Lormav 9:2 - Akha

² Ngaˇ aˇ naˆ ni noeˬ shaˬ luꞈ-eu nga. Ngaˬ-euˬ shiˬ shaˬ pyeuꞈ-eu ngaˬ-euˬ tsawˇ haˬ deuˬ gʼaˇ duˬ, ngaˬ-euˬ nui ma laꞈ kʼoeˇ maˬ tsehˆ leˇ ni shaˬ zahˬ aˇ naˆ ni ya mˇ luꞈ-eu nga.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar noeqshaq duidui-awr, aqmyanluf nuima ghawqshaq-aer ghaeluf mir-a.

Lormav 9:2 ပူးပေါင်းရင်းမြစ်များ

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Iˇsaˬyaˇ 66:10

Yeˬluˇsaˬlehˬ meuˬ-ahˇ kʼaˇ gaˬ-eu tsawˇ haˬ deuˬ, Yeˬluˇsaˬlehˬ meuˬ nehˬ-ehˇ laˬ kʼaˬ caw cehˇ-awˇ, aˬ yawꞈ gʼaˇ duˬ nui kʼahˇ shiˇ-awˬ. Yeˬluˇsaˬlehˬ gʼaˇ duˬ tsawˇ ngoeˇ ngoeˇ-euˬ deuˬ, nymˬ-mˇ aˬ yawꞈ nehˬ-ehˇ laˬ kʼaˬ cehˇ-awˬ.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Ngoeˇ dawˬ 3:51

Meuˬ laꞈ kʼoeˇ-euˬ zaˬ miˬ zaˬ deuˬ, ya daˬ-euˬ gaˇ ngaˇ haw mawˇ ngeh, nui ma laꞈ kʼoeˇ gawˇ dui dui nya.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

Lormav 9:1

Ngaˇ dawˇ coe ni ehˇ-eu ma. Ka li-euˬ tsawˇ haˬ pyeuꞈ-eu miˇ neh jaˬ myawꞈ maˬ myawꞈ. Muiˬ-eu Shawˇ-eu Yaw sahˇ Miˬyehˇ uˆ lahˇ-eu ngaˬ-euˬ siˬ nya-eu nui ma kʼawꞈ, ngaˇ jaˬ myawꞈ maˬ myawꞈ-a lehˇ ngaˬ-ahˇ maˇ jawˆ ni ehˇ nehˬ laꞈ-eu meh.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

Piˇliˇpiˆ 3:18

Ngaˇ naw maꞈ-ahˇ gʼawˬ mya poˆ ehˇ dzeuˇ-euˬ dawˬ kʼoeˇ dawˬ-ahˇ, nymˬ-mˇ myaˆ biˇ doˆ-eu laꞈ kʼoeˇ tiˬ poˆ paˇ ehˇ poˆ-eu ma. Tsawˇ haˬ gʼawˬ mya gʼaˬ, Ka li kamˇ shiˇ-euˬ laꞈ yaꞈ-ahˇ muiˇ-eu jeˬ-ehˇ yaw dehꞈ dehꞈ luꞈ meh lehˇ ngaˇ paˇ ehˇ poˆ-eu ma.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

1 Saˬmeuˬlaˆ 15:35

Saˬmeuˬlaˆ laˇ ziˇ jiˇ leˇ ngeh keuˆ ni, sahˬ paˬ-ahˇ tiˬ poˆ-iˬ maˬ paˇ ya mawˇ ni ziˇ dehꞈ jiˇ-euˬ meh. Ehˇ kʼawꞈ, sahˬ paˬ gʼaˇ duˬ aˬ yawꞈ nui ma maˬ saˇ ni toˇ toˇ-ehˇ jawˇ-euˬ meh. Kʼoeˇ ngeh, Sawˇluˆ-ahˇ Sahˬpaˬ Miˬyehˇ gʼawˬ shaˬ haw gaˬ-awˇ, Iˇsaˬleˬlaˆ tsawˇ jeuˬ-euˬ sahˬ paˬ paˇ bi geuꞈ-euˬ meh.