Lormav 8:20 - Akha

²⁰ Kʼaˇ beh taˬ-euˬ yawˬ jeˬ na luꞈ, laˆ cawˆ-eu jeˬ-ahˇ ya daˬ-eu meh. Ehˇ kʼawꞈ, aˬ yawˇ yawꞈ kʼoeˇ loꞈ-ehˇ ya daˬ-eu maˬ ngeuˇ-a. Miˬyehˇ nui ma tsaˬ-eu miˇ neh kʼoeˇ loꞈ-ehˇ pyeuꞈ luꞈ-eu meh. Ehˇ kʼawꞈ, noeˬ tmˬ duˬ heu loꞈ-ehˇ jaˆ-a siˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khar baetaq-euq jeq yawqngaef-euq uqmov jawrluf-eu mae. Khoerlof-aer jawrmawf-awr jawr-eu maqngeur-a. Khoerlof-aer bijawr-euq ghaq, noeqtmq-eu jeq-euq uqmov bijawr-euq mirnae jawrluf-eu mae.

Lormav 8:20 ပူးပေါင်းရင်းမြစ်များ

Aˇ dahˬ 5:29

Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ lehˇ myahˇ nehˬ-euˬ meh.

Aˇ dahˬ 6:13

Noˇaˬ-ahˇ Miˬyehˇ ehˇ nehˬ-eu, “Tsawˇ haˬ dawˬ tawˆ luꞈ bi shiˇ jiˇ-awˇ, ziˇ dahˬ bi dahˬ-iˇ ma lehˇ ngaˇ noeˬ tsehˆ taˬ-euˬ ma. Aˬ yawꞈ maꞈ dawˬ tawˆ luꞈ piˬ-iˇ byoˆ-iˇ jiˇ ngeh keuˆ ni, ngaˇ jahˇ nehˬ ma. Aˬ jeˬ miˇ neh ehˇ naˇ, miˇ kʼahˬ kʼahˬ lah ni aˬ yawꞈ maꞈ neh yaw haiˬ jeˬ mˇ byah jiˇ taˬ-euˬ meh.

Jaceuq 39:5

Nawˬneh bi dehꞈlaꞈ-euˬaˇyamˬ, laꞈzaˬtiˬdaˬbyah-eu tehꞈmeh. Ngaˬ-euˬziˇheu nawˬ-euˬmehˬshi, tiˬpawꞈ-iˬ ehˇnyaꞈmaˬnyeuˆ-a. Tsawˇhaˬzaˬdehꞈ-eu aˇyamˬ-aˬ, saꞈgʼawˇka-eu myah ni gmˬ-awˇ,

Dawˬ tsoˆ 1:2

Dawˬ mehˬ dawˬ tsoˆ tsoˆ-eu gʼaˬ ehˇ-eu, Yawꞈ ngehꞈ meh. Yawꞈ ngehꞈ meh. Yaw dehꞈ dehꞈ-eu jeˬ-aˬ, tiˬ pawꞈ-iˬ gaˇ dahˇ maˬ tsoeˬ-a. Maˇ maˇ ni gaˇ dahˇ maˬ tsoeˬ-a.

Yeˬlaˬmiˇ 12:11

Miˇ kʼahˬ kʼoeˇ-ahˇ kʼaˇ shuiꞈ deh yaˇ bi pyeuꞈ-iˇ-awˇ, ngaˬ-euˬ mehˬ shi yaw cawˆ-ehˇ jaˆ-eu meh. Miˇ kʼahˬ kʼahˬ lah kʼaˇ shuiꞈ deh pyeuꞈ-iˇ-awˇ, tsawˇ haˬ tiˬ gʼaˬ-iˬ myaˆ haw maˬ cawˬ-a.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Hawˇseˬ 4:3

Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Yawˇlaˆ 1:18

Gaˆ dzaˬ kʼaˇ maˬ za-eu miˇ neh, mawˇ neˇ deuˬ mahˇ mahˇ-ehˇ jawˇ-awˇ, yawˇ deuˬ tsoˆ leˇ-awˇ jawˇ-eu meh.

Lormav 8:22

Kʼaˇ beh taˬ-euˬ yawˬ jeˬ na luꞈ iˬ nah keuˆ ni shaˬ zahˬ naꞈ-awˇ, zaˬ baw ngeh naˇ-eu miˇ neh mahˇ-eu loꞈ-ehˇ ya mahˇ luꞈ-eu aˬ dui siˬ nya-eu ma.

Lormav 8:24

A dui-euˬ noeˬ tmˬ-eu jeˬ baˬ da neh, ka kʼoꞈ-eu jeˬ za-euˬ ma. Noeˬ tmˬ-eu jeˬ-ahˇ ya mawˇ gʼaˬ shaw naˇ, kʼoeˇ-aˬ, noeˬ tmˬ-eu jeˬ maˬ paˇ ngeuˇ meh. Ya mawˇ luꞈ-eu jeˬ-ahˇ noeˬ tmˬ-eu aˬ suˇ gʼaˬ jawˇ ta.