Lormav 6:15 - Akha

¹⁵ Toˆ-ehˇ ngeuˇ naˇ, aˬ joˆ-ehˇ jahˇ nmˇ. Aˬ dui zahˇ dawˬ kʼoꞈ dawˬ uˬ moˆ maˬ jawˇ-ehˇ Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu miˇ neh iˬ baˇ mˇ-eu la. Maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Tox-aer mar-iq aqjox-aer la? Aqdui zanrdawq-euq uqmov maqpar jawr-aer, Miqyaer-euq guiqlanq yawdzanr-euq uqmov jawrluf-eu mirnae, iqbax mr-eu tsaq taef-a lor? Tiqpawf-iq maqtsaq-a.

Lormav 6:15 ပူးပေါင်းရင်းမြစ်များ

Luˇkaꞈ 20:16

Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.

Lormav 3:9

Toˆ-ehˇ maˇ-iˬ, aˬ dui Yuˇdaˆ tsawˇ haˬ deuˬ-aˬ, Yuˇdaˆ tsawˇ haˬ maˬ ngeuˇ-eu deuˬ naˆ maˬ tseˇ muiˬ dzehˬ ta loˇ. Maˬ ngeuˇ-a. Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, dawˬ tawˆ luꞈ iˬ baˇ-euˬ baoˬ uˬ moˆ tiˬ kawˆ loꞈ-ehˇ jawˇ luꞈ-eu meh lehˇ ngaˇ ehˇ dzeuˇ gʼaˬ-euˬ ma.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Yuˇdaˆ 1:4

Aˬ jeˬ miˇ neh ehˇ naˇ, Miˬyehˇ-ahˇ yaw zeu maˬ baw-eu tsawˇ haˬ tiˬ paˆ na deuˬ, aˬ dui laꞈ kʼoeˇ ciˬ cuˇ ni uˇ kʼoeˬ laˇ taˬ-euˬ meh. Tsawˇ haˬ kʼoeˇ deuˬ-aˬ, yawˬ ha maˬ tsaˬ maˬ dawˇ-eu laꞈ kʼoeˇ yaw dehꞈ dehꞈ-eu jeˬ-ahˇ yaw tsaˬ yaw dawˇ jeˬ bi pyeuꞈ laˇ-eu gʼaˇ duˬ Miˬyehˇ-euˬ guiˬ lahˬ yaw dzahˇ-ahˇ yuˇ pyawˆ-eu uˬ taꞈ, aˬ dui-ahˇ uˆ lahˇ-eu gʼaˬ hawˇ-eu aˬ dui-euˬ Sahˬpaˬ pyeuꞈ-eu Yeˬsuˇ Ka li-ahˇ maˬ ha geuꞈ-a. Aˬ yawꞈ maꞈ yaˇ kʼaˬ daˇ nehˬ gaˇ ya daˬ-eu gaˇ kawˆ, aˇ hu ba neh Jaˇliꞈ laꞈ kʼoeˇ ehˇ taˬ-euˬ jaˆ-eu meh.