Luˇkaꞈ 1:63 - Akha

⁶³ Sahˬ boꞈ boˬ-eu teˇ byaꞈ tiˬ byaꞈ Zaˬkaˬliˇ shaˇ-awˇ, “Aˬyawꞈ-euˬ tsawˇ myahˇ Yoˇhaˬ meh” lehˇ boꞈ nehˬ-euˬ meh. Kʼoeˇ ngeh, aˬ yawꞈ maꞈ dawˬ tawˆ luꞈ zahˬ dui dui leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶³ Aqyawf sanqbof bof-eu terbyaf tiq byaf shar-awr bof-eu, “Aqyawf-euq tsawrmyanr-aq Yorhaq mae.” Khoerngae, aqyawfmaf dawqtawvluf zanqler jir-euq mae.

Luˇkaꞈ 1:63 ပူးပေါင်းရင်းမြစ်များ

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Iˇsaˬyaˇ 30:8

Tsawˇ haˬ heu deuˬ haiˬ dui dui-eu gaˇ kawˆ, aˬ kaˇ kaˇ ziˇ keuˆ ni maˬ bi ngehˇ ni, sahˬ boꞈ laꞈ kʼoeˇ boꞈ ahˇ taˬ-eu gʼaˇ duˬ, Miˬyehˇ ngaˬ-ahˇ kʼehˇ le-euˬ meh.

Yeˬlaˬmiˇ 17:1

Sahˬpaˬ Miˬyehˇ ehˇ-eu, “Yuˇdaˆ tsawˇ haˬ deuˬ-oˇ, naw maꞈ-euˬ iˬ baˇ-ahˇ shmˇ sahˬ duˇ neh boꞈ taˬ-euˬ meh. Gʼahˇ dui dui-eu kʼaˬ lo sehˇ daˇ ceh neh naw maꞈ-euˬ nui ma-ahˇ kawˆ boꞈ taˬ-awˇ, naw maꞈ-euˬ lawˇ duˬ laꞈ coeˇ doe ni taꞈ boꞈ taˬ-euˬ meh.

Haˬbaˬkuˆ 2:2

Sahˬpaˬ Miˬyehˇ ehˇ kʼoꞈ leꞈ-euˬ, “Ngaˬ neh nawˬ-ahˇ pah mehˬ-euˬ jeˬ, yaw awˇ laꞈ-ehˇ gui doˆ nya ni, tsaˬ byaˆ kʼoeˇ taˆ toeˬ boꞈ taˬ-awˬ.

Maꞈtehˬ 8:10

Yaw huiˬ yaw mahˇ kʼoeˇ gʼaˬ kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Luˇkaꞈ 1:60

Ehˇ kʼawꞈ, aˬ ma gʼaˬ ehˇ-eu, “Teu loꞈ-ehˇ maˬ ya myahˇ-a. Aˬ yawꞈ-ahˇ Yoˇhaˬ lehˇ ya myahˇ nehˬ meh.”