Lormav 6:9 - Akha

⁹ Aˬ jeˬ miˇ neh ehˇ naˇ, Ka li-ahˇ shiˇ-euˬ gaˇ paˇ bi gʼoꞈ dehꞈ laˇ gʼaˬ-euˬ-aˬ, tiˬ jawˇ-iˬ maˬ paˇ shiˇ-ehˇ, shiˇ-eu jeˬ aˬ yawꞈ-ahˇ maˬ paˇ uˆ lahˇ nya meh lehˇ aˬ dui siˬ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Kali shir-euq gar nae ghofdaef lar-euq mirnae, aqyawf tiqjawr-iq maqpar shir-eu mae. Shir-eu jeq aqyawf-anr maqpar uvlanr nya-eu mae laer aqdui siqnya ma.

Lormav 6:9 ပူးပေါင်းရင်းမြစ်များ

Lormav 5:14

Aˬdaˬ-euˬ ziˇ-ahˇ neh Moˇseˬ-euˬ ziˇ-ahˇ keuˆ ni, shiˇ-eu jeˬ uˆ lahˇ-euˬ meh. Aˬdaˬ neh mˇ-euˬ iˬ baˇ pyeuꞈ-eu Miˬyehˇ ehˇ dawˬ leuˇ-eu jeˬ-ahˇ maˬ mˇ-euˬ deuˬ kʼoeˇ taˆ kʼawꞈ, shiˇ-eu jeˬ uˆ lahˇ-euˬ meh. Aˬdaˬ kʼoeˇ gʼaˬ-aˬ, aˬ kaˇ oe-eu gʼaˬ-ahˇ duˇ leˇ-eu meh.

Lormav 6:10

Aˬ yawꞈ shiˇ-euˬ miˇ neh, iˬ baˇ-euˬ baoˬ aˬ yawꞈ-ahˇ maˬ paˇ gʼaˬ leˇ meh. Nymˬ-mˇ aˬ yawꞈ dehꞈ luꞈ-eu-aˬ, Miˬyehˇ-euˬ gʼaˇ duˬ meh.

Lormav 6:14

Iˬ baˇ neh naw maꞈ-ahˇ taˬ paˇ bi uˆ lahˇ. Aˬ jeˬ miˇ neh ehˇ naˇ, zahˇ dawˬ kʼoꞈ dawˬ uˬ moˆ naw maꞈ maˬ paˇ jawˇ-ehˇ, Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu meh.

Lormav 6:4

Aˬ dui iˇ cuꞈ shawˇ-euˬ baˬ da neh aˬ yawꞈ nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, a yawꞈ shiˇ-euˬ gaˇ taꞈ-eu ma. Kʼoeˇ-aˬ, Aˬda Miˬyehˇ-euˬ yaw shehꞈ kʼahˬ sehˇ huiˬ-eu baoˬ neh Ka li-ahˇ bi gʼoꞈ dehꞈ laˇ-euˬ loꞈ-ehˇ, aˬ dui kʼawꞈ yaw shuiꞈ dehꞈ paˇ nya-eu gʼaˇ duˬ pyeuꞈ-eu ma.

HeˬByehˇ 7:16

Tsawˇ haˬ zaˬ-euˬ zahˇ sahˇ kʼoꞈ neh aˬ yawꞈ-ahˇ piˇ ma bi geuꞈ-euˬ maˬ ngeuˇ-a. Tiˬ jawˇ-iˬ maˬ cawˆ-iˇ nya-eu dehꞈ-eu jeˬ-euˬ baoˬ neh bi geuꞈ-euˬ meh.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.