Luˇkaꞈ 1:15 - Akha

¹⁵ Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawf, Sanqpaq Miqyaer-euq maeqshi yawhuiq yawmanr ghaq pyeuflar taef-a. Aqyawf-aq, aqgaf dzaruir yawtav hawr-eu aqgaf dzaruir yawbyawq khawf maqdawr-ar. Aqma-euq uqmav-euq lafkhoer ur ngae nae, Yawshawr Saflar tiqbyanni byan taef-a.

Luˇkaꞈ 1:15 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 48:19

Ehˇ kʼawꞈ, Yoˇsehˆ ehˇ gaˇ Yaˬkoˆ maˬ naˇ haˬ-ehˇ, “Ngaˇ siˬ nya ma li-oˇ. Ngaˇ siˬ nya ma. Maˬnaˇseˬ-euˬ zaˬ deuˬ uˆ deuˬ kʼawꞈ, huiˬ-eu tsawˇ jeuˬ pyeuꞈ laˇ tehꞈ-a. Ehˇ kʼawꞈ, aˬ nyiˇ gʼaˬ aˬ yawꞈ naˆ maˬ tseˇ huiˬ dzehˬ-awˇ, aˬ nyiˇ gʼaˬ-euˬ zaˬ deuˬ uˆ deuˬ huiˬ dui myaˬ dui dui-eu tsawˇ jeuˬ deuˬ pyeuꞈ laˇ tehꞈ-a” lehˇ ehˇ-eu meh.

1 Laˬsaˬbaˬ 17:8

Nawˇ kʼaˇ iˇ kʼaˇ laˇ gaˇ nawˬ nehˬ-ehˇ ngaˇ jawˇ-awˇ, nawˇ iˇ-eu mehˬ hu, nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ deuˆ gʼaˬ nehˬ-euˬ ma. Miˇ tsaˬ kʼoeˇ taˆ huiˬ dui dui-eu sahˬ paˬ sahˬ ma deuˬ loꞈ-ehˇ, nawˬ-ahˇ ngaˇ tsawˇ myahˇ bi doˆ ma.

1 Laˬsaˬbaˬ 29:12

Pyuˇ shuiˇ myawˬ gahˬ hawˇ-eu smˇ muiˬ smˇ baw baw-eu jeˬ dawˬ tawˆ luꞈ, nawˇ jawˇ gaˇ neh doˆ le-euˬ tehꞈ meh. Nawˬ-euˬ gʼaˬ hawˇ-eu nawˬ-euˬ baoˬ-ahˇ gʼoe-awˇ, yawˬ jeˬ na luꞈ-ahˇ nawˇ uˆ lahˇ-eu meh.

Jaceuq 22:9

Nawˬneh ngaˬ-ahˇbi dehꞈle-awˇ, aˬcoeˇdawˇzaˬpyeuꞈluꞈngeh neh, nawˇbo saˆhaw piˇlaꞈ-euˬmeh.

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

Yeˬlaˬmiˇ 35:6

Ehˇ kʼawꞈ, aˬ yawꞈ maꞈ heu loꞈ-ehˇ ehˇ-eu meh. “Nga maꞈ aˬ gaꞈ dzaˇ uiˇ maˬ dawˇ. Nga maꞈ hawˇ-eu nga maꞈ-euˬ zaˬ deuˬ uˆ deuˬ tiˬ gʼaˬ-iˬ aˬ gaꞈ dzaˇ uiˇ maˬ ya dawˇ-a lehˇ, Leˬkaˆ-euˬ aˬ li nga maꞈ-euˬ aˬ poeˬ Yawˇnaˬdehˇ ehˇ taˬ-euˬ meh.

Uˬ duˬ 10:9

“Nawˇ hawˇ-eu nawˬ-euˬ aˬ li deuˬ, aˬgaꞈ dzaˇ uiˇ maˬ ehˇ, bi yehꞈ laˇ-eu dzaˇ uiˇ tiˬ jeˬ na maˬ ehˇ dawˇ gʼaˬ naˇ, ngaˇ jawˇ-euˬ Sehˬ gʼawˆ laꞈ kʼoeˇ maˬ ya uˇ laˇ-a. Uˇ laˇ naˇ, naw maꞈ ya shiˇ tehꞈ-a. Heu-aˬ, nawˬ-euˬ zaˬ nawˬ-euˬ uˆ dawˬ tawˆ luꞈ ya caw teh-eu zahˇ pyeuꞈ-eu meh.

Zaˬkaˬliˇ 9:15

Baoˬ huiˬ-eu Sahˬpaˬ Miˬyehˇ-aˬ, yawꞈ-euˬ tsawˇ haˬ-ahˇ haw piˇ-awˇ, aˬ yawꞈ-euˬ tsawˇ haˬ kʼoeˇ deuˬ-aˬ, muiˇ-eu deuˬ-ahˇ laˆ cawˆ tehꞈ-a. Jiˇ baˬ yehꞈ-eu tsawˇ haˬ loꞈ-ehˇ, guiˇ deuˆ luꞈ ngeh yawꞈ maꞈ guˇ-awˇ, muiˇ-eu deuˬ-ahˇ shiˬ sehꞈ doˆ ngeh, naˬ bo-ahˇ dahˬ-eu lawˇ-euˬ shiˬ, lawˇ guiˇ kʼoeˇ taˆ shehˆ doˆ gʼeh ngeh, yoeˇ kʼaˇ le gaˇ duˇ leˇ tehꞈ-a.

Luˇkaꞈ 1:14

Aˬ yawꞈ dehꞈ le-euˬ gaˇ, nawˇ hawˇ-eu tsawˇ haˬ gʼawˬ mya ni laˬ kʼaˬ cehˇ tehꞈ-a.

Luˇkaꞈ 7:28

Ngaˇ naw maꞈ-ahˇ ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, Miˬyehˇ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dzehˬ nyiˇ dzehˬ-eu gʼaˬ-aˬ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.”

Luˇkaꞈ 7:33

Iˇ cuꞈ shawˇ-eu Yoˇhaˬ oe ngeh, hawˬ maˬ dzaˬ ni dzahˬ-awˇ, aˬ gaꞈ dzaˇ uiˇ maˬ dawˇ-eu miˇneh, ‘Tsawˇ haˬ heu gʼaˬ nehꞈ uˇ-eu tsawˇ ngaˬ nga’ lehˇ naw maꞈ aˬ yawꞈ-ahˇ ehˇ-eu meh.

Yoˇhaˬ 5:35

Yoˇhaˬ neh ehˇ-euˬ dawˬ-aˬ, bya cehˆ ni doꞈ luꞈ-eu tsiˇ kʼmˬ-ahˇ duˇ-awˇ, naw maꞈ-ahˇ laˬ kʼaˬ bi cehˇ-eu meh. Naw maꞈ-ahˇ laˬ kʼaˬ bi cehˇ-eu yaw shehꞈ-ahˇ duˇ-eu aˬ yawꞈ-euˬ dawˬ kʼoeˇ-ahˇ, naw maꞈ tiˬ kʼehˬ tiˬ yamˬ ha geuꞈ-euˬ meh.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gaˬlaˬtiˆ 1:15

Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Yawˇshuˆ 3:7

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ dawˬ tawˆ luꞈ, nawˬ-ahˇ huiˬ-eu tsawˇ haˬ tiˬ gʼaˬ loꞈ-ehˇ taˬ huiˬ taˬ mahˇ-awˇ, Moˇseˬ nehˬ-ehˇ ngaˇ jawˇ-euˬ loꞈ-ehˇ nawˬ nehˬ-ehˇ kʼawꞈ ngaˇ jawˇ-eu gaˇ kawˆ aˬ yawꞈ maꞈ ya siˬ duˬ ni, iˬ nah ngaˇ mˇ ma.

Yawˇshuˆ 4:14

Yawˇshuˆ huiˬ-eu tsawˇ haˬ tiˬ gʼaˬ pyeuꞈ-eu gaˇ kawˆ Iˇsaˬleˬlaˆ tsawˇ haˬ deuˬ ya siˬ ni, kʼoeˇ ngeh nah Sahˬpaˬ Miˬyehˇ mˇ-euˬ meh. Moˇseˬ-ahˇ aˬ yawꞈ maꞈ taˬ huiˬ taˬ mahˇ-euˬ loꞈ-ehˇ, Yawˇshuˆ-ahˇ kʼawꞈ, ziˇ jiˇ ngeh keuˆ ni taˬ huiˬ taˬ mahˇ-euˬ meh.