Lormav 7:12 - Akha

¹² Kʼoeˇ miˇ neh, Zahˇ dawˬ kʼoꞈ dawˬ-aˬ yaw muiˬ yaw shawˇ meh. Yawˬ dawˬ na luꞈ yaw shawˇ meh. Yaw dawˇ meh. Yaw muiˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, zanrdawq-aq yawshawr mae. Zanrdawq khofdawq-aq, shawr-awr, dawr-awr tsaq-eu uqtaf, yawmuiq mae.

Lormav 7:12 ပူးပေါင်းရင်းမြစ်များ

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Jaceuq 119:127

Shuiˇ naˆ maˬ tseˇ nawˬ-euˬ zahˇ dawˬ kʼoꞈ dawˬ-ahˇ ngaˇ gaˬ-eu ma. Muiˬ dui dui-eu shuiˇ naˆ maˬ tseˇ gaˬ-euˬ ma.

Jaceuq 119:137

Sahˬpaˬ Miˬyehˇ-oˇ, nawˇ tsaˬ dui dawˇ dui dui-awˇ, nawˬ-euˬ zahˇ dawˬ kʼoꞈ dawˬ yaw sui yaw dawˇ meh.

Jaceuq 119:140

Nawˬ-euˬ saˇ jaˇ dawˬ tiˬ dawˬ-iˬ maˬ lehˬ ni tsaˬ-eu meh. Dawˬ kʼoeˇ deuˬ-ahˇ ngaˇ gaˬ dui dui-eu ma.

Jaceuq 119:172

Nawˬ-euˬ zahˇ dawˬ kʼoꞈ dawˬ tsaˬ-eu dawˇ-eu miˇ neh, nawˬ-euˬ dawˬ-ahˇ caˇ-awˇ ja ceuˬ-eu ma.

Jaceuq 119:38

Nawˬ-euˬ ehˇ dawˬ naˇ haˬ-eu deuˬ kʼoeˇ taˆ bi jaˆ-euˬ nawˬ-euˬ saˇ jaˇ nawˬ-euˬ zaˬ kʼaˆ pyeuꞈ-eu ngaˬ-euˬ kʼoeˇ taˆ bi jaˆ laꞈ.

Jaceuq 119:86

Nawˬ-euˬ zahˇ dawˬ kʼoꞈ dawˬ dawˬ tawˆ luꞈ tsaˬ dui dui meh. Ngaˇ maˬ lehˬ gaˇ aˬ cawˬ ngaˬ-ahˇ kʼehˬ luꞈ meh. Ngaˬ-ahˇ caw ba le-awˬ.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

Lormav 7:14

Zahˇ dawˬ kʼoꞈ dawˬ-aˬ, guiˬ lahˬ saꞈ laˬ-ahˇ taꞈ leˇ-eu jeˬ meh lehˇ aˬ dui siˬ nya ma. Ehˇ kʼawꞈ, ngaˇ-aˬ, iˬ baˇ-euˬ zaˬ kʼaˆ geuꞈ-eu lehˇ bi ahˬ ahˇ taˬ-euˬ shiˬ shaˬ jiˇ pi luꞈ-eu tsawˇ haˬ zaˬ ma.

Lormav 7:16

Ngaˇ mˇ luꞈ-eu jeˬ-aˬ, ngaˇ maˬ mˇ mawꞈ-eu jeˬ pyeuꞈ-eu miˇ neh, Zahˇ dawˬ kʼoꞈ dawˬ tsaˬ meh lehˇ ngaˇ ehˇ luꞈ gaˇ duˇ-eu meh.

Dawˬmehˬ 10:12

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh naw maꞈ-ahˇ bi mˇ-euˬ jeˬ-ahˇ naˇ haˬ geuꞈ-awˇ mˇ-awˬ. Sahˬpaˬ Miˬyehˇ-ahˇ uˬ duˬ tahˬ-awˇ, aˬ yawꞈ neh dawˬ kʼaˇ biꞈ taˬ-euˬ jeˬ mˇ-awˬ. Aˬ yawꞈ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Dawˬmehˬ 4:8

Aˇ naˆ ni huiˬ-eu tsawˇ jeuˬ maˬ kaˬ, iˬ nah naw maꞈ-ahˇ ngaˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ heu deuˬ loꞈ-ehˇ tsaˬ dui dawˇ dui dui-eu zahˇ dawˬ kʼoꞈ dawˬ maˬ jaˆ-a.

1 Tiˆmoˇseˬ 1:8

Zahˇ dawˬ kʼoꞈ dawˬ-aˬ, yaw tsaˬ tsaˬ-ehˇ zmˬ naˇ muiˬ meh lehˇ aˬ dui siˬ nya ma.