Lormav 7:14 - Akha

¹⁴ Zahˇ dawˬ kʼoꞈ dawˬ-aˬ, guiˬ lahˬ saꞈ laˬ-ahˇ taꞈ leˇ-eu jeˬ meh lehˇ aˬ dui siˬ nya ma. Ehˇ kʼawꞈ, ngaˇ-aˬ, iˬ baˇ-euˬ zaˬ kʼaˆ geuꞈ-eu lehˇ bi ahˬ ahˇ taˬ-euˬ shiˬ shaˬ jiˇ pi luꞈ-eu tsawˇ haˬ zaˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Zanrdawq-aq, saflar-anr taf-eu mae laer aqdui siqnya-eu ma. Aerkhawf, ngar-aq, shiqshaq-anr taf-awr, iqbax-anr bi anqnaeq taq-euq ma.

Lormav 7:14 ပူးပေါင်းရင်းမြစ်များ

Aˇ dahˬ 37:27

Iˇshaˬmeˬlaˇ tsawˇ haˬ deuˬ-ahˇ ahˬ nehˬ kaˇ-euˇ. Kʼoeˇ loꞈ-ehˇ jahˇ naˇ, aˬ yawꞈ-euˬ uˬ kʼawˇ-ahˇ aˬ dui toeˬ ciˆ-eu maˬ loˬ-aˇ. Aˬ diˇ aˬ maˇ ehˇ leꞈ naˇ, aˬ yawꞈ-aˬ aˬ dui-euˬ shiˬ shaˬ, aˬ dui-euˬ aˬ nyiˇ tsi tsi ni gʼeh-eu miˇ neh, sehꞈ-eu maˬ tsaˬ-aˇ.” Yuˇdaˆ kʼoeˇ loꞈ-ehˇ ehˇ gaˇ, aˬ ha mehˇ nmˇ dawˬ tawˆ luꞈ nui ma tsaˬ-euˬ meh.

Aˇ dahˬ 37:36

Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.

Aˇ dahˬ 40:15

Dawˇ coe ni ya ehˇ naˇ, Heˬbyehˇ miˇ kʼahˬ-ahˇ neh aˬ cawˬ ngaˬ-ahˇ kʼoeˬ doˆ laꞈ-euˬ meh. Ngaˇ heu gaˇ jawˇ luꞈ ngeh kʼawꞈ, paꞈ kuˆ laꞈ kʼoeˇ ya uˇ paˬ-ehˇ mˇ lehˬ laˆ lehˬ taˬ-euˬ tiˬ jeˬ-iˬ maˬ jaˆ.”

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 21:25

(Aˬ yawꞈ-euˬ miˬ zaˬ Yeˬsaˬbeˬlaˇ kʼehˇ-eu baˬ da neh , Sahˬpaˬ Miˬyehˇ mehˬ shi maˇ maˇ ni iˬ baˇ mˇ ma lehˇ noeˬ tsehˆ-euˬ, Aˬhaˆ loꞈ-ehˇ gʼeh-eu tsawˇ haˬ tiˬ gʼaˬ-iˬ maˬ jawˇ-a.

2 Sahˬpaˬ 17:17

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ, lawˇ ciꞈ zaˬ-euˬ miˬyehˇ deuˬ-ahˇ lawˇ nehˬ-euˬ meh. Nyiˇ paˬ, shaˆ ma, boeˇ mawˬ deuˬ hawˇ-eu, ja maw nya-eu deuˬ-ahˇ aˬ yawꞈ maꞈ gʼoe-eu uˬ taꞈ, Sahˬpaˬ Miˬyehˇ mehˬ shi yaw lehˬ yaw ca jeˬ nui kʼahˇ tiˬ shiˇ mˇ-eu laꞈ kʼoeˇ, Sahˬpaˬ Miˬyehˇ-ahˇ nui ma laˆ pehˇ-euˬ meh.

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Jaceuq 119:25

Ngaˇ noeˬ dui-awˇ kʼaˬ lehˇ tsahˬ-ahˇ ga luꞈ-eu ma. Nawˬ neh saˇ jaˇ dzaˬ taˬ-euˬ loꞈ-ehˇ gʼaˬ yaw shuiꞈ biꞈ laꞈ-awˬ.

Jaceuq 51:6

Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.

Doˆ-iˇ 22:3

“Ehˇ kʼawꞈ, nahˇ ma doˆ laˇ gʼaˬ-awˇ neh smˇ kʼoeˬ-ahˇ sehꞈ naˇ, sehꞈ-eu gʼaˬ kʼoeˇ taˆ iˬ baˇ jaˆ-eu meh. Aˬ jeˬ miˇ neh ehˇ naˇ, smˇ kʼoeˬ kʼoeˇ gʼaˬ aˬ yawꞈ neh kʼoeˬ-euˬ aˇ poeˬ tsoeˬ kʼoꞈ nehˬ tehꞈ-a.

Dawqdaq 30:2

Ngaˇ tsawˇ haˬ-ahˇ maˬ duˇ ni, jeˬ zaˬ-ahˇ duˇ miˇ-a. Tsawˇ haˬ zaˬ-euˬ nui ma maˬ paˇ ahˇ miˇ-a.

Dawqdaq 30:5

Miˬyehˇ neh saˇ jaˇ kʼaˇ dzaˬ taˬ-euˬ yawˬ jeˬ na luꞈ ziꞈ-eu meh. Aˬ yawꞈ-ahˇ kʼaˇ gʼoe-eu tsawˇ haˬ deuˬ-ahˇ aˬ yawꞈ yaw muiˬ paˬ-ehˇ haw piˇ-eu meh.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 52:3

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ zaˬ kʼaˆ bi geuꞈ ngeh, aˇ poeˬ biꞈ-awˇ zeuˇ-euˬ maˬ ngeuˇ-a. Kʼoeˇ loꞈ-ehˇ duˇ ni, naw maꞈ-ahˇ pyehˬ nehˬ-euˬ gʼaˇ duˬ kʼawꞈ, aˇ poeˬ maˬ biꞈ ni bi pyehˬ ma.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Uˬ duˬ 13:12

Maˇ naˇ kʼoeˇ huiˬ laˇ-awˇ, tsawˇ haˬ kʼoeˇ gʼaˬ uˬ duˬ-ahˇ neh aˬ kuiˇ keuˆ ni naˇ byah naˇ,

Uˬ duˬ 13:16

Ehˇ kʼawꞈ, maˇ naˇ taˬ leˇ-awˇ, pyuˇ deuˬ ni paˇ pyeuꞈ laˇ naˇ, piˇ ma jawˇ gaˇ paˇ ya le meh.

Uˬ duˬ 19:18

Aˬ cawˬ-ahˇ jahˇ kʼoꞈ nehˬ mawꞈ-eu nui ma taˬ bi ahˇ. Aˬ cawˬ-ahˇ bye-eu nui ma taˬ bi jaˆ. Ehˇ kʼawꞈ, yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ. Ngaˇ-aˬ, Sahˬpaˬ Miˬyehˇ ma.

Aˬmoˆ 2:6

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.

Maꞈtehˬ 16:23

Yeˬsuˇ Beˬtuˆluˇ jawˇ paw ciˬ pyawˇ-awˇ ehˇ nehˬ-eu, “Saˬdaˬ-oˇ, ngaˇ jawˇ gaˇ neh doˆ-iˇ-awˬ. Nawˇ-aˬ, ngaˬ-ahˇ laˆ tsoeˬ-eu gʼaˬ meh. Nawˇ teu loꞈ-ehˇ ehˇ-eu teu, Miˬyehˇ neh bi noeˬ doˆ-euˬ jeˬ maˬ ngeuˇ-a. Tsawˇ haˬ neh bi noeˬ doˆ-euˬ jeˬ meh.”

Maꞈtehˬ 18:25

Zaˬ kʼaˆ kʼoeˇ gʼaˬ dziˇ dzoˆ maˬ tsoeˬ tsehˆ nya-a. Kʼoeˇ miˇ neh, aˬ yawꞈ-euˬ gʼawˇ mawˇ hawˇ-eu aˬ yawꞈ-euˬ miˬ sawˇ zaˬ dawˬ tawˆ luꞈ maˬ ehˇ, a yawꞈ kʼaˇ jaˆ-eu jeˬ dawˬ tawˆ luꞈ maˬ ehˇ, ahˬ dzeh jiˇ-awˇ, dziˇ dzoˆ bi tsoeˬ tsehˆ-eu gʼaˇ duˬ sahˬ paˬ neh dawˬ biꞈ-euˬ meh.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Luˇkaꞈ 7:6

Kʼoeˇ ngeh, aˬ yawꞈ maꞈ nehˬ-ehˇ Yeˬsuˇ iˇ nehˬ-euˬ meh. Yaw huiˬ yaw mahˇ kʼoeˇ gʼaˬ-euˬ nymˇ-ahˇ maˬ kaˬ maˬ kaˇ-ehˇ iˇ keuˆ ngeh, yaw huiˬ yaw mahˇ kʼoeˇ gʼaˬ aˬ yawꞈ-euˬ cawˬ deuˬ-ahˇ Yeˬsuˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.“Sahˬpaˬ-oˇ, nawˇ ngaˬ-euˬ nymˇ-ahˇ oe-eu lehˇ gaˇ ma maˬ bi cah coeˬ mawꞈ nya. Aˬ jeˬ miˇ neh ehˇ naˇ, ngaˬ-euˬ nymˇ-ahˇ nawˇ bi uˇ laˇ paˬ-ehˇ, ngaˇ tiˬ pawꞈ-iˬ maˬ geuˇ nya.

Lormav 3:9

Toˆ-ehˇ maˇ-iˬ, aˬ dui Yuˇdaˆ tsawˇ haˬ deuˬ-aˬ, Yuˇdaˆ tsawˇ haˬ maˬ ngeuˇ-eu deuˬ naˆ maˬ tseˇ muiˬ dzehˬ ta loˇ. Maˬ ngeuˇ-a. Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, dawˬ tawˆ luꞈ iˬ baˇ-euˬ baoˬ uˬ moˆ tiˬ kawˆ loꞈ-ehˇ jawˇ luꞈ-eu meh lehˇ ngaˇ ehˇ dzeuˇ gʼaˬ-euˬ ma.

Lormav 6:6

Aˬ dui-euˬ iˬ baˇ mˇ-eu nui ma yaw oeˇ siˬ-euˬ baoˬ-ahˇ laˆ cawˆ-awˇ, iˬ baˇ-euˬ zaˬ kʼaˆ maˬ paˇ ya geuꞈ-eu gʼaˇ duˬ aˬ dui yaw dehꞈ dehꞈ-eu yaw oeˇ hmˬ Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma lehˇ aˬ dui siˬ nya ma.

Lormav 7:18

Shiˬ shaˬ jiˇ-euˬ nui noeˬ pi luꞈ-eu ngaˬ-euˬ gʼawˇ mawˇ heu laꞈ kʼoeˇ yaw muiˬ jeˬ maˬ ahˇ nya lehˇ ngaˇ siˬ nya ma. Aˬ jeˬ miˇ neh ehˇ naˇ, yaw muiˬ jeˬ mˇ mawꞈ-eu nui ma ahˇ luꞈ kʼawꞈ, kʼoeˇ loꞈ-ehˇ maˬ mˇ nya nya.

Gaˬlaˬtiˆ 4:3

Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.

HeˬByehˇ 4:12

Miˬyehˇ-euˬ dawˬ-aˬ, yaw dehꞈ dehꞈ luꞈ-awˇ baoˬ tiˬ byah ni ahˇ-eu uˬ taꞈ, mi seuˬ nyiˬ pyawˬ tsoꞈ-eu mi cehˇ naˆ maˬ tseˇ taˆ dui dui-eu miˇ neh, nui ma hawˇ-eu saꞈ laˇ tsmˇ leˇ gaˇ keuˆ ni maˬ ehˇ, yoeˬ tsuiꞈ yoeˬ laꞈ dzmˇ leˇ gaˇ keuˆ ni maˬ ehˇ, ceuꞈ paˇ doˆ gʼeh nya-awˇ, tsawˇ haˬ zaˬ-euˬ nui noeˬ nui loˆ dawˬ tawˆ luꞈ-ahˇ caw duˬ nya-eu meh.