Lormav 6:10 - Akha

¹⁰ Aˬ yawꞈ shiˇ-euˬ miˇ neh, iˬ baˇ-euˬ baoˬ aˬ yawꞈ-ahˇ maˬ paˇ gʼaˬ leˇ meh. Nymˬ-mˇ aˬ yawꞈ dehꞈ luꞈ-eu-aˬ, Miˬyehˇ-euˬ gʼaˇ duˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf shir-euq khoer-aq, iqbax-anr tafler-awr tiq pov shir-euq taef khawf, dawqtawv luf-euq gharduq luiv-eu mae. Aerkhawf, aqyawf daefluf-eu-aq, Miqyaer-euq gharduq mae.

Lormav 6:10 ပူးပေါင်းရင်းမြစ်များ

Luˇkaꞈ 20:38

Aˬ yawꞈ-aˬ, shiˇ-euˬ tsawˇ haˬ deuˬ-euˬ Miˬyehˇ maˬ ngeuˇ-a. Dehꞈ luꞈ-eu tsawˇ haˬ deuˬ-euˬ Miˬyehˇ meh. Aˬ jeˬ miˇ neh ehˇ naˇ, aˬ yawꞈ mehˬ shi dawˬ tawˆ luꞈ yaw dehꞈ meh.”

Lormav 6:11

Kʼoeˇ loꞈ-ehˇ duˇ ni, naw maꞈ kʼawꞈ iˬ baˇ-ahˇ kʼaˇ taꞈ-eu yawˬ jeˬ na luꞈ laꞈ kʼoeˇ shiˇ gʼaˬ-awˇ, Yeˬsuˇ Ka li baˬ da neh Miˬyehˇ-euˬ gʼaˇ duˬ dehꞈ luꞈ-eu ma lehˇ yawˬ haˇ yawˬ ha noeˬ-awˬ.

Lormav 6:9

Aˬ jeˬ miˇ neh ehˇ naˇ, Ka li-ahˇ shiˇ-euˬ gaˇ paˇ bi gʼoꞈ dehꞈ laˇ gʼaˬ-euˬ-aˬ, tiˬ jawˇ-iˬ maˬ paˇ shiˇ-ehˇ, shiˇ-eu jeˬ aˬ yawꞈ-ahˇ maˬ paˇ uˆ lahˇ nya meh lehˇ aˬ dui siˬ nya ma.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

2 Gawˇliˬtu 5:15

Dehꞈ luꞈ-eu tsawˇ haˬ deuˬ kʼawꞈ yawˬ ha gʼaˇ duˬ dehꞈ luꞈ-eu jeˬ maˬ bi pyeuꞈ-ehˇ, aˬ yawꞈ maꞈ gʼaˇ duˬ shiˇ dah-awˇ paˇ bi gʼoꞈ dehꞈ laˇ-euˬ gʼaˬ-euˬ gʼaˇ duˬ tehꞈ-ehˇ dehꞈ luꞈ-eu jeˬ bi pyeuꞈ ni, dawˬ tawˆ luꞈ gʼaˇ duˬ aˬ yawꞈ shiˇ dah-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Beˬtuˆluˆ 4:6

Kʼoeˇ miˇ neh, dehꞈ luꞈ ngeh aˬ cawˬ-ahˇ yaˇ kʼaˬ kʼaˇ daˇ nehˬ-euˬ loꞈ-ehˇ bi daˇ nehˬ-euˬ deuˬ pyeuꞈ-eu shiˇ dzeuˇ-euˬ tsawˇ haˬ deuˬ-ahˇ, Ka li aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh. Aˬ yawꞈ maꞈ saꞈ laˇ laꞈ kʼoeˇ dehꞈ luꞈ ngeh, Miˬyehˇ kʼaˇ dehꞈ-eu loꞈ-ehˇ dehꞈ nya ni mehˬ nehˬ-iˇ-euˬ jeˬ pyeuꞈ-eu meh.