Lormav 9:19 - Akha

¹⁹ Toˆ-ehˇ ngeuˇ naˇ, Miˬyehˇ-euˬ nui noeˬ-ahˇ tiˬ gʼaˬ-iˬ maˬ laˆ tsoeˬ nya-eu-aˬ, tsawˇ haˬ zaˬ-ahˇ Miˬyehˇ aˬ jeˬ iˬ baˇ taˬ kʼaˇ paˇ za ta” lehˇ naw maꞈ tiˬ gʼaˬ na ngaˬ-ahˇ naˇ haˬ mawꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Nawmaf tiqghaqnav ngaq-anr heulof-aer narhaq mawf-eu paq, “Miqyaer aqjeq mirnae tsawrhaqzaq-anr yawlaeq pov-eu nga? Aqyawf-euq nuinoeq-anr aqsur ghaq lavtsoeq nya-eu la?”

Lormav 9:19 ပူးပေါင်းရင်းမြစ်များ

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 29:16

Yawˬ jeˬ na luꞈ-ahˇ aˬ yawꞈ maꞈ poˆ laˆ laˆ-eu meh. Oeˬ lahˬ tehˆ-eu yaw sahˇ hawˇ-eu oeˬ lahˬ, aˬ geu gʼaˬ huiˬ dzehˬ ta. Tsawˇ haˬ zaˬ neh jahˇ-euˬ keu ka, “Nawˬ neh jahˇ-euˬ maˬ ngeuˇ nya” lehˇ, “Nawˇ aˬ jeˬ siˬ nya te” lehˇ, jahˇ-euˬ gʼaˬ-ahˇ ehˇ nya meh loˇ.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Maˬkuˆ 14:21

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-eu kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Lormav 11:19

“Ngeuˇ tehꞈ-a. Ehˇ kʼawꞈ, nga maꞈ tsaꞈ leˇ kʼaˇ za ni uˬ laꞈ tiˬ paˆ na deuˬ bi deuˆ tsehˆ dzeh-euˬ maˬ ngeuˇ-a loˇ” lehˇ naw maꞈ ehˇ mawꞈ tehꞈ-a.

1 Gawˇliˬtu 15:12

Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ gaˇ kawˆ nga maꞈ mehˬ luꞈ-eu-aˬ, naw maꞈ tiˬ paˆ na deuˬ shiˇ-euˬ tsawˇ haˬ-ahˇ maˬ bi gʼoꞈ dehꞈ laˇ nya-aˇ lehˇ aˬ joˆ-ehˇ ehˇ nya te.

1 Gawˇliˬtu 15:35

“Shiˇ-euˬ tsawˇ haˬ-ahˇ aˬ joˆ-ehˇ bi gʼoꞈ dehꞈ laˇ nya ta. Gʼoꞈ dehꞈ laˇ-euˬ gʼawˇ mawˇ kʼoeˇ aˬ joˆ-ehˇ gʼeh ta” lehˇ, tsawˇ haˬ tiˬ gʼaˬ na naˇ haˬ mawꞈ tehꞈ-a.

Yaˬkoˆ 1:13

Tsawˇ haˬ tiˬ gʼaˬ na, koeˇ loꞈ-ehˇ lawˬ haw-awˇ muˇ juˇ juˇ gaˇ ya daˬ ngeh, “Muˇ juˇ juˇ-eu heu, Miˬyehˇ jawˇ gaˇ neh oe-euˬ meh” lehˇ ehˇ-eu maˬ tsaˬ-a. Aˬ jeˬ miˇ neh ehˇ naˇ, yaw haiˬ jeˬ Miˬyehˇ-ahˇ muˇ juˇ maˬ juˇ nya-a. Kʼoeˇ loꞈ-ehˇ duˇ ni, tsawˇ haˬ tiˬ gʼaˬ-ahˇ-iˬ Miˬyehˇ muˇ juˇ maˬ juˇ-a.

Yaˬkoˆ 2:18

“Tiˬ gʼaˬ-ahˇ jah-eu jeˬ oꞈ-awˇ, tiˬ gʼaˬ-ahˇ mˇ-eu jeˬ oꞈ-eu meh” lehˇ, tsawˇ haˬ tiˬ gʼaˬ na ehˇ tehꞈ-a. Mˇ-eu shaˇ-eu jeˬ maˬ ahˇ-eu nawˬ-euˬ jah-eu jeˬ ngaˬ-ahˇ mehˬ nehˬ laꞈ sheˇ. Ngaˇ-aˬ, mˇ-eu shaˇ-eu laꞈ kʼoeˇ ngaˬ-euˬ jah-eu jeˬ nawˬ-ahˇ mehˬ nehˬ ma.