Lormav 8:26 - Akha

²⁶ Kʼoeˇ gaˇ duˇ ni, aˬ dui gʼaˬ baˬ-eu miˇ neh Yaw sahˇ Miˬyehˇ caw ba le-euˬ meh. Aˬ dui guiˬ lahˬ aˬ joˆ-ehˇ ya shaˇ-eu gaˇ kawˆ aˬ dui maˬ siˬ nya-eu miˇ neh, Yaw sahˇ Miˬyehˇ aˬ dui-euˬ dah zaˇ kʼaˬ meh neh maˬ ja mehˬ nya-eu jeˬ mahˇ mahˇ-ehˇ Miˬyehˇ-ahˇ shaˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Khoerlof-aer durni, aqdui ghaq baq ngae, muiq-eu Saflar cawba naeqlaf-eu mae. Aqdui guiqlanq aqjox-aer shar-eu tsaq-eu la laer maq siqnya-eu khawf, muiq-eu Saflar, dawq maq ngaeqdovlaf nya-eu jeq manrmanr-aer aqdui-euq gharduq guiqlanq shardan-eu mae.

Lormav 8:26 ပူးပေါင်းရင်းမြစ်များ

Yawˇbaˆ 37:19

Miˬyehˇ-ahˇ aˬ joˆ-ehˇ ya ngehˬ cawˬ-eu nga maꞈ-ahˇ mehˬ nehˬ laꞈ-awˬ. Nga maꞈ-euˬ nui ma laꞈ kʼoeˇ aˬ joˆ-ehˇ ya ngehˬ ya tmˇ-eu maˬ shaˇ noeˬ doˆ nya nya.

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

Jaceuq 102:20

Paꞈ kuˆ-ahˇ bi nyehꞈ uˇ taˬ-euˬ deuˬ mahˇ gaˇ aˬ yawꞈ gaˬ-awˇ, biˬ sehꞈ-eu lehˇ gʼeh-eu deuˬ-ahˇ pyehˬ nehˬ-eu meh.

Jaceuq 102:5

Ngaˇ yaw kʼaˆ-ehˇ mahˇ mahˇ-ehˇ jawˇ-eu miˇ neh shaˬ yoeˬ kʼoeˇ taˆ baˆ kʼoˆ tsoꞈ-eu tehꞈ miˇ-a.

Jaceuq 6:3

Ngaˬ-euˬsaꞈlaˇ shaˬzahˬnaꞈ nya. Sahˬpaˬ Miˬyehˇ-oˇ nawˇngaˬ-ahˇ, aˬmyah caw ba le-eu gʼeh te.

Jaceuq 6:9

Ngaˬ-euˬguiˬlahˬshaˇdawˬgaˬ-awˇ, shaˇdawˬ naˇhaˬnehˬlaꞈ-euˬmeh.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Ngoeˇ dawˬ 3:56

Caw ba nehˬ laꞈ lehˇ ngaˇ shaˇ gaˇ, nawˬ-euˬ naˬ bawˇ ciˬ kʼmˇ-euˬ meh.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Maꞈtehˬ 10:20

Aˬ jeˬ miˇ neh ehˇ naˇ, naw maꞈ ya ngehˬ ya tmˇ-eu dawˬ deuˬ-aˬ, naw maꞈ-euˬ dawˬ maˬ ngeuˇ-a. Naw maꞈ-euˬ Aˬda neh kʼehˇ gʼeh leꞈ-euˬ Yaw sahˇ Miˬyehˇ naw maꞈ laꞈ kʼoeˇ jawˇ-awˇ ngehˬ-eu dawˬ pyeuꞈ-eu meh.

Maꞈtehˬ 20:22

Aˬ nyaꞈ nmˇ-ahˇ Yeˬsuˇ ehˇ nehˬ-eu, “Naw nyaꞈ nmˇ shaˇ-eu jeˬ-ahˇ naw nyaꞈ nmˇ maˬ siˬ nya-a. Ngaˇ dawˇ-eu lehˇ gʼeh-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇ dawˇ coeˇ ma loˇ.” Aˬ nyaꞈ nmˇ ehˇ-eu, “Dawˇ coeˇ ma.”

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Yoˇhaˬ 14:16

Ngaˇ Aˬda-ahˇ shaˇ-awˇ, naw maꞈ nehˬ-ehˇ aˬ myah luꞈ bi jawˇ-eu gʼaˇ duˬ Caw ba-eu gʼaˬ bi biꞈ leꞈ ma.

Lormav 15:1

Aˬ dui jah-eu gʼaˬ kʼaˆ-eu tsawˇ haˬ deuˬ-aˬ, gʼaˬ baˬ-eu deuˬ-euˬ kʼaˆ behˆ caw pi nehˬ-eu tsaˬ meh. Aˬ dui gʼaˇ duˬ muiˬ ni mˇ-eu maˬ tsaˬ-a.

Lormav 7:24

Ngaˬ-ahˇ shaˬ zahˬ naꞈ dui dui nya. Ngaˬ-ahˇ shiˇ gaˇ sheuˬ gʼeh luꞈ-eu ngaˬ-euˬ gʼawˇ mawˇ heu mawˇ laꞈ kʼoeˇ ngaˬ-ahˇ ka kʼoꞈ nehˬ laꞈ-eu aˬ suˇ gʼaˬ jawˇ ta. Miˬyehˇ jawˇ meh.

Lormav 8:15

Aˬ jeˬ miˇ neh ehˇ naˇ, Miˬyehˇ neh naw maꞈ-ahˇ biꞈ-euˬ Yaw sahˇ Miˬyehˇ-aˬ, naw maꞈ-ahˇ zaˬ kʼaˆ maˬ bi geuꞈ-eu uˬ taꞈ, naw maꞈ guˆ-iˇ ni maˬ jahˇ-a. Naw maꞈ Miˬyehˇ-euˬ zaˬ pyeuꞈ laˇ ni jahˇ-eu meh. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ Miˬyehˇ-ahˇ “Aˬda-oˇ, ngaˬ Da-oˇ” lehˇ aˬ dui kuˇ-eu ma.

2 Gawˇliˬtu 5:2

Nymˬ-mˇ aˬ dui mehˬ tsoeˬ dm daˆ-eu loꞈ-ehˇ, mˬ taˆ-euˬ nymˇ kʼoeˇ-ahˇ dm mawꞈ dui dui-eu miˇ neh mahˇ mahˇ-ehˇ shaˬ-eu laꞈ kʼoeˇ noeˬ tmˬ luꞈ ma.

2 Gawˇliˬtu 5:4

Miˇ tsaˬ heu kʼoeˇ taˆ jaˆ-eu yaˇ cmˇ laꞈ kʼoeˇ aˬ dui kʼaˆ behˆ kah-eu miˇ neh mahˇ luꞈ ma. Ehˇ kʼawꞈ, miˇ tsaˬ shiˬ shaˬ jiˇ gʼawˇ mawˇ heu-ahˇ lehˆ dzeh mawꞈ-eu miˇ neh mahˇ-eu maˬ ngeuˇ. Buꞈ-iˇ cehˇ-iˇ nya-eu jeˬ-ahˇ maˬ buꞈ maˬ cehˇ-iˇ nya-eu jeˬ neh bi myoꞈ ahˇ-eu gʼaˇ duˬ, mˬ taˆ-euˬ nymˇ dm daˆ mawꞈ-eu miˇ neh mahˇ-eu ma.

Gaˬlaˬtiˆ 4:6

Naw maꞈ Miˬyehˇ-euˬ zaˬ pyeuꞈ-eu gaˇ kawˆ bi siˬ bi mawˇ-eu gʼaˇ duˬ, “Aˬ da-oˇ, ngaˬ Da-oˇ” lehˇ aˬ dui-ahˇ bi guˇ laꞈ-euˬ aˬ yawꞈ-euˬ Zaˬmaˇ-euˬ Yaw sahˇ kʼoeˇ, aˬ dui-euˬ nui ma laꞈ kʼoeˇ Miˬyehˇ neh bi uˇ le-euˬ meh.

Eˇpeˇsu 2:18

Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, aˬ dui dawˬ tawˆ luꞈ nui ma tiˬ siˬ tehꞈ-ehˇ taˬ-awˇ Miˬyehˇ jawˇ gaˇ jiˆ uˇ laˇ nya-eu heu-aˬ, Ka li baˬ da neh meh.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

HeˬByehˇ 5:2

Aˬ yawꞈ kʼawꞈ, gʼaˬ baˬ duˬ gʼawˬ mya ni jaˆ-eu loꞈ-ehˇ, maˬ siˬ nya-ehˇ mˇ lehˬ shaˇ lehˬ-euˬ deuˬ kʼoeˇ taˆ nui ma nahˬ yu ni taˬ nya-eu meh.

Yaˬkoˆ 4:3

Naw maꞈ paˇ shaˇ-euˬ kʼawꞈ, nui ma taˬ-euˬ maˬ tsaˬ-eu miˇ neh maˬ shaˇ za nya-a. Shiˬ shaˬ jiˇ-euˬ nui kʼahˇ geuꞈ-eu gʼaˇ duˬ naw maꞈ shaˇ-eu meh.