Lormav 5:18 - Akha

¹⁸ Tsawˇ haˬ zaˬ tiˬ gʼaˬ neh mˇ-euˬ iˬ baˇ baˬ da neh tsawˇ haˬ zaˬ dawˬ dawˆ luꞈ yaˇ kʼaˬ daˇ nehˬ gaˇ ya daˬ-eu loꞈ-ehˇ, tsawˇ haˬ zaˬ tiˬ gʼaˬ neh mˇ-euˬ yaw tsaˬ yaw dawˇ jeˬ baˬ da neh tsawˇ haˬ zaˬ dawˬ tawˆ luꞈ-ahˇ bi buˬ bi law-iˇ-awˇ, yaw dehꞈ bi dehꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Tsawrhaq tiq ghaq nae mrbanq lavlaeq-euq mirnae, tsawrhaq dawqtawvluf yawlaeq ngar-a laer yarkhaq darnaeq-eu gar yadaq-euq lof-aer, tsawrhaq tiq ghaq tsaq-awr dawr-eu jeq mr-euq mirnae, tsawrhaq dawqtawvluf yawqngaef-aer bif-euq lafsawq za-awr, mrshawr-euq jeq-euq lafkhoer yadaef-eu mae.

Lormav 5:18 ပူးပေါင်းရင်းမြစ်များ

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Yoˇhaˬ 1:7

Tsawˇ haˬ dawˬ tawˆ luꞈ ya gaˬ-awˇ jah laˇ ni, yaw shehꞈ kʼoeˇ-euˬ gaˇ kawˆ aˬ yawꞈ saˇ kiˇ kamˬ le-euˬ meh.

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

Yoˇhaˬ 3:26

Kʼoeˇ miˇ neh, aˬ yawꞈ maꞈ Yoˇhaˬ jawˇ gaˇ le-awˇ ehˇ nehˬ-eu, “Saˬ laˬ-oˇ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ nawˬ nehˬ-ehˇ oe-awˇ, nawˇ aˬ yawꞈ gaˇ kawˆ saˇ kiˇ kamˬ-euˬ tsawˇ haˬ kʼoeˇ gʼaˬ nymˬ-mˇ iˇ cuꞈ shawˇ nehˬ luꞈ meh. Tsawˇ haˬ gʼawˬ mya ni aˬ yawꞈ jawˇ gaˇ iˇ luꞈ meh.”

Gʼaˬkʼehˇ 13:39

Moˇseˬ-euˬ Zahˇ dawˬ kʼoꞈ dawˬ neh maˬ bi buˬ-iˇ nya-eu yawˬ jeˬ na luꞈ laꞈ kʼoeˇ, jah-eu tsawˇ haˬ deuˬ Yeˬsuˇ baˬ da neh buˬ-iˇ nya meh.

Lormav 3:25

Aˬ yawꞈ shiˇ dah-euˬ baˬ da neh tsawˇ haˬ zaˬ deuˬ aˬ yawꞈ-ahˇ jah-eu laꞈ kʼoeˇ Miˬyehˇ iˬ baˇ pyehˬ nehˬ-eu jeˬ-ahˇ za nya ni, Miˬyehˇ neh aˬ yawꞈ-ahˇ tsawˇ haˬ zaˬ deuˬ gʼaˇ duˬ biꞈ leꞈ-euˬ meh. Kʼoeˇ-aˬ, Miˬyehˇ-euˬ yaw tsaˬ yaw dawˇ jeˬ bi mawˇ ni mˇ-euˬ jeˬ pyeuꞈ-eu meh. Dzeuˇ laˇ ngeh aˬ yawꞈ nui ma gʼawˬ mahˇ ni taˬ-awˇ, tsawˇ haˬ zaˬ-euˬ iˬ baˇ-ahˇ haw dzeuˇ nehˬ-euˬ meh.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

Lormav 5:15

Ehˇ kʼawꞈ, tsawˇ haˬ kʼoeˇ nyiˬ gʼaˬ beu gaˇ duˬ jaˆ-eu meh. Aˬ jeˬ miˇ neh ehˇ naˇ, Miˬyehˇ neh yawꞈ ngehꞈ-ehˇ biꞈ laꞈ-euˬ laꞈ sawˬ kʼoeˇ-aˬ, Aˬdaˬ neh iˬ baˇ mˇ-euˬ gaˇ maˬ duˇ leˇ-a. Tsawˇ haˬ kʼoeˇ tiˬ gʼaˬ-euˬ iˬ baˇ baˬ da neh tsawˇ haˬ gʼawˬ mya ni ya shiˇ-euˬ ngeuˇ meh. Ehˇ kʼawꞈ, Miˬyehˇ-euˬ guiˬ lahˬ yaw dzahˇ gʼaˬ kʼaˆ dzehˬ-awˇ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ-ahˇ gʼoe-eu laꞈ kʼoeˇ tsawˇ haˬ gʼawˬ mya ni-ahˇ yawꞈ ngehꞈ-ehˇ biꞈ nehˬ-euˬ meh.

Lormav 5:19

Tsawˇ haˬ zaˬ tiˬ gʼaˬ maˬ naˇ haˬ geuꞈ-euˬ baˬ da neh tsawˇ haˬ zaˬ dawˬ tawˆ luꞈ iˬ baˇ zaˬ pyeuꞈ-iˇ-euˬ loꞈ-ehˇ, tsawˇ haˬ tiˬ gʼaˬ naˇ haˬ geuꞈ-euˬ baˬ da neh tsawˇ haˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ tehꞈ-a.

Lormav 6:14

Iˬ baˇ neh naw maꞈ-ahˇ taˬ paˇ bi uˆ lahˇ. Aˬ jeˬ miˇ neh ehˇ naˇ, zahˇ dawˬ kʼoꞈ dawˬ uˬ moˆ naw maꞈ maˬ paˇ jawˇ-ehˇ, Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu meh.

1 Gawˇliˬtu 15:22

Tsawˇ haˬ dawˬ tawˆ luꞈ Aˬdaˬ-ahˇ taꞈ leˇ-eu laꞈ kʼoeˇ ya shiˇ-eu loꞈ-ehˇ, Ka li-ahˇ taꞈ leˇ-eu laꞈ kʼoeˇ paˇ ya gʼoꞈ dehꞈ laˇ tehꞈ-a.

HeˬByehˇ 2:9

Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.