Lormav 8:31 - Akha

³¹ Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Heu-euq garkawv aqdui aqjox-aer aer nmr-mq? Miqyaer, aqdui jawr-eu paw pyawq nar-aq, aqdui-anr aqsur ghaq lavtsoeqlar nya-eu?

Lormav 8:31 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

1 Sahˬpaˬ 8:57

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ loꞈ-ehˇ, aˬ dui nehˬ-ehˇ kʼawꞈ jawˇ luꞈ-uˇ. Aˬ dui-ahˇ maˬ gʼawˬ-iˇ-eu uˬ taꞈ, aˬ dui-ahˇ maˬ byehˇ dzeh ni jawˇ luꞈ-uˇ.

2 Sahˬpaˬ 6:16

“Taˬ guˆ. Aˬ dui jawˇ paw jawˇ-eu deuˬ aˬ yawꞈ maꞈ myaˆ maˬ tseˇ myaˬ ma” lehˇ Eˇliˇshehˇ ehˇ-eu meh.

1 Laˬsaˬbaˬ 19:15

Suˇliˆ tsawˇ haˬ deuˬ cehˆ byaˆ gaˇ Aˬmoˬ tsawˇ haˬ deuˬ ya mawˇ ngeh, Aˬbiˇshaiˇ-ahˇ aˬ yawꞈ maꞈ guiˇ maˬ deuˆ ni, meuˬ laꞈ kʼoeˇ cehˆ gʼoꞈ uˇ leˇ-euˬ meh. Kʼoeˇ naˇ, Yoˇbaˬ Yeˬluˇsaˬlehˬ meuˬ-ahˇ gʼoꞈ leˇ-euˬ meh.

1 Laˬsaˬbaˬ 5:22

Muiˇ-eu deuˬ gʼawˬ mya ni aˬ yawꞈ maꞈ sehꞈ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ loꞈ-ehˇ guiˇ deuˆ-euˬ gaˇ Miˬyehˇ nui ma tsaˬ-eu meh. Kʼoeˇ naˇ, aˬ cawˬ neh Iˇsaˬleˬlaˆ tsawˇ jeuˬ-ahˇ nyehꞈ byoˆ gʼeh-euˬ aˇ yamˬ maˬ keuˆ laˇ kʼoeˇ keuˆ ni, miˇ kʼahˬ kʼoeˇ kʼahˬ-ahˇ aˬ yawꞈ maꞈ jawˇ-euˬ meh.

Jaceuq 118:6

Sahˬpaˬ Miˬyehˇ ngaˬ nehˬ-ehˇ jawˇ-eu miˇ neh, ngaˇ maˬ guˆ. Aˬ suˇ gʼaˬ ngaˬ-ahˇ aˬ jeˬ paˇ jahˇ laˇ nya ta.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 56:11

Aˬ yawꞈ-ahˇ ngaˇ gʼoe-awˇ maˬ guˆ ni dehꞈ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 56:4

Miˬyehˇ-ahˇ ngaˇ gʼoe-awˇ guˆ-eu nui ma maˬ ahˇ, aˬ yawꞈ neh saˇ jaˇ dzaˬ taˬ-euˬ jeˬ baˬ da neh, aˬ yawꞈ-ahˇ ngaˇ ja ceuˬ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 56:9

Ngaˇ nawˬ-ahˇ kuˇ ngeh nah, muiˇ-eu deuˬ cehˆ gʼoꞈ jiˇ tehꞈ-a. Miˬyehˇ ngaˇ jawˇ paw pyawˬ-eu ngaˇ siˬ nya ma.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 20:11

Ehˇ kʼawꞈ, baoˬ huiˬ-awˇ gʼaˬ kʼaˆ-eu Sahˬpaˬ Miˬyehˇ nawˇ-aˬ, ngaˇ jawˇ paw pyawˬ luꞈ-eu miˇ neh, ngaˬ-ahˇ kʼehˬ-eu tsawˇ haˬ deuˬ sahˬ tiꞈ tiꞈ coˬ-awˇ, ngaˬ-ahˇ maˬ gʼaˬ laˇ ni smˬ-iˇ tehꞈ-a. Aˬ yawꞈ maꞈ smˬ-iˇ-euˬ miˇ neh, mˬ maˬ maˬ byaˆ zaˇ ziˇ ya shaꞈ dawˇ-awˇ, maˬ ngehˇ leˇ coeˇ gaˇ keuˆ tsawˇ myahˇ ya cawˆ tehꞈ-a.

Yeˬlaˬmiˇ 42:11

Baˬbuˇloˬ sahˬ paˬ-ahˇ guˆ-eu nui ma taˬ paˇ bi ahˇ. Naw maꞈ nehˬ-ehˇ ngaˇ jawˇ-awˇ, aˬ yawꞈ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ nehˬ ma.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Lormav 3:5

Aˬ dui yaw lehˬ jeˬ mˇ-euˬ kʼoeˇ-aˬ, Miˬyehˇ yaw tsaˬ jeˬ mˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui-ahˇ kʼehˬ nehˬ kʼaˆ nehˬ laꞈ ngeh, aˬ yawꞈ yaw lehˬ jeˬ mˇ-eu meh lehˇ aˬ dui ehˇ nmˇ loˇ. (Heu-aˬ, tsawˇ haˬ zaˬ naˇ haˬ tseˇ mawꞈ-eu dawˬ tiˬ dawˬ meh.)

Lormav 4:1

Aˬ dui tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Aˬbyaˬhaˬ gaˇ kawˆ aˬ joˆ-ehˇ ehˇ nmˇ.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

1 Saˬmeuˬlaˆ 14:6

Aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ Yawˇnaˆshaˬ ehˇ nehˬ-eu, “Sahˬpaˬ Miˬyehˇ-ahˇ maˬ siˬ nya-eu Piˇliˇtiˆ tsawˇ haˬ kʼoeˇ deuˬ-euˬ taˆ-ahˇ aˇ nyaꞈ le tsehˆ haw kaˇ-euˇ. Sahˬpaˬ Miˬyehˇ aˇ nyaꞈ-ahˇ caw ba nehˬ laꞈ-eu duˇ. Aˬ dui-euˬ tsawˇ haˬ aˇ naˆ ni cuiˆ kʼawꞈ, aˬ yawꞈ caw ba nehˬ laꞈ-awˇ, aˬ dui gʼaˬ leˇ ni aˬ yawꞈ jahˇ naˇ, tiˬ jeˬ-iˬ maˬ laˆ tsoeˬ nya-aˇ.”