Lormav 4:3 - Akha

³ Jaˇliꞈ laꞈ kʼoeˇ boꞈ taˬ-euˬ, “Aˬbyaˬhaˬ Miˬyehˇ-ahˇ jah-awˇ, jah-eu kʼoeˇ hmˬ baˬ da neh aˬ yawꞈ-ahˇ yaw tsaˬ yaw dawˇ tsawˇ haˬ meh lehˇ Miˬyehˇ ha geuꞈ nehˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yaerbof-euq lafkhoer aqjox-aer aertaq-euq la? “Aqbyaqhaq, Miqyaer-anr jan-euq mae. Jan-eu khoer baqda’nae, Miqyaer, aqyawf-anr tsaq-awr dawr-eu tsawrhaq mae laer sawxnaeq-euq mae.” (Adb 15:6)

Lormav 4:3 ပူးပေါင်းရင်းမြစ်များ

Aˇ dahˬ 15:6

Kʼoeˇ ngeh, Aˬbyaˬ-aˬ, Sahˬpaˬ Miˬyehˇ-ahˇ gʼoe-awˇ jah-euˬ meh. Aˬ yawꞈ jah-eu baˬ da neh, Sahˬpaˬ Miˬyehˇ aˬ yawꞈ-ahˇ nui kʼahˇ shiˇ-awˇ ha geuꞈ-euˬ meh.

Jaceuq 106:31

Aˬ yawꞈ neh mˇ-euˬ muiˬ-eu gaˇ kʼoeˇ-ahˇ aˬ cawˬ maˬ ngehˇ ni, tseˇ ziˇ yaˇ ziˇ keuˆ ni noeˬ mawˇ tehꞈ-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Maꞈtehˬ 20:9

Uˬ ciꞈ paw kuiˬ dzaˇ zaꞈ dzaˇ biꞈ ngeh yamˬ-ahˇ hawˇ-eu mˇ le-euˬ deuˬ-ahˇ, tiˬ gʼaˬ-ahˇ pyuˇ maˇ byaˆ tiˬ byaˆ biꞈ-euˬ meh.

Maˬkuˆ 12:10

Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.

Lormav 10:11

“Aˬ yawꞈ-ahˇ kʼaˇ jah-eu tsawˇ haˬ deuˬ daˬ ga-awˇ maˬ ya shaꞈ dawˇ-aˇ” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

Lormav 4:11

Aˇ nah ba hawˇ-eu aˬ yawꞈ baˆ kʼoˆ mehˬ dzaˬ yehˬ-euˬ meh. Aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ nehˬ laꞈ gʼaˬ-euˬ gaˇ kawˆ bi siˬ bi mawˇ-eu gʼaˇ duˬ, baˆ kʼoˆ mehˬ dzaˬ yehˬ-eu zahˇ jahˇ-euˬ jeˬ pyeuꞈ-eu meh. Kʼoeˇ miˇ neh, baˆ kʼoˆ mehˬ dzaˬ maˬ yehˬ-euˬ kʼawꞈ, Miˬyehˇ-ahˇ jah-awˇ Miˬyehˇ neh yaw tsaˬ yaw dawˇ tsawˇ haˬ meh lehˇ kʼaˇ sawˇ taˬ-euˬ tsawˇ haˬ dawˬ tawˆ luꞈ-euˬ guiˬ lahˬ saꞈ laˇ paw aˬ da yaw dzahˇ gʼaˬ-aˬ, Aˬbyaˬhaˬ meh.

Lormav 4:5

Ehˇ kʼawꞈ, mˇ-eu shaˇ-eu jeˬ-ahˇ maˬ gʼoe-ehˇ, jah-eu jeˬ-ahˇ gʼoe-eu laꞈ kʼoeˇ, iˬ baˇ ahˇ-eu tsawˇ haˬ-ahˇ iˬ baˇ maˬ ahˇ-a lehˇ daˇ tsehˆ nya-eu gʼaˬ pyeuꞈ-eu Miˬyehˇ-ahˇ jah-eu tsawˇ haˬ-ahˇ, jah-eu jeˬ baˬ da neh Miˬyehˇ-ahˇ tsaˬ leˇ tsahˇ leˇ-euˬ tsawˇ haˬ lehˇ Miˬyehˇ sawˇ-eu meh.

Lormav 4:9

Daˬbiˇ ehˇ-eu guiˬ lahˬ huiˬ-eu gaˇ kawˆ heu, baˆ kʼoˆ mehˬ dzaˬ yehˬ-euˬ deuˬ-ahˇ tehꞈ-ehˇ taꞈ ta loˇ. Maˬ ngeuˇ-a. Baˆ kʼoˆ mehˬ dzaˬ maˬ yehˬ-euˬ deuˬ-ahˇ kʼawꞈ taꞈ-eu meh. “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ Miˬyehˇ ha geuꞈ nehˬ-euˬ meh” lehˇ ehˇ taˬ-euˬ Jaˇliꞈ dawˬ kʼoeˇ dawˬ aˬ dui ehˇ dzeuˇ gʼaˬ-euˬ ma.

Lormav 9:17

Jaˇliꞈ laꞈ kʼoeˇ Iˇjiˇtuˆ sahˬ paˬ-ahˇ heu loꞈ-ehˇ ehˇ nehˬ taˬ-euˬ jaˆ-eu meh. “Miˇ tsaˬ heu dawˬ tawˆ luꞈ kʼoeˇ taˆ ngaˬ-euˬ baoˬ bi mawˇ-awˇ, ngaˬ-euˬ tsawˇ myahˇ bi huiˬ byah-iˇ-eu gʼaˇ duˬ nawˬ-ahˇ zmˬ-eu lehˇ sahˬ paˬ ka nehˬ taˬ-euˬ ma.”

Yaˬkoˆ 2:23

Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.