Lormav 8:5 - Akha

⁵ Shiˬ shaˬ jiˇ-euˬ nui noeˬ neh kʼaˇ bi dehꞈ-euˬ loꞈ-ehˇ dehꞈ-eu tsawˇ haˬ deuˬ-aˬ, shiˬ shaˬ jiˇ-euˬ nui kʼahˇ neh bi uˆ lahˇ-euˬ tsawˇ haˬ deuˬ pyeuꞈ-eu meh. Yaw sahˇ Miˬyehˇ neh kʼaˇ bi dehꞈ-euˬ loꞈ-ehˇ dehꞈ-eu tsawˇ haˬ deuˬ-aˬ, Yaw sahˇ Miˬyehˇ-euˬ nui kʼahˇ neh bi uˆ lahˇ-euˬ tsawˇ haˬ deuˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, shiqshaq-anr daefcaw-eu tsawrhaq-aq, shiqshaq paw-euq garkawv-anr taef-aer noeqtsov taq-euq mae. Aerkhawf, muiq-eu Saflar-anr daefcaw-eu tsawrhaq-aq, muiq-eu Saflar-anr taf-eu deuq-anr noeqtsov taq-euq mae.

Lormav 8:5 ပူးပေါင်းရင်းမြစ်များ

Maˬkuˆ 8:33

Ehˇ kʼawꞈ, Yeˬsuˇ aˬ yawꞈ-euˬ zaˬ lahˇ deuˬ-ahˇ nahˇ gʼoꞈ gʼoꞈ haw-awˇ, Beˬtuˆluˆ-ahˇ dehˬ-awˇ ehˇ-eu, “Saˬdaˬ-oˇ, cehˆ-awˬ. Nawˬ-euˬ nui noeˬ teu-aˬ, Miˬyehˇ-euˬ nui noeˬ maˬ ngeuˇ nga. Tsawˇ haˬ zaˬ-euˬ nui noeˬ nga.”

Yoˇhaˬ 3:6

Tsawˇ haˬ tiˬ gʼaˬ-euˬ shiˬ shaˬ jiˇ gʼawˇ mawˇ-aˬ, aˬ da aˬ ma baˬ da neh dehꞈ le-euˬ jeˬ pyeuꞈ-eu meh. Ehˇ kʼawꞈ, aˬ yawꞈ-euˬ laꞈ kʼoeˇ ahˇ-eu yaw sahˇ-aˬ, Yaw sahˇ Miˬyehˇ baˬ da neh dehꞈ le-euˬ jeˬ pyeuꞈ-eu meh.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

1 Gawˇliˬtu 15:48

Miˇ tsaˬ-ahˇ taꞈ-eu tsawˇ haˬ deuˬ-aˬ, miˇ tsaˬ yuˇ-awˇ tehˆ taˬ-euˬ gʼaˬ-ahˇ duˇ-eu meh. Mˬ-ahˇ taꞈ-eu tsawˇ haˬ deuˬ-aˬ, mˬ-ahˇ neh oe-euˬ gʼaˬ-ahˇ duˇ-eu meh.

1 Gawˇliˬtu 2:14

Yaw sahˇ Miˬyehˇ maˬ za-euˬ tsawˇ haˬ aˬ geu gʼaˬ maˬ kaˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ za nya-a. Kʼoeˇ loꞈ-ehˇ gʼeh-eu tsawˇ haˬ-aˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ siˬ nya-ehˇ, aˬ yawꞈ-euˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, kʼoeˇ-aˬ, gaˇ dahˇ tsoeˬ-eu meh lehˇ guiˬ lahˬ saꞈ laˇ paw neh tehꞈ-ehˇ ehˇ tsehˆ nya-eu meh.

2 Gawˇliˬtu 10:3

Nga maꞈ-aˬ, miˇ tsaˬ kʼoeˇ taˆ jawˇ luꞈ-eu tsawˇ haˬ ngeuˇ ma. Ehˇ kʼawꞈ, miˇ tsaˬ shiˬ shaˬ jiˇ-ahˇ taꞈ-eu guiˇ deuˆ luꞈ-eu maˬ ngeuˇ.

Gaˬlaˬtiˆ 5:17

Aˬ jeˬ miˇ neh ehˇ naˇ, shiˬ shaˬ jiˇ nui kʼahˇ-aˬ, Yaw sahˇ Miˬyehˇ-ahˇ maˬ tsaˬ leˇ-ehˇ, Yaw sahˇ Miˬyehˇ kʼawꞈ, shiˬ shaˬ jiˇ nui kʼahˇ-ahˇ maˬ tsaˬ leˇ-a. Heu nyiˬ jeˬ-aˬ, tiˬ jeˬ tiˇ jeˬ muiˇ-eu miˇ neh, naw maꞈ yawˬ ha mˇ mawꞈ-eu jeˬ maˬ mˇ nya-a.

Eˇpeˇsu 5:9

Aˬ jeˬ miˇ neh ehˇ naˇ, yaw muiˬ yawˬ jeˬ na luꞈ, yaw tsaˬ yaw dawˇ yawˬ jeˬ na luꞈ hawˇ-eu, maˇ jawˆ ni gʼeh-eu yawˬ jeˬ na luꞈ, yaw shehꞈ laꞈ kʼoeˇ neh doˆ le-euˬ tehꞈ meh.

2 Beˬtuˆluˆ 2:10

Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.