Luˇkaꞈ 10:15 - Akha

¹⁵ Gaˬbeˬneˬoˬ meuˬ-oˇ, nawˇ toe. Mˬ-ahˇ tuˆ ni bi ciˬ huiˬ bi ciˬ mahˇ mawꞈ-eu nya loˇ. Nawˬ-ahˇ shiˬ buiˇ lah ma-ahˇ biˬ ahˇ nehˬ laꞈ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Gaqbeqneqoq-or! Nawr-aq, mq-anr tuvni bi ciqgor taq-euq khawf, shir-eu mirkhanq-anr yabi gheu’anrghae taef-a.

Luˇkaꞈ 10:15 ပူးပေါင်းရင်းမြစ်များ

Aˇ dahˬ 11:4

“Aˬ dui maꞈ maˬ ya gʼawˬ maˬ ya gʼehˇ-iˇ-eu gʼaˇ duˬ maˬ ehˇ, tsawˇ myahˇ doˆ-awˇ kʼahˬ sehˇ jaˆ-eu tsawˇ haˬ deuˬ pyeuꞈ laˇ-eu gʼaˇ duˬ maˬ ehˇ, meuˬ tiˬ meuˬ teˬ-awˇ, mˬ-ahˇ tuˆ-eu nymˇ nymˇ ma tiˬ nymˇ gawˬ kaˇ-euˇ” lehˇ, aˬ yawꞈ maꞈ ehˇ-eu meh.

Iˇsaˬyaˇ 5:14

Kʼoeˇ miˇ neh shiˇ-eu miˇ kʼahˬ yaw kuiˇ dzaˬ siˬ-awˇ, kʼaˬ meh mˇ nga shaˇ nga taˬ-awˇ, Yeˬluˇsaˬlehˬ-euˬ sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ, lawꞈ lawꞈ-ehˇ bi myoꞈ ahˇ jiˇ tehꞈ-a.

Yeˬlaˬmiˇ 51:53

Baˬbuˇloˬ meuˬ mˬ-ahˇ keuˆ ni daˆ keuˆ leˇ nya-awˇ, ziꞈ dui dui-eu taˆ tsoˆ leˇ nya kʼawꞈ, tsawˇ haˬ pyehˬ gʼeh-awˇ bi laˆ cawˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 26:20

Aˇ hu ziˇ-ahˇ dehꞈ-euˬ tsawˇ haˬ deuˬ nehˬ-ehˇ bi jawˇ-iˇ-eu gʼaˇ duˬ, miˇ oˆ kʼahˬ-ahˇ nawˬ-ahˇ ngaˇ sheuˬ gʼeh ma. Miˇ kʼahˬ kʼoeˇ tsahˇ-ahˇ, shiˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, mˬ maˬ maˬ byaˆ zaˇ ziˇ luˬ-iˇ seˇ-iˇ-eu jeˬ laꞈ kʼoeˇ, nawˬ-ahˇ ngaˇ bi jawˇ ma. Dehꞈ luꞈ-euˬ tsawˇ haˬ deuˬ jawˇ-eu miˇ kʼahˬ-ahˇ nawˇ maˬ paˇ ya jawˇ meh.

Yeˬsaˬgeˬlaˇ 31:18

“Aˇ bawˇ kʼoeˇ-aˬ, Iˇjiˇtuˆ sahˬ paˬhawˇ-eu aˬ yawꞈ-euˬ tsawˇ haˬ dawˬ tawˆ luꞈ-ahˇ ehˇ mawꞈ-eu meh. Eˬdeˬ yaˇ kmˇ laꞈ kʼoeˇ dehꞈ-eu aˇ bawˇ deuˬ kʼawꞈ, kʼoeˇ naˆ ni maˬ goˇ-ehˇ, kʼoeˇ loꞈ-ehˇ maˬ haw muiˬ-a. Ehˇ kʼawꞈ, Eˬdeˬ yaˇ kmˇ -ahˇ dehꞈ-eu aˇ bawˇ deuˬ loꞈ-ehˇ, shiˇ-eu miˇ kʼahˬ-ahˇ ya iˇ-awˇ, miˬ yehˇ-ahˇ maˬ gʼoe-eu deuˬ hawˇ-eu, guiˇ deuˆ gaˇ shiˇ-euˬ deuˬ nehˬ-ehˇ tiˬ kawˆ loꞈ-ehˇ ya jawˇ-iˇ meh lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 32:18

“Tsawˇ haˬ zaˬ-oˇ, Iˇjiˇtuˆ tsawˇ haˬ deuˬ gʼaˇ duˬ tsawˇ ngoeˇ ngoeˇ-awˬ. Baoˬ huiˬ-eu tsawˇ jeuˬ nui deuˬ nehˬ-ehˇ tiˬ kʼawˆ loꞈ-ehˇ, aˬ yawꞈ maꞈ-ahˇ shiˇ-eu miˇ kʼahˬ-ahˇ bi keuˆ-iˇ-awˬ.

Yeˬsaˬgeˬlaˇ 32:20

“Iˇjiˇtuˆ tsawˇ haˬ deuˬ-aˬ, guiˇ deuˆ gaˇ bi sehꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ ya coˬ sehꞈ tehꞈ-a. Aˬ yawꞈ maꞈ-ahˇ sehꞈ jiˇ-eu lehˇ lehˬ hmˬ taˬ-euˬ mi cehˇ jaˆ-eu meh.

Yeˬsaˬgeˬlaˇ 32:27

Aˇ hu nui ma kʼaˬ duˬ ni gʼeh-eu aˬ yuiꞈ aˬ tsu deuˬ shiˇ-eu miˇ kʼahˬ-ahˇ iˇ ngeh, mi cehˇ-ahˇ mˬ gʼmˬ bi gʼmˬ-awˇ, gʼawˇ mawˇ-ahˇ dehˬ daˬ duˬ dehˬ kaˬ nehˬ-eu laꞈ kʼoeˇ, guiˇ deuˆ-eu keu ka tiˬ kuꞈ hehˇ-awˇ bi iˇ-euˬ meh. Ehˇ kʼawꞈ, aˬ yawꞈ nyaꞈ-ahˇ duˬ pahˬ nehˬ ngeh kʼoeˇ loꞈ-ehˇ maˬ jahˇ nehˬ-aˬ. Nui ma kʼaˬ duˬ ni gʼeh-eu aˬ yuiꞈ aˬ tsu kʼoeˇ deuˬ-ahˇ, dehꞈ-eu miˇ kʼahˬ-ahˇ jawˇ ngeh aˬ cawˬ guˆ dui dui-euˬ meh.

Aaˇbaˬdiˇ 1:4

Nawˬ-euˬ nymˇ kʼaˬ dzeˇ bahˬ loꞈ-ehˇ aˬ guiˇ yaw kaˬ-ahˇ jaˆ-eu kʼawꞈ, Nawˬ-ahˇ ngaˇ gʼeu ka nehˬ ma lehˇ, Ngaˇ Sahˬpaˬ Miˬyehˇ ehˇ-eu ma.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Maꞈtehˬ 11:23

Gaˬbeˬneˬoˬ meuˬ-oˇ, nawˇ toe. Mˬ-ahˇ tuˆ ni bi ciˬ huiˬ bi ciˬ mahˇ mawꞈ-eu nya loˇ. Nawˬ-ahˇ shiˬ buiˇ lah ma-ahˇ biˬ ahˇ nehˬ laꞈ tehꞈ-a. Nawˬ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Sawˇdoˬ meuˬ-ahˇ mˇ mehˬ-euˬ law nmˇ-aˬ, meuˬ kʼoeˇ meuˬ iˬ nah keuˆ ni maˬ cawˆ-iˇ ni jaˆ tehꞈ-a.

Maꞈtehˬ 4:13

Naˬzaˬlehˇ meuˬ-ahˇ maˬ paˇ jawˇ ni, Gaˬliˬlehˇ lah lah dzeˇ jaˆ-eu Gaˬbeˬneˬoˬ meuˬ-ahˇ aˬ yawꞈ jawˇ-iˇ-euˬ meh. Gaˬliˬlehˇ lah-aˬ, Zeˬbuˬloˬ hawˇ-eu Naˬtaˬliˇ miˇ kʼahˬ laꞈ kʼoeˇ jaˆ-eu meh.

Luˇkaꞈ 13:28

Aˬbyaˬhaˬ, Iˇtsaˆ, Yaˬkoˆ hawˇ-eu Miˬyehˇ gʼaˇ duˬ ngehˬ dah-euˬ tsawˇ haˬ dawˬ tawˆ luꞈ, Miˬyehˇ Miˇkʼahˬ laꞈ kʼoeˇ jawˇ luꞈ gaˇ naw maꞈ ya mawˇ-awˇ, naw maꞈ-ahˇ laꞈ nyiˇ teh dzeh nehˬ laꞈ ngeh, naw maꞈ ngoeˇ ngoeˇ-ehˇ, nui ma pehˇ-eu laꞈ kʼoeˇ seuˬ teuꞈ teuꞈ-ehˇ ya shaˬ tehꞈ-a.

Luˇkaꞈ 16:23

Shiˇ-eu miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ aˬ yawꞈ ya daˬ-awˇ, naˇ dui gawˇ dui dui-eu laꞈ kʼoeˇ gʼawˇ leuˇ haw leꞈ ngeh, gaˇ mahˇ kaˬ gaˇ Aˬbyaˬhaˬ-ahˇ haw mawˇ-awˇ, Aˬbyaˬhaˬ-euˬ bawˇ kʼahˇ-ahˇ Laˬzaˬluˇ nuiˇ luꞈ gaˇ ya mawˇ-euˬ meh.

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

2 Beˬtuˆluˆ 2:4

Aˬ jeˬ miˇ neh ehˇ naˇ, iˬ baˇ mˇ-eu mˬ taˆ gʼaˬ kʼehˇ deuˬ-ahˇ keuˆ ni Miˬyehˇ maˬ taˬ nehˬ-ehˇ shiˬ buiˇ lah ma-ahˇ biˬ ahˇ-awˇ, Yaˇ kʼaˬ daˇ-eu Aˇ nah-ahˇ dawˬ luꞈ-eu meh.