Lormav 8:3 - Akha

³ Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Shiqshaq-euq baqda’nae zanrdawq ghaq byaev-eu mirnae, maq mrnya-eu jeq-anr Miqyaer nae mr-euq mae. Iqbax bi shadzae-eu laer Miqyaer, aqyawf-euq Zaqyo-anr iqbaxzaq lof-aer shiqshaq pi-awr bi’oe-awr, shiqshaq-euq lafkhoer anr-eu iqbax-anr yarkhaq darnaeq-euq mae.

Lormav 8:3 ပူးပေါင်းရင်းမြစ်များ

Bawˇtsahˬ 21:9

Kʼoeˇ ngeh, Moˇseˬ guiˬ shuiˇ aˇ lawˇ mawˇ kawˇ tehˆ-awˇ, daˇ kawˬ ka tuˇ-awˇ bi ceuˬ-euˬ meh. Aˇ lawˇ bi toˆ-euˬ tsawˇ haˬ deuˬ kʼoeˇ gaˇ haw ngeh, taˬ leˇ-euˬ meh.

Bawˇtsahˬ 28:22

Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ lawˇ-awˇ, Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ jahˇ-awˬ.

Maˬkuˆ 15:27

Tahˇ joeˬ nyiˬ gʼaˬ-ahˇ kʼawꞈ, aˬ yawꞈ nehˬ-ehˇ tiˬ kawˆ loꞈ-ehˇ, aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ taˬ-euˬ meh.

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 9:24

Dehꞈ le ngeh neh myaˆ behꞈ behꞈ-euˬ tsawˇ haˬ kʼoeˇ gʼaˬ-ahˇ aˬ yawꞈ maꞈ tiˬ poˆ paˇ kuˇ-awˇ ehˇ nehˬ-eu, “Nawˇ dawˇ coe ni ehˇ ma lehˇ Miˬyehˇ mehˬ shi kamˬ-awˬ. Nawˬ-ahˇ myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ iˬ baˇ zaˬ meh lehˇ nga maꞈ siˬ nya ma.”

Gʼaˬkʼehˇ 13:39

Moˇseˬ-euˬ Zahˇ dawˬ kʼoꞈ dawˬ neh maˬ bi buˬ-iˇ nya-eu yawˬ jeˬ na luꞈ laꞈ kʼoeˇ, jah-eu tsawˇ haˬ deuˬ Yeˬsuˇ baˬ da neh buˬ-iˇ nya meh.

Lormav 3:20

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

Lormav 6:6

Aˬ dui-euˬ iˬ baˇ mˇ-eu nui ma yaw oeˇ siˬ-euˬ baoˬ-ahˇ laˆ cawˆ-awˇ, iˬ baˇ-euˬ zaˬ kʼaˆ maˬ paˇ ya geuꞈ-eu gʼaˇ duˬ aˬ dui yaw dehꞈ dehꞈ-eu yaw oeˇ hmˬ Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma lehˇ aˬ dui siˬ nya ma.

Lormav 7:18

Shiˬ shaˬ jiˇ-euˬ nui noeˬ pi luꞈ-eu ngaˬ-euˬ gʼawˇ mawˇ heu laꞈ kʼoeˇ yaw muiˬ jeˬ maˬ ahˇ nya lehˇ ngaˇ siˬ nya ma. Aˬ jeˬ miˇ neh ehˇ naˇ, yaw muiˬ jeˬ mˇ mawꞈ-eu nui ma ahˇ luꞈ kʼawꞈ, kʼoeˇ loꞈ-ehˇ maˬ mˇ nya nya.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Gaˬlaˬtiˆ 3:21

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ Miˬyehˇ neh dzaˬ taˬ-euˬ saˇ jaˇ-ahˇ laˆ cawˆ ta loˇ. Maˬ ngeuˇ-a. Aˬ jeˬ miˇ neh ehˇ naˇ, dehꞈ-eu jeˬ biꞈ laꞈ nya-eu zahˇ dawˬ kʼoꞈ dawˬ-ahˇ tsawˇ haˬ zaˬ deuˬ za taˬ-euˬ ngeuˇ naˇ, zahˇ dawˬ kʼoꞈ dawˬ kʼoeˇ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ nya tehꞈ-a.

Piˇliˇpiˆ 2:7

Dawˬ tawˆ luꞈ byehˇ dzeh yaꞈ jiˇ-awˇ, zaˬ kʼaˆ tiˬ gʼaˬ loꞈ-ehˇ oe-awˇ, tsawˇ haˬ loꞈ-ehˇ dehꞈ le-euˬ meh.

HeˬByehˇ 10:12

Ka li-aˬ, iˬ baˇ shawˇ-eu gʼaˇ duˬ tiˬ poˆ tehꞈ-ehˇ lawˇ-euˬ kʼawꞈ, mˬ maˬ maˬ byaˆ zaˇ ziˇ gmˬ-eu lawˇ-eu jeˬ pyeuꞈ-awˇ, nymˬ-mˇ Miˬyehˇ-euˬ aˇ maˇ paw nuiˇ luꞈ-eu meh.

HeˬByehˇ 10:14

Aˬ yawꞈ tiˬ poˆ tehꞈ-ehˇ lawˇ-euˬ laꞈ kʼoeˇ, i baˇ shawˇ-iˇ-euˬ tsawˇ haˬ deuˬ mˬ maˬ maˬ byaˆ zaˇ ziˇ byah-eu tsawˇ haˬ pyeuꞈ ni mˇ luiˆ jiˇ-euˬ meh.

HeˬByehˇ 2:14

Aˬ yawꞈ neh aˬ yawꞈ-euˬ zaˬ deuˬ lehˇ kuˇ-euˬ kʼoeˇ deuˬ-aˬ, shiˬ shaˬ jiˇ pi luꞈ-eu tsawˇ haˬ pyeuꞈ-eu loꞈ-ehˇ, Yeˬsuˇ kʼawꞈ aˬ yawꞈ maꞈ-ahˇ duˇ leˇ-awˇ, aˬ yawꞈ maꞈ loꞈ-ehˇ shiˬ shaˬ jiˇ pi luꞈ-eu tsawˇ haˬ pyeuꞈ-eu meh. Aˬ yawꞈ kamˇ shiˇ-eu laꞈ kʼoeˇ, tsawˇ haˬ zaˬ-ahˇ bi shiˇ nya-eu baoˬ jaˆ-eu Nehꞈ sahˬ paˬ-ahˇ laˆ luꞈ laˆ seˇ-eu gʼaˇ duˬ, aˬ yawꞈ kʼoeˇ loꞈ-ehˇ pyeuꞈ le-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.