Lormav 5:10 - Akha

¹⁰ Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, aqdui, Miqyaer-anr muir-eu tsawrhaq pyeufluf ngae, aqyawf-euq Zaqyo shirdan-euq mirnae, Miqyaer-anr tsaqler dzoerler-euq ma. Khoernav maqtser, tsaqler dzoerler ghaq-euq nar-aq, Kali daefluf-eu mirnae, aqdui-anr aqdir kakhof naeqlaf taef-a.

Lormav 5:10 ပူးပေါင်းရင်းမြစ်များ

2 Laˬsaˬbaˬ 29:24

Kʼoeˇ naˇ, miˇ kʼahˬ zaˬ dawˬ tawˆ luꞈ iˬ baˇ buˬ-iˇ ni, piˇ ma deuˬ ciꞈ myehꞈ kʼoeˇ deuˬ-ahˇ sehꞈ-awˇ, lawˇ duˬ kʼoeˇ taˆ ciꞈ myehꞈ shiˬ shehˆ daˆ-awˇ lawˇ-euˬ meh. Aˬ jeˬ miˇ neh ehˇ naˇ, “Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ miˬ dzaˬ dzah puiˆ-awˇ lawˇ-eu jeˬ hawˇ-eu iˬ baˇ shawˇ-eu lawˇ-eu jeˬ lawˇ-awˬ” lehˇ, sahˬ paˬ Heˬsaˬgiˇ neh dawˬ biꞈ taˬ-euˬ meh.

Yeˬsaˬgeˬlaˇ 45:20

Ba la kʼoeˇ siˬ shiꞈ nah tiˬ nah-ahˇ kʼawꞈ, maˬ noeˬ maˬ duˇ-ehˇ iˬ baˇ mˇ-euˬ deuˬ hawˇ-eu, maˬ siˬ nya-ehˇ mˇ bahˬ-euˬ deuˬ gʼaˇ duˬ, naw maꞈ kʼoeˇ loꞈ-ehˇ paˇ ya lawˇ meh. Kʼoeˇ loꞈ-ehˇ jahˇ-eu laꞈ kʼoeˇ, Uˬ duˬ tahˬ nymˇ nymˇ ma aˬ myah luꞈ ya bi muiˬ ya bi shawˇ meh.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Yoˇhaˬ 14:19

Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Yoˇhaˬ 5:26

Aˬda-aˬ, dehꞈ-eu jeˬ doˆ le duˬ pyeuꞈ-eu loꞈ-ehˇ, aˬ yawꞈ-euˬ Zaˬmaˇ kʼawꞈ dehꞈ-eu jeˬ doˆ le duˬ pyeuꞈ ni aˬ yawꞈ jahˇ nehˬ-euˬ meh.

Yoˇhaˬ 6:40

Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”

Yoˇhaˬ 6:57

Dehꞈ luꞈ-eu Aˬda neh ngaˬ-ahˇ kʼehˇ gʼeh leꞈ-euˬ meh. Ngaˇ kʼawꞈ, aˬ yawꞈ baˬ da neh dehꞈ luꞈ-eu ma. Kʼoeˇ gaˇ duˇ ni, ngaˬ-ahˇ kʼaˇ dzaˬ-eu tsawˇ haˬ-aˬ, ngaˇ baˬ da neh dehꞈ tehꞈ-a.

Lormav 11:28

Yuˇdaˆ tsawˇ haˬ deuˬ-aˬ, Laˬ kʼaˬ cehˇ-eu Guiˬ lahˬ dawˬ heu-ahˇ maˬ ha geuꞈ-eu paw dzeˇ neh ehˇ leꞈ naˇ, naw maꞈ Yuˇdaˆ tsawˇ haˬ maˬ ngeuˇ-eu deuˬ-euˬ dah zaˇ Miˬyehˇ-ahˇ muiˇ-eu tsawˇ haˬ pyeuꞈ laˇ-euˬ meh. Ehˇ kʼawꞈ, Miˬyehˇ neh tseˇ doˆ-euˬ paw dzeˇ neh paˇ ehˇ leꞈ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ myaˆ pyawˬ naˇ mehˇ baˬ da neh Miˬyehˇ-euˬ nui gaˬ-ahˇ za taˬ-euˬ tsawˇ haˬ pyeuꞈ-eu meh.

Lormav 5:11

Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

Lormav 5:6

Aˬ dui laꞈ jeuˬ shaˇ kʼaˇ maˬ za-ehˇ shaˬ luꞈ ngeh, Miˬyehˇ neh tseˇ doˆ taˬ-euˬ aˇ yamˬ-ahˇ, haiˬ-eu tsawˇ haˬ deuˬ pyeuꞈ luꞈ-eu aˬ dui-euˬ gʼaˇ duˬ Ka li shiˇ dah-euˬ meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

Lormav 8:34

Toˆ-ehˇ ngeuˇ naˇ, aˬ yawꞈ maꞈ iˬ baˇ ahˇ meh lehˇ aˬ suˇ gʼaˬ paˇ ehˇ nmˇ. Tiˬ gʼaˬ-iˬ maˬ paˇ ehˇ-aˇ. Shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-awˇ, Miˬyehˇ-euˬ aˇ maˇ paw jawˇ-awˇ aˬ dui-euˬ gʼaˇ duˬ Miˬyehˇ-ahˇ shaˇ luꞈ-eu gʼaˬ pyeuꞈ-eu Yeˬsuˇ Ka li kʼawꞈ, kʼoeˇ loꞈ-ehˇ maˬ ehˇ-aˇ.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Eˇpeˇsu 2:16

Ka li laꞈ yaꞈ kʼoeˇ taˆ kamˇ shiˇ-awˇ, tiˬ jeuˬ tiˇ jeuˬ muiˇ-eu nui ma-ahˇ laˆ cawˆ-euˬ meh. Laꞈ yaꞈ baˬ da neh tsawˇ jeuˬ nyiˬ jeuˬ-ahˇ tiˬ jeuˬ tehꞈ-ehˇ bi pyeuꞈ laˇ-awˇ, tiˬ gm-ehˇ Miˬyehˇ jawˇ gaˇ sheuˬ kʼoꞈ laꞈ-euˬ meh.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

1 Yoˇhaˬ 4:10

Gʼoeˇ-eu gaˬ-eu jeˬ-aˬ, heu loꞈ-ehˇ meh. Aˬ dui Miˬyehˇ-ahˇ gaˬ-euˬ maˬ ngeuˇ. Aˬ yawꞈ aˬ dui-ahˇ gaˬ-awˇ, aˬ dui-euˬ iˬ baˇ bi pi dzeh le-eu gʼaˇ duˬ aˬ yawꞈ-euˬ Zaˬmaˇ-ahˇ kʼehˇ gʼeh leꞈ-euˬ meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.