Lormav 7:24 - Akha

²⁴ Ngaˬ-ahˇ shaˬ zahˬ naꞈ dui dui nya. Ngaˬ-ahˇ shiˇ gaˇ sheuˬ gʼeh luꞈ-eu ngaˬ-euˬ gʼawˇ mawˇ heu mawˇ laꞈ kʼoeˇ ngaˬ-ahˇ ka kʼoꞈ nehˬ laꞈ-eu aˬ suˇ gʼaˬ jawˇ ta. Miˬyehˇ jawˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Ngar-aq, ghawqshar shaq-aer ghaelar paq-aer ghae-eu tsawrhaq tiq ghaq mir-a. Shir-eu gar sheuqghae luf-eu mawrdo heu-anr nae, ngaq-anr aqsur ghaq bibuq-ir nya-eu la?

Lormav 7:24 ပူးပေါင်းရင်းမြစ်များ

1 Sahˬpaˬ 8:38

aˬ yawꞈ maꞈ-euˬ guiˬ lahˬ shaˇ dawˬ-ahˇ naˇ haˬ nehˬ-awˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ tiˬ gʼaˬ na noeˬ shaˬ noeˬ zahˬ dui dui-eu laꞈ kʼoeˇ, Uˬ duˬ tahˬ nymˇ nymˇ ma heu nymˇ jaˆ-eu paw aˬ laꞈ cawˬ ja-awˇ guiˬ lahˬ shaˇ ngeh,

Jaceuq 102:20

Paꞈ kuˆ-ahˇ bi nyehꞈ uˇ taˬ-euˬ deuˬ mahˇ gaˇ aˬ yawꞈ gaˬ-awˇ, biˬ sehꞈ-eu lehˇ gʼeh-eu deuˬ-ahˇ pyehˬ nehˬ-eu meh.

Jaceuq 119:131

Nawˬ-euˬ dawˬ-ahˇ ngaˇ mawꞈ dui dui-eu laꞈ kʼoeˇ, saꞈ maˬ gʼawˇ dah coeˇ ni pyeuꞈ luꞈ-eu ma.

Jaceuq 119:143

Noeˬ shaˬ noeˬ zahˬ-awˇ nui ma cawˆ-eu jeˬ byah luꞈ kʼawꞈ, nawˬ-euˬ dawˬ ngaˬ-ahˇ laˬ kʼaˬ bi cehˇ-eu meh.

Jaceuq 119:176

Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh-euˬ miˇ neh, byoˆ-iˇ-euˬ yawˇ zaˬ loꞈ-ehˇ gaˇ ma cah bahˬ-euˬ nawˬ-euˬ zaˬ kʼaˆ-ahˇ gʼawˬ shaˬ gaˬ-awˇ poˆ kʼoꞈ le nehˬ laꞈ.

Jaceuq 119:20

Nawˇ yaˇ kʼaˬ daˇ-euˬ jeˬ-ahˇ siˬ mawꞈ mawˇ mawꞈ-eu nui kʼahˇ, ngaˬ-euˬ nui ma laꞈ kʼoeˇ aˬ myah luꞈ jaˆ luꞈ ma.

Jaceuq 38:2

Nawˬ-euˬkaˆmyaˬbeuˆcoˆlaꞈ-awˇ, naw-euˬaˬlaꞈneh zuiˆ-euˬnya.

Jaceuq 6:6

Noeˬshaˬ-awˇ gʼaˬbaˬdui dui nya. Yawˬmiˇnaluꞈ ngoeˇ-eu oꞈ-awˇ, yuꞈzaˇ myaˆbiˇ iˇjeuˬjeuˬnya.

Jaceuq 71:11

Aˬ yawꞈ maꞈ ngaˬ-euˬ gaˇ kawˆ heu loꞈ-ehˇ ja luꞈ meh. “Miˬyehˇ aˬ yawꞈ-ahˇ byehˇ dzeh-euˬ miˇ neh, aˬ dui maꞈ aˬ yawꞈ-ahˇ nyehꞈ-iˇ kaˇ beuˇ. Aˬ yawꞈ-ahˇ ngehˬ gʼeh-eu tiˬ gʼaˬ-iˬ maˬ paˇ jawˇ meh.”

Jaceuq 72:12

Aˬ yawꞈ-ahˇ kuˇ-eu shaˬ zaˬ zahˬ zaˬ deuˬ hawˇ-eu, laꞈ jeuˬ shaˇ kʼaˇ maˬ za-eu iˇ shaˬ zaˬ deuˬ-ahˇ, aˬ yawꞈ ka kʼoꞈ nehˬ-eu meh.

Jaceuq 88:5

Shiˇ-euˬ tsawˇ haˬ deuˬ-euˬ baꞈ dzah laꞈ kʼoeˇ ngaˬ-ahˇ sawˇ ahˇ taˬ-euˬ meh. Lmˬ bymˇ laꞈ kʼoeˇ bi sehꞈ ahˇ dzeuˇ-awˇ, nawˇ maˬ paˇ ka kʼoꞈ nehˬ nya-eu, nawˬ neh byehˇ dzeh-euˬ tsawˇ haˬ-ahˇ duˇ miˇ-a.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Miˇkaˬ 7:19

Nga maꞈ-ahˇ nawˇ gʼawˬ shaˬ tiˬ poˆ paˇ gaˬ nehˬ laꞈ tehꞈ-a. Nga maꞈ-euˬ iˬ baˇ-ahˇ nawˇ tsawˬ nawˬ nawˬ-awˇ, iˬ ma laˆ shaˆ dawˬ dah sha ha dzeh tehꞈ-a.

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Lormav 6:6

Aˬ dui-euˬ iˬ baˇ mˇ-eu nui ma yaw oeˇ siˬ-euˬ baoˬ-ahˇ laˆ cawˆ-awˇ, iˬ baˇ-euˬ zaˬ kʼaˆ maˬ paˇ ya geuꞈ-eu gʼaˇ duˬ aˬ dui yaw dehꞈ dehꞈ-eu yaw oeˇ hmˬ Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma lehˇ aˬ dui siˬ nya ma.

Lormav 8:13

Aˬ jeˬ miˇ neh ehˇ naˇ, shiˬ shaˬ jiˇ nui noeˬ mehˬ nah naw maꞈ dehꞈ gʼeh naˇ, ya shiˇ tehꞈ-a. Ehˇ kʼawꞈ, Yaw sahˇ miˬyehˇ-ahˇ gʼoe-eu laꞈ kʼoeˇ iˬ baˇ mˇ-eu nui ma-ahˇ laˆ sehꞈ naˇ, ya dehꞈ tehꞈ-a.

Lormav 8:2

Aˬ jeˬ miˇ neh ehˇ naˇ, aˬ dui-ahˇ Yeˬsuˇ Ka li laꞈ kʼoeˇ bi dehꞈ laꞈ-euˬ Yaw sahˇ Miˬyehˇ-euˬ baoˬ-aˬ, iˬ baˇ hawˇ-eu shiˇ-eu jeˬ-euˬ zahˇ sahˇ kʼoꞈ uˬ moˆ aˬ dui-ahˇ bi buˬ-iˇ laꞈ-euˬ meh.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

Lormav 8:26

Kʼoeˇ gaˇ duˇ ni, aˬ dui gʼaˬ baˬ-eu miˇ neh Yaw sahˇ Miˬyehˇ caw ba le-euˬ meh. Aˬ dui guiˬ lahˬ aˬ joˆ-ehˇ ya shaˇ-eu gaˇ kawˆ aˬ dui maˬ siˬ nya-eu miˇ neh, Yaw sahˇ Miˬyehˇ aˬ dui-euˬ dah zaˇ kʼaˬ meh neh maˬ ja mehˬ nya-eu jeˬ mahˇ mahˇ-ehˇ Miˬyehˇ-ahˇ shaˇ-eu meh.

Gawˇlawˇsehˇ 2:11

Ka li laꞈ kʼoeˇ naw maꞈ baˆ kʼoˆ mehˬ dzaˬ yehˬ gʼaˬ-euˬ meh. Kʼoeˇ-aˬ, tsawˇ haˬ zaˬ neh baˆ kʼoˆ mehˬ dzaˬ yehˬ-euˬ gaˇ maˬ duˇ-a. Ka li laꞈ kʼoeˇ baˆ kʼoˆ mehˬ dzaˬ yehˬ-euˬ kʼoeˇ-aˬ, iˬ baˇ ahˇ-eu gʼawˇ mawˇ heu-euˬ laꞈ kʼoeˇ neh bi buˬ-iˇ nya-eu baoˬ ahˇ-eu meh.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 2:15

Kʼoeˇ loꞈ-ehˇ mˇ-eu laꞈ kʼoeˇ, tiˬ ziˇ jiˇ tiˬ yehˆ juˬ ni shiˇ gaˇ guˆ-eu jeˬ-euˬ zaˬ kʼaˆ ya geuꞈ luꞈ-eu tsawˇ haˬ zaˬ deuˬ-ahˇ, aˬ yawꞈ bi buˬ bi law-iˇ-euˬ meh.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”