Luˇkaꞈ 1:64 - Akha

⁶⁴ Tiˬ poˆ tehꞈ-ehˇ Zaˬkaˬliˇ-euˬ kʼaˬ meh pah laˇ-awˇ, mehˬ laˇ juˆ laˇ-euˬ miˇ neh, dawˬ ngehˬ doˆ nya laˇ-awˇ, Miˬyehˇ-ahˇ ja ceuˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁴ Khoerngae, Zeqkaqlir-euq khaqmae tiqpov taef-aer mrnga’nya lar-awr, maeqlar khawf juvlar-euq mirnae, dawq ngaeqngaeq-aer Miqyaer-anr jaceuq-eu mae.

Luˇkaꞈ 1:64 ပူးပေါင်းရင်းမြစ်များ

Jaceuq 51:15

Sahˬ paˬ Miˬyehˇ-oˇ, ngaˇ dawˬ ngehˬ nya ni caw ba nehˬ laꞈ. Nawˬ-ahˇ ngaˇ ja ceuˬ ma.

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Yeˬlaˬmiˇ 1:9

Kʼoeˇ naˇ, Sahˬpaˬ Miˬyehˇ aˬ laꞈ cawˬ ja-awˇ, ngaˬ-euˬ mehˬ luˬ-ahˇ toeˬ-awˇ, heu loꞈ-ehˇ ehˇ-eu meh. “Naˇ haˬ-awˬ. Nawˇ ya ngehˬ-eu dawˬ nawˬ-ahˇ ngaˇ biꞈ-eu ma.

Yeˬsaˬgeˬlaˇ 29:21

Kʼoeˇ loꞈ-ehˇ pyeuꞈ laˇ ngeh jawˇ, Iˇsaˬleˬlaˆ tsawˇ jeuˬ gʼaˬ kʼaˆ laˇ ni ngaˇ jahˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ leˇ ni, tsawˇ haˬ yawˬ gʼaˬ na luꞈ gaˬ gaˇ nawˬ-ahˇ dawˬ bi ngehˬ ma.”

Yeˬsaˬgeˬlaˇ 3:27

Kʼoeˇ naˇ, ngaˇ nawˬ-ahˇ dawˬ paˇ ngehˬ cawˬ le-awˇ, dawˬ ngehˬ nya-eu baoˬ paˇ biꞈ kʼoꞈ nehˬ ngeh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ neh ehˇ-euˬ dawˬ deuˬ, aˬ yawꞈ maꞈ-ahˇ nawˇ paˇ ya ehˇ nehˬ tehꞈ-a. Tiˬ paˆ na deuˬ naˇ haˬ geuꞈ kʼawꞈ, tiˬ paˆ na deuˬ maˬ naˇ haˬ ni jawˇ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ-aˬ, ngaˬ-ahˇ puiˬ-eu tsawˇ jeuˬ meh.”

Yeˬsaˬgeˬlaˇ 33:22

Tsawˇ haˬ kʼoeˇ gʼaˬ maˬ laˇ keuˆ mi naˆ-ehˇ, uˬ ciˬ uˬ taw paw neh Sahˬpaˬ Miˬyehˇ ngaˬ nehˬ-ehˇ jawˇ luꞈ-eu ngaˇ ya siˬ-euˬ ma. Yawˬ shawˬ yawˬ tsawˇ haˬ kʼoeˇ gʼaˬ laˇ keuˆ ngeh, Sahˬpaˬ Miˬyehˇ ngaˬ-ahˇ dawˬ ngehˬ nya-eu baoˬ paˇ biꞈ kʼoꞈ laꞈ-euˬ meh.

Maꞈtehˬ 9:33

Ehˇ kʼawꞈ, nehꞈ teh doˆ nehˬ-euˬ nehˬ-ehˇ tiˬ poˆ tehꞈ-ehˇ, tsawˇ haˬ kʼoeˇ gʼaˬ dawˬ ngehˬ nya laˇ-euˬ meh. Kʼoeˇ ngeh, tsawˇ haˬ dawˬ tawˆ luꞈ zahˬ leˇ-awˇ, “Iˇsaˬleˬlaˆ miˇ kʼahˬ laꞈ kʼoeˇ heu loꞈ-ehˇ mˇ-eu jeˬ tiˬ jawˇ-iˬ maˬ mawˇ haw-aˬ” lehˇ ehˇ-eu meh.

Luˇkaꞈ 1:20

Aˇ yamˬ tsaˬ laˇ ngeh maˇ maˇ ni pyeuꞈ laˇ-eu gaˇ kawˆ heu-ahˇ ngaˇ tsaꞈ gaˬ le-eu kʼawꞈ, nawˇ maˬ jah-eu miˇ neh, ngaˬ neh ehˇ-euˬ loꞈ-ehˇ maˬ pyeuꞈ laˇ kʼoeˇ keuˆ ni, nawˇ dawˬ maˬ ngehˬ nya ni ciˬ cuˇ ya jawˇ tehꞈ-a.”