Lormav 6:13 - Akha

¹³ Maˬ muiˬ-eu jeˬ mˇ gaˇ zmˬ-eu keu ka bi pyeuꞈ-eu gʼaˇ duˬ naw maꞈ-euˬ gʼawˇ mawˇ tiˬ pyehˬ tehꞈ-ehˇ kʼawꞈ iˬ baˇ-euˬ baoˬ-ahˇ maˬ a nehˬ ni, shiˇ-euˬ gaˇ paˇ gʼoꞈ dehꞈ laˇ-euˬ tsawˇ haˬ loꞈ-ehˇ naw maꞈ-euˬ nui ma gʼawˇ mawˇ dawˬ tawˆ luꞈ Miˬyehˇ-ahˇ a nehˬ jiˇ-awˇ, yaw tsaˬ yaw dawˇ jeˬ gʼaˇ duˬ zmˬ-eu keu ka bi pyeuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf-euq arsaer deuq maqtsaq maqdawr-eu jeq mr-eu gar zmq-eu keuka bi pyeufni, iqbax-anr taq a’naeq. Shir-euq gar nae ghofdaef lar-euq tsawrhaq lof-aer, yawqha-euq mawrdo, Miqyaer-anr a’naeq-awr, nawmaf-euq arsaer deuq khawf, tsaq-awr dawr-eu jeq-euq gharduq zmq-eu keuka pyeufni, Miqyaer-anr a’naeq-awq.

Lormav 6:13 ပူးပေါင်းရင်းမြစ်များ

2 Laˬsaˬbaˬ 30:8

Aˬ yawꞈ maꞈ loꞈ-ehˇ nui ma maˬ gʼahˇ ni, Sahˬpaˬ Miˬyehˇ-euˬ ehˇ dawˬ naˇ haˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh mˬ maˬ maˬ byaˆ zaˇ ziˇ bi muiˬ bi shawˇ laˇ gʼaˬ-euˬ Yeˬluˇsaˬlehˬ meu-ahˇ jaˆ-eu Uˬ duˬ tahˬ nymˇ nymˇ ma-ahˇ laˇ-awˇ, aˬ yawꞈ naw maꞈ-ahˇ nui ma pehˇ-eu jeˬ byoˆ-iˇ ni, aˬ yawꞈ-ahˇ uˬ duˬ tahˬ laˇ-awˬ.

Jaceuq 37:30

Tsawˇmuiˬtiˬgʼaˬ-euˬkʼaˬmeh-ahˇ, tsawˇgahˇahˇ-eu dawˬdoˆle-awˇ, mehˬlaˇneh kʼaˇngehˬ-euˬdawˬdeuˬ, tsaˬ-eu dawˇ-eu dawˬ pyeuꞈ-eu meh.

Dawqdaq 12:18

Dawˬ doeˇ ngehˬ-eu mi cehˇ coeˇ gaˇ duˇ-awˇ, tsawˇ gahˇ ahˇ-eu dawˬ muiˬ, jaˆ gʼaˬ-ahˇ duˇ-eu meh.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Yeˬsaˬgeˬlaˇ 18:4

Tsawˇ haˬ yawˬ gʼaˬ na luꞈ-eu saꞈ laˇ ngaˬ-euˬ tehꞈ ma. Aˬ da aˬ ma deuˬ-euˬ saꞈ laˇ maˬ ehˇ, zaˬ deuˬ-euˬ saꞈ laˇ maˬ ehˇ, ngaˬ-euˬ tehꞈ ma. Iˬ baˇ mˇ-eu tsawˇ haˬ aˬ yawꞈ gʼaˬ ya shiˇ tehꞈ-a.

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

Luˇkaꞈ 15:24

Aˬ jeˬ miˇ neh ehˇ naˇ, ngaˬ li heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.’ Kʼoeˇ naˇ, aˬ yawꞈ maꞈ laˬ kʼaˬ tiˬ cehˇ dzaˬ taꞈ dawˇ taꞈ-euˬ meh.

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Lormav 1:29

Aˬ yawꞈ maꞈ laꞈ kʼoeˇ maˬ muiˬ maˬ jaˬ-eu jeˬ, yaw haiˬ jeˬ, mehˇ juiˇ juiˇ-eu jeˬ, yaw doeˇ jahˇ-eu jeˬ, heu deuˬ tiˬ byah ni ahˇ-eu meh. Aˬ yawꞈ maꞈ laꞈ kʼoeˇ, myaˆ naˆ-eu, sehꞈ mawꞈ-eu, diˬ mawꞈ ceh mawꞈ-eu, mehˇ shuiˇ shuiˇ-eu, aˬ cawˬ-ahˇ noeˬ doeˇ-eu, heu deuˬ tiˬ byah ni ahˇ-eu meh. Aˬ cawˬ gaˇ kawˆ maˬ ngeuˇ-eu jeˬ ja kʼoeˬ-eu meh.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 6:11

Kʼoeˇ loꞈ-ehˇ duˇ ni, naw maꞈ kʼawꞈ iˬ baˇ-ahˇ kʼaˇ taꞈ-eu yawˬ jeˬ na luꞈ laꞈ kʼoeˇ shiˇ gʼaˬ-awˇ, Yeˬsuˇ Ka li baˬ da neh Miˬyehˇ-euˬ gʼaˇ duˬ dehꞈ luꞈ-eu ma lehˇ yawˬ haˇ yawˬ ha noeˬ-awˬ.

Lormav 6:16

Tsawˇ haˬ tiˬ gʼaˬ na-euˬ myawˬ kʼehˇ gʼoˆ nehˬ-eu gʼaˇ duˬ zaˬ kʼaˆ geuꞈ-eu lehˇ yawˬ ha-euˬ gʼawˇ mawˇ a nehˬ gʼaˬ shaw naˇ, yawˬ ha myawˬ kʼehˇ gʼoˆ nehˬ-eu baw leˬ kʼoeˇ gʼaˬ-euˬ zaˬ kʼaˆ pyeuꞈ tsehˆ tsehˆ-euˬ meh lehˇ naw maꞈ siˬ duˬ luꞈ meh. Iˬ baˇ-euˬ ehˇ dawˬ naˇ haˬ naˇ, shiˇ gaˇ ya keuˆ tehꞈ-a. Miˬyehˇ-euˬ ehˇ dawˬ naˇ haˬ naˇ, aˬ yawꞈ-ahˇ tsaˬ leˇ tsahˇ leˇ gaˇ ya keuˆ tehꞈ-a.

Lormav 6:19

Naw maꞈ gʼoˆ siˬ gʼoˆ shaw nya-eu paw dzeˇ gʼaˬ baˬ-eu miˇ neh, yawˬ nah na luꞈ ngehˬ luꞈ-eu dawˬ deuˬ-ahˇ zmˬ-awˇ ngaˇ ehˇ-eu ma. Dzeuˇ laˇ ngeh, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu maˬ muiˬ maˬ jaˬ-eu jeˬ-euˬ zaˬ kʼaˆ geuꞈ-eu laꞈ kʼoeˇ, maˬ tsaˬ maˬ dawˇ-eu jeˬ-ahˇ mˇ-eu gʼaˇ duˬ naw maꞈ-euˬ nui ma gʼawˇ mawˇ dawˬ tawˆ luꞈ a nehˬ-euˬ meh. Kʼoeˇ loꞈ-ehˇ duˇ ni, nymˬ-mˇ poˆ jawˇ-aˬ, yaw tsaˬ yaw dawˇ jeˬ-euˬ zaˬ kʼaˆ geuꞈ-eu laꞈ kʼoeˇ yaw muiˬ yaw shawˇ jeˬ-ahˇ mˇ-eu gʼaˇ duˬ, nui ma gʼawˇ mawˇ dawˬ tawˆ luꞈ a nehˬ-awˬ.

Lormav 7:23

Ehˇ kʼawꞈ, ngaˬ-euˬ gʼawˇ mawˇ laꞈ kʼoeˇ yawˬ zahˇ yawˬ gaˇ mˇ luꞈ gaˇ ngaˇ mawˇ-euˬ ma. Zahˇ kʼoeˇ zahˇ-aˬ, ngaˇ nui ma tsaˬ-eu zahˇ dawˬ kʼoꞈ dawˬ-ahˇ deuˆ ceh ceh luꞈ-eu meh. Zahˇ kʼoeˇ zahˇ neh ngaˬ-ahˇ paꞈ cuꞈ-awˇ, ngaˬ-euˬ gʼawˇ mawˇ laꞈ kʼoeˇ gaˇ mˇ luꞈ-eu iˬ baˇ-euˬ zahˇ sahˇ kʼoꞈ uˬ moˆ bi jawˇ laꞈ-euˬ meh.

Lormav 7:5

Aˬ jeˬ miˇ neh ehˇ naˇ, aˬ dui shiˬ shaˬ jiˇ-euˬ nui noeˬ dehꞈ luꞈ ngeh, Zahˇ dawˬ kʼoꞈ dawˬ baˬ da neh iˬ baˇ mˇ mawꞈ-eu nui kʼahˇ aˬ duiˬ-euˬ gʼawˇ mawˇ laꞈ kʼoeˇ gaˇ mˇ luꞈ-awˇ, aˬ dui kʼaˇ mˇ kʼaˇ shaˇ-euˬ yawˬ jeˬ na luꞈ shiˇ-eu jeˬ-ahˇ aˇ saˬ saˬ leˇ-eu meh.

1 Gawˇliˬtu 6:15

Naw maꞈ-euˬ gʼawˇ mawˇ-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu meh lehˇ maˬ siˬ nya te loˇ. Ka li-euˬ gʼawˇ mawˇ-ahˇ tsoꞈ-eu aˇ sehˇ tiˬ sehˇ ngaˇ yuˇ-awˇ, meh maˬlaˇ-euˬ gʼawˇ mawˇ-ahˇ taꞈ-eu aˇ sehˇ bi pyeuꞈ-iˇ kʼmˬ ta loˇ. Tiˬ jeˬ gʼeh-awˇ neh-iˬ maˬ bi pyeuꞈ-iˇ kʼmˬ-aˇ.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

1 Gawˇliˬtu 6:9

Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

2 Gawˇliˬtu 10:4

Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.

2 Gawˇliˬtu 5:14

Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

2 Gawˇliˬtu 5:15

Dehꞈ luꞈ-eu tsawˇ haˬ deuˬ kʼawꞈ yawˬ ha gʼaˇ duˬ dehꞈ luꞈ-eu jeˬ maˬ bi pyeuꞈ-ehˇ, aˬ yawꞈ maꞈ gʼaˇ duˬ shiˇ dah-awˇ paˇ bi gʼoꞈ dehꞈ laˇ-euˬ gʼaˬ-euˬ gʼaˇ duˬ tehꞈ-ehˇ dehꞈ luꞈ-eu jeˬ bi pyeuꞈ ni, dawˬ tawˆ luꞈ gʼaˇ duˬ aˬ yawꞈ shiˇ dah-euˬ meh.

2 Gawˇliˬtu 8:5

Kʼoeˇ-aˬ, nga maꞈ neh noeˬ tmˬ taˬ-euˬ taꞈ-ehˇ dzehˬ leˇ taˬ-euˬ jeˬ pyeuꞈ-eu meh. Yaw beh tiˬ tiˆ, aˬ yawꞈ maꞈ-euˬ gʼawˇ mawˇ Sahˬpaˬ Yeˬsuˇ-ahˇ a nehˬ-euˬ meh. Nyiˬ tiˆ tiˬ tiˆ, Miˬyehˇ nui ma tsaˬ-eu loꞈ-ehˇ aˬ yawꞈ maꞈ-euˬ gʼawˇ mawˇ nga maꞈ-ahˇ a nehˬ laꞈ-euˬ meh.

Eˇpeˇsu 2:5

Kʼoeˇ miˇ neh, aˬ dui Miˬyehˇ-euˬ ehˇ dawˬ maˬ naˇ haˬ-ehˇ guiˬ lahˬ saꞈ laˇ paw shiˇ luꞈ ngeh, aˬ yawꞈ aˬ dui-ahˇ Ka li nehˬ-ehˇ bi dehꞈ laꞈ-euˬ meh. Naw maꞈ ka kʼoꞈ-eu jeˬ za-euˬ kʼoeˇ-aˬ, Miˬyehˇ gʼawˬ shaˬ gaˬ-eu guiˬ lahˬ baˬ da neh meh.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Dawˬmehˬ 25:16

Tsawˇ gahˇ gahˇ dzaˬ-eu tsawˇ haˬ-ahˇ Sahˬpaˬ Miˬyehˇ bye-eu meh.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Gawˇlawˇsehˇ 2:13

Yaw beh naw maꞈ Yuˇdaˆ tsawˇ haˬ maˬ ngeuˇ-eu uˬ taꞈ, Zahˇ dawˬ kʼoꞈ dawˬ maˬ jaˆ-eu baˬ da neh maˬ ehˇ, naw maꞈ-euˬ iˬ baˇ baˬ da neh maˬ ehˇ, saꞈ laˇ shiˇ taˬ-euˬ gaˇ duˇ-eu meh. Ehˇ kʼawꞈ, nymˬ-mˇ-aˬ, Miˬyehˇ neh naw maꞈ-ahˇ Ka li nehˬ-ehˇ bi dehꞈ laˇ-euˬ meh. Aˬ dui-euˬ iˬ baˇ dawˬ tawˆ luꞈ-ahˇ Miˬyehˇ pyehˬ nehˬ laꞈ-euˬ meh.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

2 Teˇsaˬloˇni 2:12

Kʼoeˇ ngeh jawˇ, yaw tsaˬ yaw dawˇ dawˬ-ahˇ maˬ jah ni iˬ baˇ mˇ gaˇ kʼaˇ cehˇ gʼa-euˬ tsawˇ haˬ deuˬ-aˬ, Miˬyehˇ yaˇ kʼaˬ daˇ nehˬ gaˇ ya daˬ tehꞈ-a.

2 Tiˆmoˇseˬ 2:15

Yawˬ ha-euˬ gaˇ mˇ-eu gʼaˇ duˬ maˬ shaꞈ dawˇ-eu gaˇ mˇ zaˬ loꞈ-ehˇ maˬ ehˇ, Miˬyehˇ-euˬ yaw tsaˬ yaw dawˇ jeˬ gaˇ kawˆ dawˇ coe ni mehˬ-eu tsawˇ haˬ loꞈ-ehˇ maˬ ehˇ, Miˬyehˇ nui kʼahˇ shiˇ dui dui-eu tsawˇ haˬ tiˬ gʼaˬ pyeuꞈ laˇ ni leh jeh dui dui-awˬ.

Yaˬkoˆ 4:1

Naw maꞈ yaw kaˬ iˬ dehˬ iˬ ceh myaˬ-eu jeˬ aˬ gaˇ neh doˆ le-euˬ ta. Naw maꞈ-euˬ gʼawˇ mawˇ laꞈ kʼoeˇ aˬ myah luꞈ ceh luꞈ-eu jeˬ pyeuꞈ-eu byawˬ gʼa mo gʼa-eu nui kʼahˇ-ahˇ neh doˆ le-euˬ meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

1 Beˬtuˆluˆ 4:2

Naw maꞈ mehˬ hu paw dehꞈ daˆ leꞈ-eu tiˬ ziˇ, shiˬ shaˬ jiˇ-euˬ nui loˆ maˬ geuꞈ-ehˇ Miˬyehˇ-euˬ nui kʼahˇ geuꞈ-awˬ.

1 Yoˇhaˬ 1:9

Ehˇ kʼawꞈ, aˬ dui iˬ baˇ ahˇ-eu ngeuˇ ma lehˇ Miˬyehˇ-ahˇ ja doˆ nehˬ naˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ-awˇ yaw tsaˬ yaw dawˇ dawˇ-ehˇ mˇ-eu laꞈ kʼoeˇ, aˬ dui-ahˇ iˬ baˇ pyehˬ nehˬ laꞈ-awˇ, mˇ lehˬ mˇ ca taˬ-euˬ dawˬ tawˆ luꞈ-ahˇ tsiˬ shawˇ dzeh nehˬ laꞈ tehꞈ-a.