Lormav 8:35 - Akha

³⁵ Yeˬsuˇ Ka liˬ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni, aˬ geu jeˬ laˆ pyaˆ laˇ nya ta. Shaˬ zahˬ mˇ-eu jeˬ loˇ. Noeˬ dui noeˬ duiˇ-eu jeˬ loˇ. Kʼehˬ-eu kʼaˆ-eu jeˬ loˇ. Mehꞈ-eu shuꞈ-eu jeˬ loˇ. Iˇ shaˬ shaˬ-eu jeˬ loˇ. Guˆ-eu gaˆ-eu jeˬ loˇ. Miˬ zaˬ mi cehˇ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aqsur ghaq, aqdui-anr Kali-euq gaq-eu jeq-anr nae lavghawqlar nya-eu la? Yadaq duidui-eu jeq, shaq-awr zanq-eu jeq, khaeq-awr khav-eu jeq, maef-awr shuf-eu jeq, nermyawvni yashaq-eu jeq, guv-awr gav-eu jeq hawr-eu mizaq micaer, heudeuq-a lor?

Lormav 8:35 ပူးပေါင်းရင်းမြစ်များ

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Dawˬ caˇ 3:4

Aˬ yawꞈ maꞈ jawˇ-eu iˇ dzeuˇ-eu nehˬ-ehˇ, ngaˇ gaˬ-eu gʼaˬ-ahˇ poˆ mawˇ-euˬ ma. Ngaˬ ma-euˬ nymˇ laꞈ kʼoeˇ ngaˇ dehꞈ le-euˬ kuˆ lawˆ-ahˇ, aˬ yawꞈ-ahˇ maˬ sheuˬ uˇ keuˆ kʼoeˇ keuˆ ni, maˬ pyehˬ nehˬ ni byaˇ cuꞈ taˬ-euˬ ma.

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Yoˇhaˬ 10:28

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ ngaˇ biꞈ-awˇ, aˬ yawꞈ maꞈ ti jawˇ-iˬ maˬ paˇ shiˇ meh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ ngaˬ-euˬ aˬ laꞈ laꞈ kʼoeˇ neh maˬ ceh doˆ geuꞈ nya-a.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Lormav 2:9

Yuˇdaˆ tsawˇ haˬ deuˬ-ahˇ neh aˇ dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni, maˬ muiˬ-eu jeˬ kʼaˇ mˇ-eu tsawˇ haˬ dawˬ tawˆ luꞈ, kʼehˬ-eu kʼaˆ-eu jeˬ hawˇ-eu shaˬ zahˬ naꞈ dui dui-eu jeˬ-ahˇ ya daˬ tehꞈ-a.

Lormav 8:17

Aˬ dui-aˬ, aˬ yawꞈ-euˬ zaˬ pyeuꞈ-eu miˇ neh, aˬ yawꞈ-euˬ jeˬ biˇ oꞈ-eu tsawˇ haˬ ma. Miˬyehˇ neh Ka li-ahˇ biꞈ-eu lehˇ lehˬ hmˬ taˬ-euˬ jeˬ biˇ kʼawꞈ, Ka li nehˬ-ehˇ tiˬ kawˆ loꞈ-ehˇ aˬ duiˬ za ma. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ Ka li nehˬ-ehˇ tiˬ kawˆ loꞈ-ehˇ aˬ dui daˬ naˇ, aˬ yawꞈ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ za tehꞈ-a.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

Lormav 8:39

Mˬ taˆ miˇ kʼahˬ maˬ ehˇ, miˇ oˆ miˇ kʼahˬ maˬ ehˇ, tiˬ jeˬ-iˬ maˬ laˆ pyaˆ laˇ nya-a. Kʼaˇ beh taˬ-euˬ jeˬ dawˬ tawˆ luꞈ laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni laˆ pyaˆ laˇ nya-eu tiˬ jeˬ-iˬ maˬ jaˆ-a. Gʼoeˇ-eu gaˬ-eu kʼoeˇ-aˬ, aˬ dui-euˬ Sahˬpaˬ Yeˬsuˇ Ka li baˬ da neh aˬ dui-euˬ pyeuꞈ tsehˆ tsehˆ-euˬ ma.

1 Gawˇliˬtu 4:11

Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

1 Gawˇliˬtu 4:12

Nga maꞈ gaˇ mˇ sehꞈ leꞈ miˇ-a. Nga maꞈ-ahˇ yaˬ kʼehˇ yaˬ laˇ gaˇ dawˬ ngehˬ gʼeh nehˬ-awˇ, nga maꞈ-ahˇ kʼehˬ laˇ kʼaˆ laˇ gaˇ oˇ oˇ-ehˇ daˬ-eu ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

2 Gawˇliˬtu 4:8

Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ.

2 Gawˇliˬtu 4:9

Kʼehˬ-eu kʼaˆ-eu jeˬ-ahˇ ya daˬ-euˬ ma. Ehˇ kʼawꞈ, cawˬ tiˬ gʼaˬ-iˬ maˬ baw ni bi byehˇ dzeh gaˇ maˬ keuˆ-aˬ siˬ. Diˬ lah nehˬ laꞈ gaˇ ya daˬ-euˬ ma. Ehˇ kʼawꞈ, shiˇ tsehˆ gaˇ maˬ keuˆ-aˬ siˬ.

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

2 Teˇsaˬloˇni 2:16

Aˬ dui-euˬ Sahˬpaˬ Yeˬsuˇ Ka li hawˇ-eu, aˬ myah luꞈ nui ma kʼaˬ duˬ ni gʼeh-awˇ noeˬ tmˬ-eu jeˬ laꞈ kʼoeˇ ziꞈ nya-eu guiˬ lahˬ yaw dzahˇ biꞈ laꞈ-eu gʼaˬ pyeuꞈ-eu aˬ dui-ahˇ gaˬ-eu Aˬda Miˬyehˇ,

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.