Lormav 9:20 - Akha

²⁰ Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Tsawrhaqzaq-or! Miqyaer-anr dawqpov povler paq-aer nawr aqsur ghaq le? Bi taevtaq-euq jeq, taev-eu ghaq-anr heulof-aer aerlernya taef-a laq? “Nawr, ngaq-anr aqjeq mirnae heulof-aer taev naeqlaf-euq le?”

Lormav 9:20 ပူးပေါင်းရင်းမြစ်များ

2 Saˬmeuˬlaˆ 16:10

Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ aˬ nyaꞈ-ahˇ sahˬ paˬ ehˇ nehˬ-eu, “Heu-aˬ, naw nyaꞈ-ahˇ taꞈ-euˬ gaˇ maˬ ngeuˇ-a. Sahˬpaˬ Miˬyehˇ neh aˬ yawꞈ-ahˇ kʼehˇ-awˇ, ngaˬ-ahˇ yaˬ kʼehˇ bi yaˬ le-euˬ jeˬ pyeuꞈ lawˬ naˇ, aˬ dui aˬ jeˬ ehˇ kʼaˇ paˇ za ta.”

Yawˇbaˆ 16:3

Naw maꞈ ngehˬ gʼaˬ ehˇ gʼaˬ-eu maˬ baw ni ehˇ-eu gʼeh te loˇ. Aˬ jeˬ miˇ neh teu naˆ naˆ-ehˇ teh ngehˬ mawꞈ-eu nya.

Yawˇbaˆ 33:13

Tsawˇ haˬ zaˬ-euˬ dawˬ-ahˇ maˬ naˇ haˬ nehˬ laꞈ nga lehˇ, aˬ jeˬ miˇ neh Miˬyehˇ-ahˇ nawˇ iˬ baˇ taˬ te.

Yawˇbaˆ 36:23

Miˬyehˇ gaˇ mˇ gaˇ tiˬ gʼaˬ-iˬ maˬ mehˬ maˬ tsoˆ nya-a. Aˬ yawꞈ yaw haiˬ jeˬ mˇ nga lehˇ tiˬ gʼaˬ-iˬ maˬ ehˇ leˇ nya-a.

Yawˇbaˆ 40:2

“Yawˇbaˆ-oˇ, Baoˬ huiˬ-eu Miˬyehˇ nehˬ-ehˇ ja haw mawꞈ nya lehˇ nawˇ ehˇ-eu meh. Nawˇ maˬ paˇ ja ni byehˇ nmˇ loˇ. Maˬ ngeuˇ naˇ ngaˬ neh kʼaˇ naˇ haˬ-euˬ jeˬ-ahˇ ehˇ kʼoꞈ nmˇ loˇ.”

Yawˇbaˆ 40:5

Ngehˬ paˬ tmˇ paˬ-ehˇ gʼeh-eu naˆ maˬ tseˇ ngaˇ ngehˬ dzeuˇ tmˇ dzeuˇ taˬ-euˬ ma.”

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Yawˇbaˆ 9:32

Miˬyehˇ tsawˇ haˬ zaˬ pyeuꞈ law nmˇ-aˬ, aˬ yawꞈ-ahˇ ngaˇ ehˇ nehˬ nya ma. Yaˇ kʼaˬ daˇ duˬ-ahˇ le-awˇ, nga nyaꞈ-euˬ gaˇ kawˆ ja duˬ nya ma.

Iˇsaˬyaˇ 10:15

Sahˬpaˬ Miˬyehˇ ehˇ-eu, “Daˇ kawˬ deuˆ-eu deuˆ haˬ tiˬ kahˇ, deuˆ sahˇ taꞈ-ehˇ huiˬ dzehˬ ta loˇ. Teˇ byaꞈ yehˬ-eu yehˬ ma tiˬ kahˇ, yehˬ sahˇ taꞈ-ehˇ huiˬ dzehˬ ta loˇ. Daˇ cuiˇ-ahˇ tsawˇ haˬ sheu diˇ-eu maˬ ngeuˇ naˇ, tsawˇ haˬ-ahˇ daˇ cuiˇ maˬ sheu diˇ nya-a.”

Iˇsaˬyaˇ 29:16

Yawˬ jeˬ na luꞈ-ahˇ aˬ yawꞈ maꞈ poˆ laˆ laˆ-eu meh. Oeˬ lahˬ tehˆ-eu yaw sahˇ hawˇ-eu oeˬ lahˬ, aˬ geu gʼaˬ huiˬ dzehˬ ta. Tsawˇ haˬ zaˬ neh jahˇ-euˬ keu ka, “Nawˬ neh jahˇ-euˬ maˬ ngeuˇ nya” lehˇ, “Nawˇ aˬ jeˬ siˬ nya te” lehˇ, jahˇ-euˬ gʼaˬ-ahˇ ehˇ nya meh loˇ.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Yeˬlaˬmiˇ 18:6

“Iˇsaˬleˬlaˆ tsawˇ haˬ deuˬ-oˇ, oeˬ lahˬ tehˆ-eu tsawˇ haˬ oeˬ lahˬ tehˆ-eu shaˬ jehˆ yuˇ-awˇ, yawˬ ha kʼaˇ tehˆ mawꞈ-eu jeˬ tehˆ nya-eu loꞈ-ehˇ, naw maꞈ-ahˇ ngaˬ neh noeˬ-euˬ loꞈ-ehˇ maˬ jahˇ nya ta loˇ. Oeˬ lahˬ tehˆ-eu shaˬ jehˆ kʼoeˇ oeˬ lahˬ tehˆ-eu gʼaˬ-euˬ aˬ laꞈ laꞈ kʼoeˇ jaˆ-eu loꞈ-ehˇ, naw maꞈ kʼawꞈ ngaˬ-euˬ aˬ laꞈ laꞈ kʼoeˇ jaˆ-eu ma.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Luˇkaꞈ 12:14

Yeˬsuˇ aˬ yawꞈ-ahˇ ehˇ nehˬ-eu, “Cawˬ-oˇ, naw nyaꞈ nmˇ-ahˇ yaˇ kʼaˬ daˇ-eu gʼaˇ duˬ maˬ ehˇ, jeˬ biˇ paˆ nehˬ-eu gʼaˇ duˬ maˬ ehˇ, aˬ suˇ gʼaˬ neh ngaˬ-ahˇ aˇ yaˬ biꞈ taˬ ta.”

Lormav 14:4

Aˬ cawˬ-euˬ zaˬ kʼaˆ-ahˇ yaw lehˬ poˆ paˬ-ehˇ nawˇ aˬ suˇ gʼaˬ te. Aˬ yawꞈ tsaˬ-eu lehˬ-eu gaˇ kawˆ, aˬ yawꞈ-euˬ baw leˬ gʼaˬ ngehˬ tehꞈ-a. Aˬ yawꞈ-aˬ tsaˬ-eu tsawˇ haˬ pyeuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ tsaˬ ni Sahˬpaˬ Miˬyehˇ jahˇ nya-eu meh.

Lormav 2:1

Cawˬ deuˬ-oˇ, naw maꞈ aˬ cawˬ-ahˇ yaw lehˬ poˆ te loˇ. Nawˇ aˬ joˆ-ehˇ gʼeh-eu tsawˇ haˬ ma lehˇ yawˬ haˇ yawˬ ha noeˬ kʼawꞈ, yaw lehˬ maˬ ahˇ-eu tsawˇ haˬ maˬ ngeuˇ-a. Yawˬ ha aˬ cawˬ kʼaˇ dehꞈ-eu loꞈ-ehˇ dehꞈ-awˇ, aˬ cawˬ-ahˇ yaw lehˬ poˆ te lehˇ ngeuˇ naˇ, yawˬ haˇ yawˬ ha yaw lehˬ poˆ gaˇ duˇ-eu tehꞈ meh.

Lormav 2:3

Ehˇ kʼawꞈ, aˬ cawˬ mˇ-euˬ yaw lehˬ nga lehˇ nawˇ noeˬ-eu jeˬ-ahˇ yawˬ ha paˇ mˇ luꞈ-eu meh. Miˬyehˇ yaˇ kʼaˬ daˇ-eu jeˬ-ahˇ buˬ-iˇ nya ma lehˇ duˇ te loˇ.

Lormav 9:21

Oeˬ lahˬ tehˆ-eu tsawˇ haˬ miˇ tsaˬ shaˬ jehˆ yuˇ-awˇ, yawˬ ha kʼaˇ tehˆ mawꞈ-eu loꞈ-ehˇ maˬ tehˆ nya ta loˇ. Shaˬ jehˆ aˬ yawꞈ tiˬ kʼoˇ-ahˇ tehꞈ-ehˇ miˇ tsaˬ nyiˬ tsuˆ tsuˆ doˆ-awˇ, aˬ yawꞈ neh kʼaˇ noeˬ-euˬ loꞈ-ehˇ, bawˬ-iˬ gʼeh ngeh zmˬ-eu gʼaˇ duˬ muiˬ-eu oeˬ lahˬ hawˇ-eu, nui gaˇ zmˬ-eu gʼaˇ duˬ yaw kʼaˆ-ehˇ maˬ muiˬ-eu oeˬ lahˬ maˬ tehˆ beu nya ta loˇ.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

1 Gawˇliˬtu 1:20

Kʼoeˇ miˇ neh, zaˬ siˬ tsawˇ gahˇ ahˇ-eu tsawˇ haˬ aˬ gaˇ jawˇ ta lehˇ ehˇ haw sheˇ. Zahˇ dawˬ kʼoꞈ dawˬ mehˬ-eu saˬ laˬ deuˬ aˬ gaˇ jawˇ ta lehˇ ehˇ haw sheˇ. Heu ziˇ-ahˇ ja ceh ceh-eu paw nya dui dui-eu tsawˇ haˬ deuˬ aˬ gaˇ jawˇ ta lehˇ ehˇ haw sheˇ. Miˇ tsaˬ heu kʼoeˇ taˆ jaˆ-eu zaˬ siˬ tsawˇ gahˇ deuˬ yawꞈ ngehꞈ meh lehˇ Miˬyehˇ neh bi siˬ bi mawˇ laꞈ gʼaˬ-euˬ maˬ ngeuˇ-a loˇ.

1 Gawˇliˬtu 7:16

Ka li zaˬ pyeuꞈ-eu aˬ cawˬ-euˬ miˬ zaˬ deuˬ-oˇ, nawˬ-euˬ kʼaˬ dzeˇ zaˬ-ahˇ nawˇ maˬ ka kʼoꞈ nya-aˇ lehˇ ehˇ nya te loˇ. Ka li zaˬ pyeuꞈ-eu aˬ cawˬ-euˬ kʼaˬ dzeˇ zaˬ deuˬ-oˇ, nawˬ-euˬ miˬ zaˬ-ahˇ nawˇ maˬ ka kʼoꞈ nya-aˇ lehˇ ehˇ nya te loˇ.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

2 Tiˆmoˇseˬ 2:20

Nymˇ nymˇ ma tiˬ nymˇ laꞈ kʼoeˇ kʼmˬ maˬ oeˬ tsaꞈ gʼawˬ mya ni jaˆ-eu meh. Tiˬ deuˬ na-aˬ, pyuˇ hawˇ-eu shuiˇ neh tehˆ taˬ-awˇ, tiˬ deuˬ na-aˬ, daˇ kawˬ hawˇ-eu miˇ tsaˬ neh jahˇ taˬ-euˬ meh. Tiˬ deuˬ na-aˬ, bawˬ-iˬ gʼeh ngeh zmˬ-eu gʼaˇ duˬ pyeuꞈ-awˇ, tiˬ deuˬ na-aˬ, aˬ myah myah zmˬ-eu gʼaˇ duˬ pyeuꞈ-eu meh.

Tiˇtuˆ 2:9

Zaˬ kʼaˆ deuˬ yawˬ ha-euˬ baw leˬ ehˇ dawˬ naˇ haˬ-awˇ, yawˬ jeˬ na luꞈ laꞈ kʼoeˇ baw leˬ deuˬ nui kʼahˇ shiˇ ni ya dehꞈ-awˇ, dawˬ poˆ maˬ ya poˆ-a lehˇ mehˬ nehˬ-awˬ.

Yaˬkoˆ 2:20

A dzawˬ aˇ gah deuˬ-oˇ, mˇ-eu shaˇ-eu jeˬ maˬ ahˇ-eu jah-eu jeˬ-aˬ yawꞈ ngehꞈ meh lehˇ bi mehˬ duˬ mawꞈ-eu nya loˇ.