Lormav 6:14 - Akha

¹⁴ Iˬ baˇ neh naw maꞈ-ahˇ taˬ paˇ bi uˆ lahˇ. Aˬ jeˬ miˇ neh ehˇ naˇ, zahˇ dawˬ kʼoꞈ dawˬ uˬ moˆ naw maꞈ maˬ paˇ jawˇ-ehˇ, Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nawmaf zanrdawq-euq uqmov maqpar jawr-aer, guiqlanq yawdzanr-euq uqmov jawr-eu mirnae, iqbax nawmaf-anr maqpar uvlanrluf mae.

Lormav 6:14 ပူးပေါင်းရင်းမြစ်များ

Uˬ duˬ 25:41

Aˇ yamˬ kʼoeˇ yamˬ keuˆ le naˇ, aˬ yawꞈ hawˇ-eu aˬ yawꞈ-euˬ zaˬ deuˬ nawˬ nehˬ-ehˇ maˬ paˇ jawˇ-ehˇ, aˬ yawꞈ-euˬ aˬ piˬ aˬ bawˇ deuˬ-euˬ myawˬ kmˇ yaˇ kmˇ jaˆ-eu aˬ yawꞈ-euˬ aˬ yuiꞈ aˬ nyiˇ deuˬ jawˇ gaˇ aˬ yawꞈ gʼoꞈ-iˇ tehꞈ-a.

Miˇkaˬ 7:19

Nga maꞈ-ahˇ nawˇ gʼawˬ shaˬ tiˬ poˆ paˇ gaˬ nehˬ laꞈ tehꞈ-a. Nga maꞈ-euˬ iˬ baˇ-ahˇ nawˇ tsawˬ nawˬ nawˬ-awˇ, iˬ ma laˆ shaˆ dawˬ dah sha ha dzeh tehꞈ-a.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 8:36

Zaˬ maˇ neh naw maꞈ-ahˇ bi buˬ-iˇ laꞈ naˇ, naw maꞈ aˬ diˇ buˬ-iˇ-euˬ tehꞈ-a.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

Lormav 4:16

Kʼoeˇ miˇ neh, Miˬyehˇ-euˬ saˇ jaˇ kʼoeˇ hmˬ Zahˇ daˬ kʼoꞈ dawˬ mehˬ nah caw teh-eu deuˬ-ahˇ tehꞈ-ehˇ maˬ taꞈ-ehˇ, Aˬbyaˬhaˬ loꞈ-ehˇ jah-eu tsawˇ haˬ deuˬ-ahˇ kʼawꞈ taꞈ leˇ ni, Aˬbyaˬhaˬ-euˬ zaˬ deuˬ uˆ deuˬ dawˬ tawˆ luꞈ-ahˇ yawꞈ ngehꞈ-ehˇ biꞈ nehˬ-euˬ jeˬ pyeuꞈ-eu gʼaˇ duˬ, jah-eu jeˬ-ahˇ taꞈ-eu saˇ jaˇ bi pyeuꞈ-euˬ meh. Aˬ jeˬ miˇ neh ehˇ naˇ, Aˬbyaˬhaˬ-aˬ, guiˬ lahˬ saꞈ laˇ paw aˬ dui dawˬ tawˆ luꞈ-euˬ aˬ da yaw dzahˇ gʼaˬ pyeuꞈ-eu meh.

Lormav 5:17

Tsawˇ haˬ tiˬ gʼaˬ iˬ baˇ mˇ-euˬ miˇ neh, tsawˇ haˬ kʼoeˇ gʼaˬ baˬ da neh miˇ tsaˬ kʼoeˇtaˆ shiˇ-eu jeˬ uˆ lahˇ le-euˬ meh. Ehˇ kʼawꞈ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ neh mˇ-euˬ jeˬ-aˬ, kʼoeˇ naˆ maˬ tseˇ gʼaˬ kʼaˆ dzehˬ-eu meh. Huiˬ dui myaˬ dui dui-eu Miˬyehˇ-euˬ guiˬ lahˬ hawˇ-eu, Miˬyehˇ-ahˇ tsaˬ leˇ tsahˇ leˇ-eu jeˬ yawꞈ ngehꞈ-ehˇ za taˬ-euˬ tsawˇ haˬ dawˬ tawˆ luꞈ, Yeˬsuˇ Ka li baˬ da neh yaw dehꞈ-ehˇ ya uˆ lahˇ tehꞈ-a.

Lormav 5:18

Tsawˇ haˬ zaˬ tiˬ gʼaˬ neh mˇ-euˬ iˬ baˇ baˬ da neh tsawˇ haˬ zaˬ dawˬ dawˆ luꞈ yaˇ kʼaˬ daˇ nehˬ gaˇ ya daˬ-eu loꞈ-ehˇ, tsawˇ haˬ zaˬ tiˬ gʼaˬ neh mˇ-euˬ yaw tsaˬ yaw dawˇ jeˬ baˬ da neh tsawˇ haˬ zaˬ dawˬ tawˆ luꞈ-ahˇ bi buˬ bi law-iˇ-awˇ, yaw dehꞈ bi dehꞈ-eu meh.

Lormav 6:12

Naw maꞈ-euˬ shiˬ shaˬ jiˇ nui kʼahˇ mehˬ nah maˬ ya caw teh ni, shiˇ nya-eu naw maꞈ-euˬ shiˬ shaˬ jiˇ gʼawˇ mawˇ-ahˇ iˬ baˇ neh taˬ paˇ bi uˆ lahˇ.

Lormav 6:15

Toˆ-ehˇ ngeuˇ naˇ, aˬ joˆ-ehˇ jahˇ nmˇ. Aˬ dui zahˇ dawˬ kʼoꞈ dawˬ uˬ moˆ maˬ jawˇ-ehˇ Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu miˇ neh iˬ baˇ mˇ-eu la. Maˬ ngeuˇ-a.

Lormav 8:12

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, aˬ dui-aˬ, dziˇ dzoˆ naꞈ-eu tsawˇ haˬ ma. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu gʼaˇ duˬ naꞈ-eu maˬ ngeuˇ.

Lormav 8:2

Aˬ jeˬ miˇ neh ehˇ naˇ, aˬ dui-ahˇ Yeˬsuˇ Ka li laꞈ kʼoeˇ bi dehꞈ laꞈ-euˬ Yaw sahˇ Miˬyehˇ-euˬ baoˬ-aˬ, iˬ baˇ hawˇ-eu shiˇ-eu jeˬ-euˬ zahˇ sahˇ kʼoꞈ uˬ moˆ aˬ dui-ahˇ bi buˬ-iˇ laꞈ-euˬ meh.

Gaˬlaˬtiˆ 3:23

Ehˇ kʼawꞈ, jah-eu jeˬ maˬ keuˆ le nmˇ kaˬ, keuˆ le luꞈ-eu jah-eu jeˬ kʼoeˇ-ahˇ maˬ pah mehˬ nehˬ laꞈ kʼoeˇ keuˆ ni, Zahˇ dawˬ kʼoꞈ dawˬ neh aˬ dui-ahˇ piˬ lahˇ taˬ-euˬ meh.

Gaˬlaˬtiˆ 4:21

Naw maꞈ laꞈ kʼoeˇ, Zahˇ dawˬ kʼoꞈ dawˬ uˬ moˆ jawˇ mawꞈ-eu deuˬ-ahˇ ngaˇ heu loꞈ-ehˇ naˇ haˬ mawꞈ-eu ma. Zahˇ dawˬ kʼoꞈ dawˬ naw maꞈ-ahˇ aˬ joˆ-ehˇ ehˇ luꞈ-eu naw maꞈ-ahˇ gaˬ laˇ miˇ-a loˇ.

Gaˬlaˬtiˆ 5:18

Yaw sahˇ Miˬyehˇ sheuˬ gʼeh-eu mehˬ nah naw maꞈ caw teh naˇ, Zahˇ dawˬ kʼoꞈ dawˬ-euˬ uˬ moˆ naw maꞈ maˬ paˇ jawˇ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.