Lormav 5:11 - Akha

¹¹ Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoer taef-aer maqngeur-eu, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-awr, aqyawf-euq baqda’nae, Miqyaer-euq lafkhoer aqdui laqkhaq caerluf-eu ma.

Lormav 5:11 ပူးပေါင်းရင်းမြစ်များ

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 43:4

Nawˬ-euˬlawˇduˬ-ahˇngaˇle ma. Ngaˬ-euˬlaˬkʼaˬcehˇduˬnawˇma. Ngaˬ-euˬMiˬyehˇpyeuꞈ-eu nawˬ-ahˇ, deuˇ-mˬdiˬ-awˇngaˇja ceuˬma.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Luˇkaꞈ 1:46

Maˬliˇ ehˇ-eu, “Ngaˬ-euˬ nui ma saꞈ laˇ laꞈ kʼoeˇ, SahˬpaˬMiˬyehˇ-ahˇ ja ceuˬ ma.

Yoˇhaˬ 1:12

Ehˇ kʼawꞈ, tiˬ paˆ na deuˬ aˬ yawꞈ-ahˇ ha geuꞈ-awˇ jah-eu meh. Kʼoeˇ miˇ neh, Miˬyehˇ-euˬ zaˬ bi pyeuꞈ laˇ-eu a kawˬ-aˬ, aˬ yawꞈ maꞈ-ahˇ aˬ yawꞈ biꞈ-euˬ meh.

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Lormav 2:17

Nawˬ-euˬ gaˇ kawˆ aˬ joˆ-ehˇ ehˇ paˬ nga. Nawˇ Yuˇdaˆ tsawˇ haˬ ma lehˇ nawˇ yawˬ haˇ yawˬ ha ehˇ-eu meh. Zahˇ dawˬ kʼoꞈ dawˬ-ahˇ gʼoe luꞈ-awˇ, Miˬyehˇ-euˬ tsawˇ haˬ ma lehˇ kʼahˬ sehˇ jehˆ-eu meh.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

Lormav 5:3

Shaˬ-eu zahˬ-eu jeˬ-ahˇ ya daˬ-eu jeˬ jaˆ-eu miˇ neh kʼawꞈ, aˬ dui nui ma huiˬ kʼaˇ za-eu ma. Aˬ jeˬ miˇ neh ehˇ naˇ, kʼoeˇ baˬ da neh aˬ dui daˬ coeˇ oˇ coeˇ laˇ tehꞈ-a lehˇ siˬ nya ma.

Lormav 8:23

Beh taˬ-euˬ jeˬ tehꞈ-ehˇ kʼoeˇ loꞈ-ehˇ mahˇ luꞈ-eu maˬ ngeuˇ-a. Miˬyehˇ neh biꞈ leꞈ-euˬ laꞈ sawˬ za beh beh-euˬ deuˬ pyeuꞈ-eu Yaw sahˇ Miˬyehˇ za-euˬ aˬ dui maꞈ kʼawꞈ, aˬ dui-ahˇ aˬ yawꞈ-euˬ zaˬ bi pyeuꞈ laˇ-awˇ, aˬ dui-euˬ nui ma gʼawˇ mawˇ dawˬ tawˆ luꞈ bi buˬ-iˇnehˬ laꞈ-eu gʼaˇ duˬ Miˬyehˇ-ahˇ loꞈ luꞈ ngeh, nui ma laꞈ kʼoeˇ mahˇ mahˇ-ehˇ shaˬ luꞈ-eu ma.

Lormav 9:10

Kʼoeˇ uˬ taꞈ, Leˬbehˇkaꞈ-euˬ aˬ li nyiˬ li luꞈ, aˬ da Iˇtsaˆ tiˬ gʼaˬ-euˬ zaˬ tehꞈ meh.

1 Gawˇliˬtu 10:16

Aˬ dui Sahˬpaˬ Yeˬsuˇ-ahˇ noeˬ keuˆ-eu Bawˬ-iˬ dzaˬ ngeh, Miˬyehˇ-euˬ guiˬ lahˬ-ahˇ ja ceuˬ-awˇ dawˇ-eu kʼmˬ maˬ-ahˇ taꞈ leˇ-awˇ ngaˇ heu loꞈ-ehˇ ehˇ-eu ma. Kʼmˬ maˬ kʼoeˇ ciˬ dawˇ ngeh, Ka li-euˬ shiˬ-ahˇ aˬ dui taꞈ leˇ-eu jeˬ pyeuꞈ-eu meh. Kaˬ muˇ ngawˬ pyehˬ-awˇ dzaˬ ngeh, Ka liˬ-euˬ gʼawˇ mawˇ-ahˇ aˬ dui taꞈ leˇ-eu jeˬ pyeuꞈ-eu meh.

2 Gawˇliˬtu 8:19

Kʼoeˇ uˬ taꞈ, nga maꞈ laꞈ kʼoeˇ caw ba nehˬ mawꞈ-eu nui ma ahˇ-eu gaˇ kawˆ aˬ cawˬ-ahˇ bi siˬ bi mawˇ-eu gʼaˇ duˬ, Sahˬpaˬ Yeˬsuˇ-euˬ yaw shehꞈ kʼahˬ sehˇ doˆ laˇ ni gʼoeˇ-eu gaˬ-eu jeˬ-ahˇ taꞈ-eu gaˇ heu hmˬ-ahˇ nga maꞈ mˇ mˇ-ehˇ cah ngeh, nga maꞈ nehˬ-ehˇ bi cah-eu lehˇ aˬ yawꞈ-ahˇ Ka li zaˬ aˇ muˇ deuˬ neh tseˇ doˆ taˬ-euˬ meh.

Gaˬlaˬtiˆ 4:9

Nymˬ-mˇ poˆ jawˇ-aˬ, naw maꞈ Miˬyehˇ-ahˇ siˬ nya laˇ-euˬ meh. Maˬ ngeuˇ naˇ, Miˬyehˇ naw maꞈ-ahˇ siˬ nya-euˬ meh lehˇ kʼawꞈ ehˇ-awˬ. Gʼaˬ baˬ dui dui-awˇ tiˬ jeˬ-iˬ maˬ jahˇ nya-eu yaw sahˇ kʼoeˇ deuˬ jawˇ paw naw maꞈ aˬ joˆ-ehˇ paˇ gʼoꞈ pyawˇ-iˇ mawꞈ-eu nya. Aˬ jeˬ miˇ neh aˬ yawꞈ maꞈ-euˬ zaˬ kʼaˆ paˇ geuꞈ poˆ mawꞈ-eu nya.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Piˇliˇpiˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Boꞈ dzeuˇ yaꞈ-euˬ jeˬ-ahˇ paˇ boꞈ poˆ-eu gʼaˇ duˬ ngaˇ nymˇ gawˬ maˬ gawˬ. Kʼoeˇ-aˬ, naw maꞈ guˆ kʼaˇ za-eu jeˬ bi teˬ-iˇ-eu gʼaˇ duˬ ma.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.

Gawˇlawˇsehˇ 2:6

Naw maꞈ-aˬ, Yeˬsuˇ Ka li-ahˇ naw maꞈ-euˬ Sahˬpaˬ loꞈ-ehˇ ha geuꞈ gʼaˬ-euˬ miˇ neh, aˬ yawꞈ-euˬ laꞈ kʼoeˇ dehꞈ gʼeh-awˬ.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.

1 Saˬmeuˬlaˆ 2:1

Haˬnahˬ guiˬ lahˬ shaˇ-eu, “Sahˬpaˬ Miˬyehˇ, ngaˬ nui ma-ahˇ laˬ kʼaˬ cehˇ jeˬ bi byah-euˬ meh. Yawꞈ neh mˇ-euˬ gaˇ baˬ da neh, laˬ kʼaˬ cehˇ dui dui-eu laꞈ kʼoeˇ, Muiˇ-eu deuˬ-ahˇ ngaˇ uiˇ-eu ma. Miˬyehˇ caw ba laꞈ-euˬ miˇ neh, ngaˇ laˬ kʼaˬ cehˇ dui dui-eu ma.