Lormav 5:14 - Akha

¹⁴ Aˬdaˬ-euˬ ziˇ-ahˇ neh Moˇseˬ-euˬ ziˇ-ahˇ keuˆ ni, shiˇ-eu jeˬ uˆ lahˇ-euˬ meh. Aˬdaˬ neh mˇ-euˬ iˬ baˇ pyeuꞈ-eu Miˬyehˇ ehˇ dawˬ leuˇ-eu jeˬ-ahˇ maˬ mˇ-euˬ deuˬ kʼoeˇ taˆ kʼawꞈ, shiˇ-eu jeˬ uˆ lahˇ-euˬ meh. Aˬdaˬ kʼoeˇ gʼaˬ-aˬ, aˬ kaˇ oe-eu gʼaˬ-ahˇ duˇ leˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqdaq-anr nae Morseq-euq zir-anr keuvni shir-eu jeq uvlanr luf-eu mae. Tsawrhaq khoerdeuq nae iqbax mr-euq hawr-eu, Aqdaq nae mrbanq mrlaeq-euq jeq maq durler-eu khawf, shir-eu jeq aqyawf maf-anr uvlanr luf-eu mae. Aqdaq-aq, aqkar oe-eu khoerghaq-euq arbar mae.

Lormav 5:14 ပူးပေါင်းရင်းမြစ်များ

Aˇ dahˬ 19:25

Meuˬ kʼoeˇ nyiˬ meuˬ hawˇ-eu gaˇ dahˬ gaˇ dzeˇ deh ga dawˬ tawˆ luꞈ maˬ ehˇ, kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, yaw dehꞈ kʼaˇ dehꞈ-eu jeˬ dawˬ tawˆ luꞈ hawˇ-eu sahˬ lahˬ aˇ bawˇ dawˬ tawˆ luꞈ maˬ ehˇ, Sahˬpaˬ Miˬyehˇ neh laˆ cawˆ jiˇ-euˬ meh.

Aˇ dahˬ 4:8

Kʼoeˇ naˇ, Gaˬiˇnaˆ gʼaˬ, aˬ yawꞈ-euˬ aˬ nyiˇ Aˬbeˬlaˆ-ahˇ, “Deh ma-ahˇ iˇ kaˇ-euˇ” lehˇ cawˬ-euˬ meh. Aˬ yawꞈ nyaꞈ nmˇ deh yaˇ-ahˇ iˇ keuˆ-awˇ jawˇ ngeh, Gaˬiˇnaˆ tsawˬ tuˇ-awˇ, aˬ yawꞈ-euˬ aˬ nyiˇ-ahˇ sehꞈ-euˬ meh.

Aˇ dahˬ 7:22

Miˇ tsaˬ kʼoeˇ taˆ jawˇ-eu saꞈ kʼaˇ gʼawˇ-eu jeˬ dawˬ tawˆ luꞈ shiˇ jiˇ-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 1:6

Aˇ kʼoꞈ aˇ la myahˇ laˇ ngeh, Yoˇsehˆ maˬ ehˇ, aˬ yawꞈ-euˬ mehˇ nmˇ deuˬ maˬ ehˇ, aˬ yawꞈ maꞈ nehˬ-ehˇ tiˬ cawˬ pyeuꞈ-eu tsawˇ haˬ deuˬ maˬ ehˇ, ziˇ dehꞈ jiˇ-euˬ meh.

Hawˇseˬ 6:7

“Aˬ daˬ miˇ kʼahˬ -ahˇ uˇ leˇ ngeh, yawꞈ maꞈ dawˬ ma saˇ jaˇ puiˬ-awˇ, ngaˬ-ahˇ maˬ jah ni byehˇ-euˬ meh.

Yawˇnaˆ 4:11

Toˆ-ehˇ ngeuˇ naˇ, huiˬ dui dui-eu Niˇnaˬbeˬ meuˬ kʼoeˇ meuˬ-ahˇ ngaˇ aˇ naˆ ni gʼawˬ shaˬ gaˬ paˬ-ehˇ gʼeh-eu nga. Meuˬ kʼoeˇ meuˬ laꞈ kʼoeˇ iˬ baˇ maˬ ahˇ-eu zaˬ yaw nyiˇ tiˬ seh nyiˬ muiˇ gʼaˬ dzehˬ ni jawˇ-awˇ, jeˬ zaˬ kʼawꞈ myaˬ dui dui-eu meh.”

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

Lormav 5:17

Tsawˇ haˬ tiˬ gʼaˬ iˬ baˇ mˇ-euˬ miˇ neh, tsawˇ haˬ kʼoeˇ gʼaˬ baˬ da neh miˇ tsaˬ kʼoeˇtaˆ shiˇ-eu jeˬ uˆ lahˇ le-euˬ meh. Ehˇ kʼawꞈ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ neh mˇ-euˬ jeˬ-aˬ, kʼoeˇ naˆ maˬ tseˇ gʼaˬ kʼaˆ dzehˬ-eu meh. Huiˬ dui myaˬ dui dui-eu Miˬyehˇ-euˬ guiˬ lahˬ hawˇ-eu, Miˬyehˇ-ahˇ tsaˬ leˇ tsahˇ leˇ-eu jeˬ yawꞈ ngehꞈ-ehˇ za taˬ-euˬ tsawˇ haˬ dawˬ tawˆ luꞈ, Yeˬsuˇ Ka li baˬ da neh yaw dehꞈ-ehˇ ya uˆ lahˇ tehꞈ-a.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Lormav 8:20

Kʼaˇ beh taˬ-euˬ yawˬ jeˬ na luꞈ, laˆ cawˆ-eu jeˬ-ahˇ ya daˬ-eu meh. Ehˇ kʼawꞈ, aˬ yawˇ yawꞈ kʼoeˇ loꞈ-ehˇ ya daˬ-eu maˬ ngeuˇ-a. Miˬyehˇ nui ma tsaˬ-eu miˇ neh kʼoeˇ loꞈ-ehˇ pyeuꞈ luꞈ-eu meh. Ehˇ kʼawꞈ, noeˬ tmˬ duˬ heu loꞈ-ehˇ jaˆ-a siˬ.

Lormav 8:22

Kʼaˇ beh taˬ-euˬ yawˬ jeˬ na luꞈ iˬ nah keuˆ ni shaˬ zahˬ naꞈ-awˇ, zaˬ baw ngeh naˇ-eu miˇ neh mahˇ-eu loꞈ-ehˇ ya mahˇ luꞈ-eu aˬ dui siˬ nya-eu ma.

1 Gawˇliˬtu 15:22

Tsawˇ haˬ dawˬ tawˆ luꞈ Aˬdaˬ-ahˇ taꞈ leˇ-eu laꞈ kʼoeˇ ya shiˇ-eu loꞈ-ehˇ, Ka li-ahˇ taꞈ leˇ-eu laꞈ kʼoeˇ paˇ ya gʼoꞈ dehꞈ laˇ tehꞈ-a.

1 Gawˇliˬtu 15:45

Aˬ jeˬ miˇ neh ehˇ naˇ, “Tsawˇ haˬ zaˬ yaw beh gʼaˬ pyeuꞈ-eu Aˬdaˬ-ahˇ, yaw dehꞈ bi dehꞈ-eu gʼaˇ duˬ beh taˬ-euˬ meh” lehˇ, Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, aˇ saˬ saˬ-eu gʼaˬ pyeuꞈ-eu Aˬdaˬ yawˬ gʼaˬ yawˬ-aˬ, dehꞈ-eu jeˬ biꞈ-eu Yaw sahˇ pyeuꞈ-eu meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.