Lormav 8:15 - Akha

¹⁵ Aˬ jeˬ miˇ neh ehˇ naˇ, Miˬyehˇ neh naw maꞈ-ahˇ biꞈ-euˬ Yaw sahˇ Miˬyehˇ-aˬ, naw maꞈ-ahˇ zaˬ kʼaˆ maˬ bi geuꞈ-eu uˬ taꞈ, naw maꞈ guˆ-iˇ ni maˬ jahˇ-a. Naw maꞈ Miˬyehˇ-euˬ zaˬ pyeuꞈ laˇ ni jahˇ-eu meh. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ Miˬyehˇ-ahˇ “Aˬda-oˇ, ngaˬ Da-oˇ” lehˇ aˬ dui kuˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

Lormav 8:15 ပူးပေါင်းရင်းမြစ်များ

Doˆ-iˇ 20:19

Kʼoeˇ ngeh, Moˇseˬ-ahˇ aˬ yawꞈ maꞈ ehˇ nehˬ-eu, “Nawˬ-euˬ gʼawˇ mawˇ nga maꞈ-ahˇ dawˬ ngehˬ cawˬ naˇ, nga maꞈ naˇ haˬ ma. Ehˇ kʼawꞈ, Miˬyehˇ nga maꞈ-ahˇ dawˬ ngehˬ cawˬ laˇ naˇ, nga maꞈ shiˇ laˇ gaˇ guˆ-eu miˇ neh, maˬ naˇ haˬ peuˬ nya.”

Iˇsaˬyaˇ 56:5

Zaˬ jawˇ-eu naˆ maˬ tseˇ muiˬ-eu tsawˇ myahˇ biꞈ-awˇ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, mˬ maˬ maˬ byaˆ zaˇ ziˇ maˬ ngehˇ ni bi jaˆ ma.

Yeˬlaˬmiˇ 3:19

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˬ-ahˇ ngaˬ-euˬ aˬ li bi geuꞈ mawꞈ-awˇ, miˇ tsaˬ kʼoeˇ taˆ aˬ cawˬ naˆ maˬ tseˇ muiˬ dzehˬ-eu, nui saˇ za-eu miˇ kʼahˬ nawˬ-ahˇ biꞈ mawꞈ-eu ma. Nawˇ ngaˬ-ahˇ aˬ da kuˇ-awˇ, maˬ gʼawˬ-iˇ ni bi dehꞈ mawꞈ nya.

Bawˇtsahˬ 17:12

Iˇsaˬleˬlaˆ tsawˇ haˬ deuˬ Moˇseˬ-ahˇ ehˇ-eu, “Nga maꞈ heu loꞈ-ehˇ ziˇ ya jiˇ meh loˇ.

Maꞈtehˬ 25:25

Nawˬ-ahˇ ngaˇ guˆ-eu miˇ neh, nawˬ-euˬ pyuˇ miˇ tsaˬ-ahˇ duˬ pahˬ taˬ-euˬ ma. Hehˬ. Nawˬ-euˬ myawˬ nawˇ yuˇ kʼoꞈ-awˬ.’

Maˬkuˆ 14:36

“Aˬda-oˇ. Ngaˬ Da-oˇ. Nawˇ maˬ mˇ nya-eu tiˬ jeˬ-iˬ maˬ jaˆ-a. Shaˬ zahˬ naꞈ dui dui-eu kʼmˬ maˬ heu kʼmˬ-ahˇ bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ laꞈ. Nawˬ-euˬ nui noeˬ bi pyeuꞈ-awˬ.”

Luˇkaꞈ 11:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ. Nawˬ-euˬ Miˇ kʼahˬ keuˆ le luꞈ-uˇ.

Luˇkaꞈ 22:42

“Aˬ da-oˇ, nawˇ nui ma tsaˬ naˇ shaˬ zahˬ naꞈ dui dui-eu kʼmˬ maˬ heu kʼmˬ-ahˇ bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ laꞈ. Nawˬ-euˬ nui noeˬ bi pyeuꞈ-awˬ.”

Luˇkaꞈ 8:28

Tsawˇ haˬ kʼoeˇ gʼaˬ Yeˬsuˇ-ahˇ ya mawˇ ngeh, guˇ guˇ-ehˇ Yeˬsuˇ-euˬ mehˬ shi ga byaˆ-awˇ, “Huiˬ dui Mahˇ dui dui-eu Miˬyehˇ-euˬ Zaˬmaˇ pyeuꞈ-eu Yeˬsuˇ-oˇ, nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ taˬ kʼaˆ nehˬ laꞈ lehˇ nawˬ-ahˇ shaˇ-eu ma” lehˇ, guˇ guˇ-ehˇ ehˇ-eu meh.

Luˇkaꞈ 8:37

Miˇ kʼahˬ kʼoeˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ guˆ dui dui-awˇ, Yeˬsuˇ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ neh doˆ-iˇ nehˬ laꞈ lehˇ shaˇ-eu meh. Kʼoeˇ ngeh, Yeˬsuˇ lawˬ dziˬ-awˇ doˆ-iˇ-euˬ meh.

Yoˇhaˬ 16:8

Aˬ yawꞈ oe ngeh, iˬ baˇ gaˇ kawˆ maˬ ehˇ, yaw tsaˬ yaw dawˇ jeˬ gaˇ kawˆ maˬ ehˇ, Miˬyehˇ yaˇ kʼaˬ daˇ-eu gaˇ kawˆ maˬ ehˇ, miˇ tsaˬ zaˬ deuˬ jah lehˬ-eu meh lehˇ aˬ yawꞈ saˇ kiˇ kamˬ tehꞈ-a.

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Gʼaˬkʼehˇ 16:29

Kʼoeˇ ngeh, tawˬ-ahˇ haw-eu kʼoeˇ gʼaˬ miˬ dzaˬ keuˬ leꞈ-awˬ lehˇ guˇ-awˇ, tawˬ laꞈ kʼoeˇ cehˆ uˇ gʼeh-awˇ, guˆ-awˇ yaw dzuˬ dzuˬ-eu laꞈ kʼoeˇ Pawˇluˆ hawˇ-eu Siˬlaˆ aˬ nyaꞈ-euˬ aˬ kuiˇ dawˬ peh pawˬ tsuiꞈ pawˬ dmˬ ga dmˬ-euˬ meh.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Lormav 8:16

Aˬ dui Miˬyehˇ-euˬ zaˬ pyeuꞈ-eu gaˇ kawˆ, Yaw sahˇ Miˬyehˇ hawˇ-eu aˬ dui-euˬ saꞈ laˇ tiˬ kawˆ loꞈ-ehˇ saˇ kiˇ kamˬ-eu meh.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

Lormav 8:26

Kʼoeˇ gaˇ duˇ ni, aˬ dui gʼaˬ baˬ-eu miˇ neh Yaw sahˇ Miˬyehˇ caw ba le-euˬ meh. Aˬ dui guiˬ lahˬ aˬ joˆ-ehˇ ya shaˇ-eu gaˇ kawˆ aˬ dui maˬ siˬ nya-eu miˇ neh, Yaw sahˇ Miˬyehˇ aˬ dui-euˬ dah zaˇ kʼaˬ meh neh maˬ ja mehˬ nya-eu jeˬ mahˇ mahˇ-ehˇ Miˬyehˇ-ahˇ shaˇ-eu meh.

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

1 Gawˇliˬtu 2:12

Aˬ dui-aˬ, miˇ tsaˬ heu-euˬ yaw sahˇ za taˬ-euˬ maˬ ngeuˇ. Miˬyehˇ neh aˬ dui-ahˇ kʼaˇ biꞈ laꞈ-euˬ jeˬ-ahˇ aˬ dui siˬ nya jiˇ ni, Miˬyehˇ neh kʼehˇ gʼeh leꞈ-euˬ Yaw sahˇ Miˬyehˇ za taˬ-euˬ ma.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

Gaˬlaˬtiˆ 2:4

Tiˬ paˆ na deuˬ-aˬ, aˬ yawꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh. Tsawˇ haˬ kʼoeˇ deuˬ Ka li-ahˇ jah-eu tsawˇ haˬ jahˇ geuꞈ-awˇ, nga maꞈ-euˬ aˇ muˇ laꞈ kʼoeˇ uˇ kʼoeˬ laˇ-awˇ, Yeˬsuˇ Ka li laꞈ kʼoeˇ nga maꞈ Zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh ni mˇ nya shaˇ nya-eu a kawˬ-aˬ za taˬ-euˬ gaˇ kawˆ-ahˇ kʼoeˬ sho haw laˇ-euˬ meh. Aˬ yawꞈ maꞈ-aˬ, nga maꞈ-ahˇ Zahˇ dawˬ kʼoꞈ dawˬ-euˬ zaˬ kʼaˆ bi geuꞈ mawꞈ-eu meh.

Gaˬlaˬtiˆ 5:1

Aˬ dui buˬ-iˇ-euˬ tsawˇ haˬ pyeuꞈ laˇ ni, Ka li neh aˬ dui-ahˇ bi buˬ-iˇ laꞈ-euˬ meh. Kʼoeˇ miˇ neh, buˬ-iˇ-euˬ tsawˇ haˬ loꞈ-ehˇ ziꞈ dah ni jawˇ-awˬ. Zaˬ kʼaˆ taˬ paˇ geuꞈ.

Eˇpeˇsu 1:5

Miˬyehˇ aˬ dui-ahˇ gaˬ-eu miˇ neh, Yeˬsuˇ Ka li-ahˇ gʼoe-awˇ aˬ dui-ahˇ aˬ yawꞈ-euˬ zaˬ deuˬ bi pyeuꞈ laˇ-eu gʼaˇ duˬ noeˬ tsehˆ taˬ-euˬ meh. Kʼoeˇ loꞈ-ehˇ bi pyeuꞈ laˇ-eu gʼaˇ duˬ aˬ yawꞈ laˬ kʼaˬ cehˇ-awˇ noeˬ tmˬ taˬ-euˬ meh.

2 Tiˆmoˇseˬ 1:7

Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ Yaw sahˇ-aˬ, aˬ dui-euˬ nui ma bi baˬ-iˇ-eu maˬ ngeuˇ-a. Yaw sahˇ kʼoeˇ-aˬ, aˬ dui-euˬ nui ma laꞈ kʼoeˇ, baoˬ maˬ ehˇ, gʼoeˇ-eu gaˬ-eu jeˬ maˬ ehˇ, yawˬ ha-euˬ nui ma-ahˇ gʼaˬ leˇ-eu jeˬ maˬ ehˇ, bi ahˇ laˇ-eu meh.

HeˬByehˇ 2:15

Kʼoeˇ loꞈ-ehˇ mˇ-eu laꞈ kʼoeˇ, tiˬ ziˇ jiˇ tiˬ yehˆ juˬ ni shiˇ gaˇ guˆ-eu jeˬ-euˬ zaˬ kʼaˆ ya geuꞈ luꞈ-eu tsawˇ haˬ zaˬ deuˬ-ahˇ, aˬ yawꞈ bi buˬ bi law-iˇ-euˬ meh.

Yaˬkoˆ 2:19

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.

1 Yoˇhaˬ 4:18

Gʼoeˇ-eu gaˬ-eu jeˬ laꞈ kʼoeˇ, guˆ-eu jeˬ maˬ ahˇ-a. Byah-eu gʼoeˇ-eu gaˬ-eu jeˬ-aˬ, guˆ-eu nui ma bi byoˆ-iˇ-eu meh. Kʼoeˇ miˇ neh, guˆ-eu nui ma ahˇ-eu tsawˇ haˬ laꞈ kʼoeˇ gʼoeˇ-eu gaˬ-eu jeˬ maˬ byah laˇ nya-a. Aˬ jeˬ miˇ neh ehˇ naˇ, guˆ-eu jeˬ-aˬ, kʼehˬ-eu kʼaˆ-eu jeˬ-ahˇ ya daˬ luꞈ gaˇ duˇ-eu meh.