Luˇkaꞈ 1:45 - Akha

⁴⁵ Sahˬpaˬ Miˬyehˇ neh kʼaˇ ehˇ nehˬ laꞈ-euˬ jeˬ aˬ diˇ aˬ maˇ pyeuꞈ laˇ tehꞈ-a lehˇ jah-eu zaˬ miˬ zaˬ-aˬ, guiˬ lahˬ huiˬ dui dui meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Nawr-aq, jan-eu zaqmiq mirnae guiqlanqhuiq ngar-a. Aqjeq mirnae aernar-aq, Sanqpaq Miqyaer nae aqyawf-anr khar aernaeq-euq dawq yawqdawq navluf byanlar taef-a.”

Luˇkaꞈ 1:45 ပူးပေါင်းရင်းမြစ်များ

1 Sahˬpaˬ 17:16

Eˇliˇyaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ biꞈ taˬ-euˬ loꞈ-ehˇ, kʼmˬ maˬ-ahˇ ahˇ-eu cehˇ meu jiˇ-euˬ maˬ baw-ehˇ, ciˬ cuˇ-ahˇ dahˬ-eu tsiˇ dzaˬ jiˇ-euˬ maˬ baw-a.

2 Sahˬpaˬ 4:5

Kʼoeˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ aˬ li deuˬ nehˬ-ehˇ iˇ kahˇ-ahˇ uˇ leˇ-awˇ, laˇ gʼoˆ piˬ tehˬ-awˇ, saˬ loˬ tsiˇ dahˬ-eu ciˬ cuˇ cuˇ zaˬ kʼoeˇ siˬ ciˬ-awˇ, aˬ yawꞈ-euˬ aˬ li neh hehˇ miˇ nehˬ-euˬ ciˬ cuˇ kʼoeˇ deuˬ-ahˇ tsiˇ shehˆ ahˇ-euˬ meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

Luˇkaꞈ 1:20

Aˇ yamˬ tsaˬ laˇ ngeh maˇ maˇ ni pyeuꞈ laˇ-eu gaˇ kawˆ heu-ahˇ ngaˇ tsaꞈ gaˬ le-eu kʼawꞈ, nawˇ maˬ jah-eu miˇ neh, ngaˬ neh ehˇ-euˬ loꞈ-ehˇ maˬ pyeuꞈ laˇ kʼoeˇ keuˆ ni, nawˇ dawˬ maˬ ngehˬ nya ni ciˬ cuˇ ya jawˇ tehꞈ-a.”

Luˇkaꞈ 1:44

Nawˇ dawˬ cawˬ puˬ-eu teˇ saˇ ngaˬ-euˬ naˬ bawˇ-ahˇ gaˬ keuˆ laˇ-euˬ nehˬ-ehˇ, uˬ maˆ laꞈ kʼoeˇ pi luꞈ-eu ngaˬ-euˬ zaˬ laˬ kʼaˬ cehˇ-eu tsawˬ tsawˬ-ehˇ teuˆ-eu miˇ-a.

Luˇkaꞈ 1:48

Aˬ jeˬ miˇ neh cehˇ te ehˇ naˇ, teˬ-eu nyiˇ-eu tsawˇ haˬ pyeuꞈ-eu, ngaˇ loꞈ-ehˇ gʼeh-eu tsawˇ haˬ-ahˇ, aˬ yawꞈ noeˬ keuˆ nehˬ laꞈ-euˬ meh.

Yoˇhaˬ 11:40

Yeˬsuˇ aˬ yawꞈ-ahˇ ehˇ nehˬ-eu, “Nawˇ jah naˇ, Miˬyehˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a lehˇ, ngaˇ nawˬ-ahˇ ehˇ-euˬ maˬ ngeuˇ-a loˇ.”

Yoˇhaˬ 20:29

Aˬ yawꞈ-ahˇ Yeˬsuˇ ehˇ nehˬ-eu, “Nawˇ ngaˬ-ahˇ mawˇ-euˬ miˇ neh jah te loˇ. Ngaˬ-ahˇ maˬ mawˇ-euˬ kʼawꞈ jah-eu tsawˇ haˬ deuˬ aˇ naˆ ni guiˬ lahˬ huiˬ-eu nga.”