Lormav 8:4 - Akha

⁴ Shiˬ shaˬ jiˇ nui noeˬ mehˬ nah maˬ caw teh-ehˇ, Yaw sahˇ Miˬyehˇ mehˬ nah caw teh-awˇ dehꞈ luꞈ-eu aˬ dui-euˬ laꞈ kʼoeˇ, Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ yaw tsaˬ yaw dawˇ jeˬ nui kʼahˇ tiˬ shiˇ byah laˇ nya ni, Miˬyehˇ kʼoeˇ loꞈ-ehˇ mˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqdui shiqshaq-euq maeqnan maq cantae-aer, muiq-eu Saflar-euq maeqnan cantae luf-eu ma. Khoermirnae, zanrdawq-euq lafkhoer ya’mr mae laer aertaq-euq tsaq-awr dawr-eu jeq aqdui-euq lafkhoer byanlarni, Miqyaer khoerlof-aer janr-euq mae.

Lormav 8:4 ပူးပေါင်းရင်းမြစ်များ

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Lormav 2:26

Baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ kʼawꞈ Zahˇ dawˬ kʼoꞈ dawˬ-ahˇ naˇ haˬ geuꞈ naˇ, maˬ yehˬ-euˬ kʼawꞈ, yehˬ-euˬ loꞈ-ehˇ Miˬyehˇ maˬ sawˇ nehˬ-aˇ loˇ.

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

2 Gawˇliˬtu 10:2

Ngaˇ naw maꞈ jawˇ gaˇ oe ngeh, nui ma huiˬ laˇ ni taˬ jahˇ nehˬ laꞈ. Nga maꞈ-ahˇ shiˬ shaˬ jiˇ-euˬ nui noeˬ mehˬ nah caw teh-awˇ dehꞈ-eu meh lehˇ ehˇ laˇ-eu deuˬ-euˬ mehˬ shi ngaˇ nui ma huiˬ-eu gaˇ kawˆ bi mawˇ ma lehˇ kʼaˬ duˬ ni ehˇ tsehˆ-eu ma.

2 Gawˇliˬtu 10:3

Nga maꞈ-aˬ, miˇ tsaˬ kʼoeˇ taˆ jawˇ luꞈ-eu tsawˇ haˬ ngeuˇ ma. Ehˇ kʼawꞈ, miˇ tsaˬ shiˬ shaˬ jiˇ-ahˇ taꞈ-eu guiˇ deuˆ luꞈ-eu maˬ ngeuˇ.

Gaˬlaˬtiˆ 5:16

Ngaˇ ehˇ mawꞈ-eu-aˬ, heu loꞈ-ehˇ ma. Yaw sahˇ Miˬyehˇ sheuˬ gʼeh-eu mehˬ nah caw teh-awˬ. Shiˬ shaˬ jiˇ nui kʼahˇ mehˬ nah taˬ iˇ.

Gawˇlawˇsehˇ 1:22

Ehˇ kʼawꞈ, naw maꞈ-ahˇ muiˬ-eu shawˇ-eu laꞈ kʼoeˇ iˬ baˇ taˬ kʼaˇ maˬ za ni Miˬyehˇ mehˬ shi bi sheuˬ keuˆ gʼeh-eu gʼaˇ duˬ, aˬ yawꞈ-euˬ Zaˬmaˇ-euˬ shiˬ shaˬ jiˇ gʼawˇ mawˇ bi shiˇ dah-eu laꞈ kʼoeˇ, naw maꞈ Miˬyehˇ-ahˇ tsaˬ leˇ dzoeˇ leˇ nya ni Miˬyehˇ jahˇ-euˬ meh.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Panmaeq 14:5

Aˬ yawꞈ maꞈ-aˬ, tiˬ jawˇ-iˬ jaˬ myawꞈ maˬ myawꞈ haw-ehˇ, iˬ baˇ taˬ kʼaˇ maˬ za-eu tsawˇ haˬ deuˬ meh.