uˬ duˬ 19:34

Iˇsaˬleˬlaˆ tsawˇ haˬ yaw kaˬ cawˬ cawˬ taꞈ-eu loꞈ-ehˇ, aˬ yawꞈ maꞈ-ahˇ cawˬ cawˬ taꞈ-awˬ. Yawˬ haˇ yawˬ ha gaˬ-eu loꞈ-ehˇ, aˬ yawꞈ maꞈ-ahˇ gaˬ-awˬ. Iˇjiˇtuˆ miˇ kʼahˬ laꞈ kʼoeˇ naw maꞈ boeˇ miˬ siˬ kʼaˬ pyeuꞈ haw-euˬ gaˇ taˬ ngehˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Maˬkuˆ 8:34

Kʼoeˇ ngeh, Yeˬsuˇ-aˬ, tsawˇ haˬ aˇ maꞈ hawˇ-eu aˬ yawꞈ-euˬ zaˬ lahˇ deuˬ-ahˇ aˬ yawꞈ jawˇ gaˇ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-awˇ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Luˇkaꞈ 10:36

“Tsawˇ haˬ kʼoeˇ smˇ gʼaˬ laꞈ kʼoeˇ, tahˇ joe bi joe-euˬ gʼaˬ-euˬ dawˬ peh jawˇ-eu tsawˇ haˬ lehˇ, aˬ geu gʼaˬ-ahˇ nawˇ kuˇ nmˇ.”

Luˇkaꞈ 16:15

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ-aˬ, tsawˇ haˬ zaˬ-euˬ mehˬ shi yaw tsaˬ yaw dawˇ jahˇ geuꞈ-eu meh. Ehˇ kʼawꞈ, naw maꞈ-euˬ nui ma-ahˇ Miˬyehˇ siˬ nya meh. Aˬ jeˬ miˇ neh ehˇ naˇ, tsawˇ haˬ zaˬ neh ciˬ poeˬ-euˬ jeˬ-ahˇ Miˬyehˇ nui daˆ daˆ-eu meh.

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

Lormav 4:2

Aˬ yawꞈ neh mˇ-euˬ shaˇ-euˬ jeˬ baˬ da neh aˬ yawꞈ Miˬyehˇ-ahˇ tsaˬ leˇ tsahˇ leˇ nya-euˬ ngeuˇ law nmˇ-aˬ, aˬ yawꞈ nui ma huiˬ kʼaˇ za tehꞈ-a. Ehˇ kʼawꞈ, Miˬyehˇ kʼoeˇ loꞈ-ehˇ maˬ sawˇ-a.

Gaˬlaˬtiˆ 3:11

Nymˬ-mˇ poˆ jawˇ-aˬ, tsawˇ haˬ tiˬ gʼaˬ-iˬ Zahˇ dawˬ kʼoꞈ dawˬ-ahˇ gʼoe-eu laꞈ kʼoeˇ Miˬyehˇ-ahˇ maˬ tsaˬ maˬ tsahˇ leˇ nya-a lehˇ siˬ duˬ laˇ taˬ-euˬ meh. Aˬ jeˬ miˇ neh ehˇ naˇ, “Jah-eu baˬ da neh Miˬyehˇ-ahˇ tsaˬ leˇ tsahˇ leˇ-euˬ tsawˇ haˬ tehꞈ-ehˇ ya dehꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Yaˬkoˆ 2:24

Nymˬ-mˇ poˆ jawˇ-aˬ, tsawˇ haˬ tiˬ gʼaˬ Miˬyehˇ-ahˇ tsaˬ leˇ tsahˇ leˇ nya-eu-aˬ, jah-eu tiˬ jeˬ baˬ da neh tehꞈ-ehˇ maˬ ngeuˇ-ehˇ, mˇ-eu shaˇ-eu jeˬ kʼawꞈ ahˇ-eu baˬ da neh tsaˬ leˇ tsahˇ leˇ nya-eu meh lehˇ naw maꞈ-ahˇ siˬ duˬ laˇ miˇ-a loˇ.