Lormav 9:7 - Akha

⁷ Aˬbyaˬhaˬ o neh kʼaˇ jeuˬ kʼaˇ o le-euˬ dawˬ tawˆ luꞈ, Miˬyehˇ-euˬ zaˬ maˇ maˇ ni maˬ ngeuˇ-a. “Iˇtsaˆ o neh jeuˬ le o le-euˬ zaˬ deuˬ-ahˇ tehꞈ-ehˇ nawˬ-euˬ zaˬ lehˇ sawˇ nehˬ ma” lehˇ, Aˬbyaˬhaˬ-ahˇ Miˬyehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqbyaqhaq-euq aryoeq pyeuf-eu khawf, dawqtawvluf, aqyawf-euq zaq pyeuf-eu maqngeur-a. “Irtsav-euq aryoeq taef-aer nawq-euq zaq laer sawxnya-eu mae,” (Adb 21:12) laer aertaq-euq mae.

Lormav 9:7 ပူးပေါင်းရင်းမြစ်များ

Aˇ dahˬ 21:12

Ehˇ kʼawꞈ, Aˬbyaˬhaˬ-ahˇ Miˬyehˇ ehˇ nehˬ-eu, “Nawˬ li Iˇshaˬmeˬlaˇ hawˇ-eu nawˬ-euˬ zaˬ kʼaˆ Haˬgaˬlaˇ gʼaˇ duˬ taˬ noeˬ shaˬ. Saˬlaˇ kʼaˇ ehˇ-eu loꞈ-ehˇ geuꞈ-awˬ. Aˬ jeˬ miˇ neh ehˇ naˇ, ngaˬ neh nawˬ-ahˇ saˇ jaˇ biꞈ taˬ-euˬ nawˬ-euˬ zaˬ nawˬ-euˬ uˆ deuˬ-aˬ, Iˇtsaˆ o neh jeuˬ le o le tehꞈ-a.

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Luˇkaꞈ 16:30

Smˇ muiˬ smˇ baw kʼoeˇ gʼaˬ ehˇ-eu, ‘Aˬ da Aˬbyaˬhaˬ-oˇ, kʼoeˇ loꞈ-ehˇ tehꞈ-ehˇ kʼawꞈ maˬ ngeuˇ-a siˬ. Shiˇ-euˬ tsawˇ haˬ tiˬ gʼaˬ paˇ gʼoꞈ poˆ-iˇ-awˇ ehˇ nehˬ-iˇ naˇ, aˬ ha mehˇ nmˇ iˬ baˇ noeˬ poˆ tehꞈ-a.’

Luˇkaꞈ 3:8

Naw maꞈ iˬ baˇ noeˬ poˆ gʼaˬ-euˬ ngaˇ lehˇ yaw muiˬ paˬ-ehˇ siˬ duˬ mawˇ duˬ laˇ ni dehꞈ-awˬ. Aˬbyaˬhaˬ-aˬ, nga maꞈ-euˬ aˬ da yaw dzahˇ ma lehˇ, naw maꞈ-euˬ nui ma laꞈ kʼoeˇ yawˬ haˇ yawˬ ha ehˇ ehˇ-ehˇ taˬ jawˇ. Ngaˇ naw maꞈ-ahˇ ehˇ nehˬ nyaˇ. Miˬyehˇ-aˬ, kʼaˬ lo heu deuˬ yuˇ-awˇ, Aˬbyaˬhaˬ-euˬ oeˬ paˬ oeˬ ma jahˇ doˆ nya meh.

Yoˇhaˬ 8:33

Aˬ yawꞈ maꞈ ehˇ-eu, “Nga maꞈ Aˬbyaˬhaˬ-euˬ zaˬ deuˬ uˆ deuˬ ma. Aˬ cawˬ-euˬ zaˬ kʼaˆ kʼawꞈ tiˬ jawˇ-iˬ maˬ geuꞈ haw-aˬ. ‘Naw maꞈ ya buˬ-iˇ tehꞈ-a’ lehˇ nawˇ ehˇ-eu teu, aˬ jeˬ ehˇ mawꞈ te.”

Gaˬlaˬtiˆ 4:23

Zaˬ kʼaˆ gʼaˬ o neh dehꞈ le-euˬ aˬ li kʼoeˇ li-aˬ, aˬ cawˬ kʼaˇ dehꞈ le-euˬ loꞈ-ehˇ dehꞈ le-euˬ meh. Ehˇ kʼawꞈ, zaˬ kʼaˆ maˬ ngeuˇ-eu gʼaˬ o neh dehꞈ le-euˬ kʼoeˇ li-aˬ, Miˬyehˇ neh saˇ jaˇ dzaˬ taˬ-euˬ baˬ da neh dehꞈ le-euˬ meh.

Gaˬlaˬtiˆ 4:28

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, Iˇtsaˆ loꞈ-ehˇ Miˬyehˇ neh saˇ jaˇ dzaˬ taˬ-euˬ miˇ neh dehꞈ le-euˬ Miˬyehˇ-euˬ zaˬ deuˬ pyeuꞈ-eu meh.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

HeˬByehˇ 11:18

“Ngaˬ neh nawˬ-ahˇ biꞈ ma lehˇ saˇ jaˇ dzaˬ taˬ-euˬ zaˬ deuˬ uˆ deuˬ, Iˇtsaˆ o neh jeuˬ le o le tehꞈ-a” lehˇ, Aˬbyaˬhaˬ-ahˇ Miˬyehˇ ehˇ nehˬ-euˬ meh.